یہ جو سینے میں لیے کربِ درُوں زندہ ہوں :: سلیم ساگر

[محمد خلیل الرحمٰن]

پہلے مصرعے میں ’’کربِ درُوں‘‘ (اندر کا کرب) کا تقاضا ہے۔ساغر صدیقی جیسا شاعر ’’کرب و دروں‘‘ کہے، دل نہیں مانتا۔
کتابت میں فروگزاشت ہو گئی، غالباً۔
واللہ اعلم بالصواب


غدیر زھرا
محمد خلیل الرحمٰن

تدوین کردی ہے جناب۔

 

[محمد یعقوب آسی]

انتخاب بلا کا ہے۔
ساغر کی شاعری ۔۔۔ گویا سانس لیتی، بولتی چالتی شاعری ہے۔ وہ جسے کہتے ہیں دھڑکتے ہوئے الفاظ۔


غدیر زھرا

 

[محمد یعقوب آسی]

اپنے ہونے کی خبر کس کو سناؤں ساغر​

کوئی زندہ ہو تو میں اس سے کہوں زندہ ہوں

(ساغر صدیقی )​

​

​

یہ غزل ساغر صدیقی صاحب سے منسوب ہو گئی ہے، یعنی کسی اور ساغر صاحب کی ہے شاید۔ ہو سکتا ہے ساغر نظامی صاحب کی ہو، جو سیماب اکبر آبادی صاحب کے شاگرد عزیز تھے ۔
بہرحال غزل نے بہت لطف دیا، شیئر کرنے پر تشکّر

جناب طارق شاہ صاحب کا کہا بھی احباب نے دیکھا، کسی دوست کے پاس حتمی معلومات ہوں تو بہم پہنچائیں۔



جناب محمد وارث

 

[غدیر زھرا]

انتخاب بلا کا ہے۔
ساغر کی شاعری ۔۔۔ گویا سانس لیتی، بولتی چالتی شاعری ہے۔ وہ جسے کہتے ہیں دھڑکتے ہوئے الفاظ۔


غدیر زھرا

بہت شکریہ سر آپ کی پسندیدگی اور درستی کا جزاک اللہ

 

[غدیر زھرا]

تدوین کردی ہے جناب۔

شکریہ سر جزاک اللہ اگر عنوان کی بھی تدوین کر دی جائے تو نوازش ہو گی

 

[فرحان محمد خان]

جناب طارق شاہ صاحب کا کہا بھی احباب نے دیکھا، کسی دوست کے پاس حتمی معلومات ہوں تو بہم پہنچائیں۔



جناب محمد وارث

یہ ساغر صدیقی کی غزل نہیں

 

[فرحان محمد خان]

یہ جو سینے میں لیے کربِ درُوں ز ندہ ہوں​

کوئی امید سی باقی ہے کہ یوں زندہ ہوں​

​

شہر کا شہر تماشائی بنا بیٹھا ہے​

اور میں بن کے تماشائے جنوں زندہ ہوں​

​

میری دھڑکن کی گواہی تو میرے حق میں نہیں​

ایک احساس سا رہتا ہے کہ ہوں زندہ ہوں​

​

کیا بتاؤں تجھے اسباب جیئے جانے کے​

مجھ کو خود بھی نہیں معلوم کہ کیوں زندہ ہوں​

​

اپنے ہونے کی خبر کس کو سناؤں ساغر​

کوئی زندہ ہو تو میں اس سے کہوں زندہ ہوں​

​

(ساغر صدیقی )​

​

یہ غزل ساغر کے کسی کلیات میں نہیں

 

[Amir Aziz]

یہ غزل جناب سلیم ساگر صاحب کی ہے

 

[Amir Aziz]

یہ غزل جناب سلیم ساگر صاحب کی ہے اس لنک میں دیکھ سکتے ہیں
[] [Saleem+Sagar+Bane+Mehman+UrduPoint+K...+Program+"Aapki+Shairi"+Main.+Pro+24] is good,have a look at it!

 

[غدیر زھرا]

یہ غزل جناب سلیم ساگر صاحب کی ہے

بہت شکریہ درستی کےلیے

 

[عبدالقیوم چوہدری]

بہت شکریہ درستی کےلیے

مقطع میں بھی ساغر کو ساگر کر لیجیے۔

 

[رحیض طاہر]

یہ جو سینے میں لیے کربِ درُوں ز ندہ ہوں
کوئی امید سی باقی ہے کہ یوں زندہ ہوں

شہر کا شہر تماشائی بنا بیٹھا ہے
اور میں بن کے تماشائے جنوں زندہ ہوں

میری دھڑکن کی گواہی تو میرے حق میں نہیں
ایک احساس سا رہتا ہے کہ ہوں زندہ ہوں

کیا بتاؤں تجھے اسباب جیئے جانے کے
مجھ کو خود بھی نہیں معلوم کہ کیوں زندہ ہوں

اپنے ہونے کی خبر کس کو سناؤں ساگر
کوئی زندہ ہو تو میں اس سے کہوں زندہ ہوں

( سلیم ساگر )
​

ہائے کیا بات ہے جی