یہ واعظ کیسی کیسی باتیں ہم سے کرتے ہیں (لالہ مادھو رام جوہر فرخ آبادی)

[ناصر رانا]

یہ غزل لالہ مادھو رام جوہر فرخ آبادی کی ہے جوکہ کئی ضرب المثل اشعار کے خالق ہونے کے ساتھ ساتھ غالب کے ہم عصر بھی رہے ہیں۔
نام: لالہ مادھو رام (1810 سے 188
قلمی نام: جوہر فرخ آبادی
والد کا نام: لالہ جواہر مل
سکنہ: فرخ آباد، اتر پردیش (یو پی) بھارت۔

یہ واعظ کیسی کیسی باتیں ہم سے کرتے ہیں​

کہیں چڑھ کر شراب عشق کے نشے اترتے ہیں​

خدا سمجھے یہ کیا صیاد و گلچیں ظلم کرتے ہیں​

گلوں کو توڑتے ہیں بلبلوں کے پر کترتے ہیں​

دیا دم نزع میں گو آپ نے پر روح چل نکلی​

کسی کے روکنے سے جانے والے کب ٹھہرتے ہیں​

ذرا رہنے دو اپنے در پہ ہم خانہ بدوشوں کو​

مسافر جس جگہ آرام پاتے ہیں ٹھہرتے ہیں​

نہ آجایا کرو اغیار کی الفت جتانے میں​

وہ تم پر کیوں بھلا مرنے لگےفاقوں سے مرتے ہیں​

ہر اک موسم میں کشت آرزو سرسبز رہتی ہے​

تردد غیر کو ہوگا یہاں تو چین کرتے ہیں​

یہ جوڑا کھولنا بھی ہیچ سے خالی نہیں ان کا​

الجھ جاتا ہے دل جب بال شانوں پر بکھرتے ہیں​

سمجھ لینا تمہارا اے رقیبوں کچھ نہیں مشکل​

خدا جانے یہ کس کا خوف ہے ہم کس سے ڈرتے ہیں​

تکلف کے یہ معنی ہیں سمجھ لو بے کہے دل کی​

مزا کیا جب ہمیں نے یہ کہا تم سے کہ مرتے ہیں​

 

[نایاب]

واہہہہہ
کیا خواب شراکت ہے
بہت دعائیں

 

[سارہ خان]

عمدہ انتخاب ۔۔

 

[ناصر رانا]

واہہہہہ
کیا خواب شراکت ہے
بہت دعائیں

حوصلہ افزائی کا بہت بہت شکریہ۔

 

[ناصر رانا]

عمدہ انتخاب ۔۔

بہت شکریہ۔