نیلا نقطہ
محفلین
مجھے جب سے یہ فورم ملا ہے لائبریری کے بارے میں دھاگے دکھتے رہے ہیں۔ یہاں تک کے انٹرنیٹ پر اردو کی یونیکوڈ کتابیں ڈھونڈنے کی کوشش کروں تو آخری مقام یہی لائبریری نکلتی ہے ہر دفعہ۔ پر جب بھی اس لائبریری کو کھوجنے کی کوشش کی ہے آگے سے محض پی ایچ پی یا ہیروکُو ایرر ملے ہیں۔ لائبریری نہ ہو گئی بیت الحکمت ہو گئی۔ کہ قدیم انٹرنیٹ میں کوئی لائبریری ہوتی تھی جہاں دنیا بھر کے اردو دان اپنے نسخے لکھ کر بھیجا کرتے تھے۔ پر کسی پُر اسرار وجہ سے یہ پوری لائبریری ہی زمین سے غائب ہو گئی اور وقت کے ساتھ ساتھ نئی نسلیں اس کے وجود تک کو بھول گئیں۔ تو میرا سوال یہ ہے کہ کسی ویب سائٹ کا انٹرنیٹ سے غائب ہونا تو سمجھ آتا ہے لیکن اس کا کوئی بیک اپ وغیرہ بھی نہیں کیا گیا؟ انٹرنیٹ آرکائو پر کچھ پڑا ہو؟یا کوئی ٹورنٹ ہی سہی؟
