احمد مشتاق یہ کس ترنگ میں ہم نے مکان بیچ دیا ۔۔۔۔ احمد مشتاق

[نوید صادق]

غزل

یہ کس ترنگ میں ہم نے مکان بیچ دیا
درخت کاٹ لئے سائبان بیچ دیا


دری لپیٹ کے رکھ دی بساط الٹ ڈالی
چراغ توڑ دئے شمع دان بیچ دیا

خزاں کے ہاتھ خزاں کے نیاز مندوں نے
نوائے موسمِ گل کا نشان بیچ دیا

اٹھا جو شور تو اہلِ ہوس نے گھبرا کر
زمین لیز پہ دے دی، کسان بیچ دیا

یہی ہے بھوک کا عالم تو دیکھنا اک دن
کہ ہم نے دھوپ بھرا آسمان بیچ دیا

(احمد مشتاق)

 

[الف عین]

غزل تو بہت عمدہ ہے۔ لیکن یہاں کیا غلطی ہوئی ہے؟
اٹھا جو شور تو اہلِ ہوس نے گھبرا کر
مین لیز پہ دے دی، کسان بیچ دیا
(دوسرا مصرع)

 

[نوید صادق]

غزل تو بہت عمدہ ہے۔ لیکن یہاں کیا غلطی ہوئی ہے؟
اٹھا جو شور تو اہلِ ہوس نے گھبرا کر
مین لیز پہ دے دی، کسان بیچ دیا
(دوسرا مصرع)

زمین لیز پہ دے دی، کسان بیچ دیا
ٹائپنگ ایرر۔

 

[الف عین]

مجھے بھی بعد میں خیال آیا کہ یہ لیز Lease ہو سکتا ہے اور زمین کی ’ز‘ چھوٹ گئی ہے۔

 

[فاتح]

بہت شکریہ نوید صاحب۔
شاید اسے غزل مسلسل بھی کہہ سکتے ہیں۔۔۔

 

[نوید صادق]

بہت شکریہ نوید صاحب۔
شاید اسے غزل مسلسل بھی کہہ سکتے ہیں۔۔۔

کچھ بھی کہہ لیں۔

 

[خرم شہزاد خرم]

اٹھا جو شور تو اہلِ ہوس نے گھبرا کر
زمین لیز پہ دے دی، کسان بیچ دیا

بہت خوب بہت اچھی غزل ہے سر جی اچھا انتخاب جزاک اللہ

 

[محمداحمد]

بلا شبہ! بہت اچھی غزل ہے۔

 

[محمد وارث]

بہت شکریہ نوید صاحب خوبصورت غزل شیئر کرنے کیلیے!

خزاں کے ہاتھ خزاں کے نیاز مندوں نے
نوائے موسمِ گل کا نشان بیچ دیا

واہ واہ