Fawad – Digital Outreach Team – US State Department
شکریہ عارف۔ بہت اچھی شیرینگ ہے۔
آخری 10 منٹ تو لاجواب ہیں۔ میری فواد سے درخواست ہے کہ اور کچھ نہیں تو آخری دس منٹ کی فلم ہی کو دیکھ لیں۔
ميں نے 911 کے حوالے سے يہ تمام ويڈيوز ديکھ رکھی ہيں۔ اس ايشو کے حوالے سے جو دلائل اور "ثبوت" انتہائ جذباتی انداز ميں پيش کيے جاتے ہیں، ان کی بنياد ہی میں واضح تضاد موجود ہے۔ ايک طرف تو يہ دعوی کيا جاتا ہے کہ امريکی حکومت کے اندر موجود کچھ عناصر 911 کے واقعات کے ذمہ دار تھے۔ اس تھيوری کو درست تسليم کرنے کا مطلب يہ ہے کہ يہ عناصر انتہائ طاقتور اور اثر ورسوخ کے حامل ہيں جن کے اختيارات کو چيلنج کرنا ممکن نہيں ہے۔ يہ عناصر اپنی عياری سے نہ صرف يہ کہ ہزاروں کی تعداد ميں موجود اس واقعے کے چشم دید گواہوں کو دھوکہ دينے ميں کامياب ہو گئے بلکہ کڑوروں کی تعداد ميں جن لوگوں نے دنيا کے کونے کونے ميں ٹی وی پر براہراست يہ مناظر ديکھے، وہ بھی اس چالبازی کو نہيں سمجھ سکے۔ اس کے علاوہ امريکی حکومت کے اندر موجود يہ پراسرار عناصر ہزاروں کی تعداد ميں ماہرين اور درجنوں نجی تنظيموں اور اداروں کی تحقيقات کو بھی اپنے اثرورسوخ اور اختيارات کی بدولت دھوکہ دينے ميں کامياب ہو گئے۔ صرف يہی نہيں بلکہ القائدہ کی ليڈرشپ سميت ہزاروں کی تعداد ميں جو افراد اس عظيم سازش کا حصہ تھے، وہ بھی پچھلے 8 سالوں سے اس راز پر پردہ ڈالے ہوئے ہیں۔
مگر دوسری جانب يہی حکومتی عناصر اتنے کمزور اور بے بس ہو جاتے ہيں کہ کوئ بھی شخص جو کمپيوٹر تک رسائ رکھتا ہے اور ويڈيو ايڈيٹنگ کی بنيادی سمجھ بوجھ کے ساتھ ايک تخليقی سوچ رکھتا ہے، وہ اس مکمل اور عظيم ماسٹر پلان کی دھجياں بکھير سکتا ہے۔ وہی طاقتور اور بااختيار حکومتی عناصر جو دنيا کے بڑے بڑے اداروں اور ماہرين کو دھوکہ دينے ميں کامياب ہو سکتے ہيں وہ ان سازشی ويڈيوز کے تخليق کاروں کے سامنے بالکل بے بس اور ان کے رحم و کرم پر ہيں۔
يہاں تک سازشی ويڈيوز کا سوال ہے تو ميں آپ کو يقين دلاتا ہوں کہ آپ دنيا کے کسی بھی اہم واقعے کے بارے ميں اسی طرح کی ويڈیوز ديکھ سکتے ہيں، وہ چاہے انسان کا چاند پر جانے کا واقعہ ہو، پرل ہاربر يا شہزادی ڈيانا اور مائيکل جيکسن کی موت، ہر موضوع پر اسی طرح کی ويڈيوز موجود ہيں۔
فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
www.state.gov
