mybboard ترجمہ

[مکی]

میں‌نے ان کا بھی فورم استعمال کر کے دیکھا ہے۔ لیکن وہ ابھی اتنا پائیدار نہی ہے اور سہی کام بھی نہی کرتا۔
خیر میں بہت جلد آپ سب کو mybboard کا اردو ترجمہ دوں گا۔

کیا آپ بتانا پسند فرمائیں گے کہ اس میں آپ نے کون سی خرابی دیکھی ہے..؟؟

تجرباتی تنصیب یہاں ہے

 

[silent.killer]

بھائی ناراضگی والی کوئی بات نہی ہے۔ جب میں نے اسے انسٹال کیا تو چند ایک صفحات ہی سہی دیکھ سکا ۔ باقی میں زبان کون سی استعمال ہوئی کوئی پتا نہی۔ دوسری بات یہ کہ کویک ریپلائی اس فورم جیسا ہونا چاہیے آپ نے تو اسے ایسا بنا دیا جیسا کہ نیا موضوع شروع کرتے وقت بن جاتا ہے۔ فوری جواب والا سادہ ہونا چاہیے ۔
اگر میری کسی بات سے آپ کا دل دکھا ہو تو میں معافی مانگتا ہوں

 

[مکی]

اگر آپ سے صحیح طریقے سے انسٹال نہیں ہوسکا تو اس کا مطلب یہ نہیں ہے کہ یہ بے کار ہے.. آپ دیکھ سکتے ہیں کہ ٹیسٹ فورم بالکل صحیح کام کر رہا ہے.. جہاں تک فوری جواب کے ایڈیٹر کی بات ہے تو بھائی میں نے اسے پروگرام نہیں کیا ہے، میں نے صرف ترجمہ کیا ہے.. اصل میں فوری جواب کا ایڈیٹر اسی طرح ہے.. اگر آپ کو پسند نہیں ہے تو یہ آپ کا مسئلہ ہے.. بہت سوں کو ایسا ہی ایڈیٹر پسند آتا ہے.. لہذا اس کے لیے کوئی معیار متعین نہیں کیا جاسکتا..

 

[silent.killer]

سلام
میں‌ سب کو بتا دینا چاہتا ہوں کہ 31 فائلز کا ترجمہ ہو چکاہے ۔ جبکہ باقی صرف 15 فائلز رہ گئی ہیں‌۔ عید سے پہلے وہ بھی کر ڈالوں گا۔

 

[silent.killer]

صرف 9 فائل رہ گئی ہیں جن میں‌ سے بہت ساری آدھی آدھی تیار ہیں

 

[silent.killer]

سلام علیکم
میں‌ آپ سب کو خوشخبری دینا چاہتا ہوں کہ میں‌ نے مائی بی بی 1۔4۔1 اور 2۔4۔1 کا اردو ترجمہ مکمل کر لیا ہے۔۔ صرف اس کی تصاویر کا اردو ترجمہ کرنا رہ گیا ہے جو کہ میرے بس میں‌ن ہی۔ کیا کوئی اس کو اردو کر کے دے گا کیونکہ میں‌ فوٹو شاپ نہی جانتا۔ اگر طی بلیٹن کی تصاویر ہوں‌ تو کیا ہی مزہ ہے

 

[نبیل]

سائلنٹ کلر نے مجھے مائی بی بی کا ترجمہ بھیج دیا تھا جس کے بعد میں نے مائی بی بی کا اردو پیکج تیار کرنے کا جائزہ لیا۔ میں نے دیکھا ہے کہ اس سلسلے میں کچھ مشکلات درپیش آ رہی ہیں۔ دراصل مائی بی بی میں کچھ ایجیکس فیچرز کے لیے prototype.js کا استعمال کیا گیا ہے جو کہ اوپن پیڈ انٹگریشن پر کام کرنا چھوڑ دیتی ہیں۔ اسی وجہ سے پیغامات میں سمائلیز شامل کرنا بھی ممکن نہیں رہتا۔ میں کوئی ایسی سیٹنگ تلاش کر رہا ہوں جس کے ذریعے مائی بی بی کی تمام ایجیکس فیچرز کو ڈس ایبل کیا جا سکے، اس کے بعد ہی اس کے اردو پیکج کی تیاری پر کوئی کام ہو سکے گا۔

 

[silent.killer]

نبیل بھائی آپ کا بہت شکریہ کہ آپ نے مائی بی بی کیلئے وقت نکالا
مجھے امید ہے کہ آپ جیسے ماہر کے سامنے ایجیکس فیچرز جیسی چیز ٹک نہی پائے گی

 

[نبیل]

میں اس سلسلے میں کام کر رہا ہوں لیکن یہ اس میں کافی وقت لگ رہا ہے۔ مائی بی بی میں اوپن پیڈ کو موجودہ صورت میں انٹگریٹ کرنا ممکن نہیں ہے۔ میں کوشش کر رہا ہوں کہ اردو ویب پیڈ کا prototoype.js کمپیٹیبل ورژن تیار کر دوں، لیکن اس میں کافی وقت لگ سکتا ہے۔

 

[نبیل]

مجھے مائی بی بی میں اردو انٹگریشن کے سلسلے میں جزوی کامیابی حاصل ہوئی ہے، لیکن سائلنٹ کلر نے مجھے جو ترجمہ ارسال کیا ہے اس میں بے شمار غلطیاں ہیں۔ میرے خیال میں کم از کم اس ترجمے کے ساتھ مائی بی بی کا اردو پیکج ریلیز کرنا مناسب نہیں ہوگا۔ میں اس کا ایک ٹیسٹ پیکج بنا کر فراہم کر دوں گا اور اگر کوئی دوست اس کے ترجمے کی قدرے اصلاح کر دیں تو اسے باقاعدہ ریلیز کرنے کا بھی سوچا جا سکتا ہے۔

 

[نبیل]

میں نے اردو ویب پیڈ کا prototype.js کمپیٹیبل ورژن تیار کر لیا ہے جس کے ذریعے مائی بی بی میں اردو ایڈیٹر انٹگریشن ممکن ہو گئی ہے۔ میری کوشش ہو گی کہ کچھ دنوں تک مائی بی بی کا اردو پیکج تیار کر دوں۔ جیسا کہ میں اوپر عرض کر چکا ہوں، مائی بی بی کا اردو پیکج باقاعدہ جاری کرنے سے قبل اس کے ترجمے کی اصلاح اشد ضروری ہے۔ مائی بی بی میرے اندازے کے مطابق بہترین اوپن سورس فورم سوفٹویر ہے، اگرچہ ابھی میں مائی سمارٹ بی بی کو استعمال کرکے نہیں دیکھا ہے۔

 

[silent.killer]

نبیل بھائی کیا آپ بتا سکتے ہیں کہ آپ نے اردو پیڈ کس حد تک انٹیگریٹ کر لیا ہے؟
اور
ترجمہ میں کس کس جگہ پر غلطیاں ہیں۔ کیونکہ میں نے دوبارہ ترجمہ کا جائزہ لیا ہے اور کئی الفاظ درست کیے ہیں۔ آپ مجھے بتائیں ہو سکتا ہے کہ وہ غلطیاں‌ وہی ہوں۔ اور اگر نہی ہیں تو میں‌ ان غلطیاں کو فوراً دور کر دوں گا۔
شکریہ

 

[نبیل]

سائلنٹ کلر، اردو ایڈیٹر کی انٹگریشن کا کام جلد مکمل ہو جائے گا۔ آپ نے صحیح کو سہی لکھا ہوا ہے اور نہیں کئی جگہ پر نہی لکھا نظر آ رہا ہے۔ اسی طرح ascending اور descending کو آپ نے صعودی اور نزولی کی بجائے انگریزی الفاظ کو اردو میں لکھنے پر اکتفا کیا ہوا ہے۔ یہ صرف چند مثالیں ہیں۔ تفصیلی جائزہ لینے پر باقی غلطیاں بھی نظر آ جائیں گی۔

 

[silent.killer]

میری غلطیوں کا احساس دلانے کا شکریہ
میں‌ پوری کوشش کروں گا کہ ان غلطیوں‌کو دور کردوں۔
مائی بی بی ایک بہترین اوپن سورس ہے ۔ یہ ای بی کی کاپی ہے۔ بہت جلد اس کی تمام فیچرز وی بی جیسےہو جائیں‌گئے
فوری جواب کا ایڈیٹر ایسا بنائیں جیسا کہ آپ نے اس فورم پر بنایا ہوا ہے
یا پھر ایک پلگ ان ہے جے انسٹال کرنے سے ایک طرف سمائلی ظاہر ہوتی ہیں اور فوری جواب کے کانے کے اوپر کوڈز آجاتے ہیں

۔ میں سعودیہ آنے کے بارے میں‌ سوچ رہا ہوں۔ آپ وہاں کس شہر میں رہتے ہیں؟

 

[نبیل]

میں فی الحال مائی بی بی کے ڈیفالٹ پیکج کا اردو ورژن بنانے پر کام کروں گا۔ باقی یوزر اپنی مرضی کے پلگ ان انسٹال کر سکیں گے۔
میں سعودیہ نہیں بلکہ جرمنی میں ہوتا ہوں۔

 

[silent.killer]

انفارمیشن دینے کا شکریہ

آپ نے پی ایچ پی مین کوئی کورس کیا ہے ؟

 

[نبیل]

جی نہیں۔۔۔۔

 

[silent.killer]

کیا آپ نے مائی بی بی میں اردو انٹیگریٹ کر دیا ہے؟
مجھے شدت سے اس کا انتظار ہے

 

[فخرنوید]

اچھا بورڈ ہے اس کا جو نیا ورژن ہے اس پر کام کریں وہ زیادہ بہتر ہوگا۔
اردو انٹیگریشن جلد از جلد ہونا چاہیے تا کہ اس پر محنت کرنے کا فائدہ بھی ہو۔

 

[نبیل]

میرا ارادہ تو یہ تھا کہ مائی بی بی کا مکمل اردو پیکج فراہم کر دوں لیکن اس کی تیاری کے لیے وقت نہیں مل رہا ہے۔ میں فی الحال اردو ایڈیٹر انٹگریٹ کرکے متعلقہ فائلیں مہیا کر دوں گا۔ میں کوشش کروں گا کہ یہ کام دو یا تین دن تک ہو جائے۔