نبیل
تکنیکی معاون
عزیز دوستو، السلام علیکم
امید کرتا ہوں کہ آپ سب بخیریت ہوں گے۔ میں اس اتوار کو پاکستان سے واپس لوٹا ہوں جہاں میں تقریبا چار ہفتے ٹھہرا ۔ میں انشاءاللہ اس فورم اور اپنے بلاگ کے ذریعے اپنے پاکستان کے قیام کے مشاہدات اور تاثرات سے آگاہ کرتا رہوں گا۔
پاکستان میں قیام کے دوران مجھےانٹرنیٹ کی سہولت بوجوہ میسر نہ آئی۔ خال خال جب بھی اس فورم پر نظر پڑتی رہی تو اس کی سست روی حوصلہ افزا نہ لگی۔ میں نے تو اپنی دانست میں انٹرنیٹ پر گفتگو کا ایک پلیٹ فارم مہیا کر دیا تھا جسے خاصا مقبول ہونا چاہیے تھا اور اس پر دلچسپ موضوعات کی بھرمار ہونی چاہیے تھی جبکہ صورتحال اس کے برعکس نظر آتی ہے۔ یوں لگتا ہے کہ اس محفل کی رونق کو برقرار رکھنے کے لیے ایک catalyst کا ہونا ضروری ہے۔ میری غیر حاضری میں زکریا اور قدیر اپنی بساط کے مطابق فورم کی نوک پلک سنوارتے رہے جس کے لیے میں انکا دل سے مشکور ہوں۔
میرے خیال میں اس وقت ایک مرتبہ پھر سے اس فورم کا جائزہ لیا جانا چاہیے۔ ویسے تو یہ کام سرسری طور پر اس فورم کے صفحہ اول پر نظر ڈال کر نہایت آسانی سے کیا جا سکتا ہے۔ اس وقت سب سے مقبول فورم تجاویز، آراء اور شکایات والی ہی ہے۔ اردو کمپیوٹنگ سے متعلقہ فورمز پر اکا دکا پوسٹس ہی نظر آتی ہیں۔ ادبی کارنر پہ بھی رونق توقع کے مطابق نہیں ہے۔ مجھے کبھی کبھی یوں لگتا ہے کہ ادبی فورمز کی موجودہ تشکیل شاید مکمل طور پر ادبی ذوق رکھنے والوں کے مزاج سے مناسبت نہیں رکھتی جس کے باعث وہ یہاں اپنی یا دوسروں کی تخلیقات پوسٹ کرنے سے گریزاں ہیں۔ میری دانست میں فورمز کہانی گھر، طنزومزاح اور آپ کی تحریریں کو آپس میں ضم کر دیا جانا چاہیے۔ اس کے علاوہ چند اور فورمز جیسے کہ تبصرہ کتب وغیرہ شامل کی جانی چاہییں۔ میں اس سلسلے میں آپ کی تجاویز کا منتظر رہوں گا۔
جو خواتین و حضرات دوسری مقبول فورمز پر شمولیت کا تجربہ رکھتے ہوں ان سے گزارش ہے کہ وہ مقبولیت کے ان عناصر کی نشاندہی کریں جس سے اس فورم کو بھی مقبول بنایا جا سکے۔
امید کرتا ہوں کہ آپ سب بخیریت ہوں گے۔ میں اس اتوار کو پاکستان سے واپس لوٹا ہوں جہاں میں تقریبا چار ہفتے ٹھہرا ۔ میں انشاءاللہ اس فورم اور اپنے بلاگ کے ذریعے اپنے پاکستان کے قیام کے مشاہدات اور تاثرات سے آگاہ کرتا رہوں گا۔
پاکستان میں قیام کے دوران مجھےانٹرنیٹ کی سہولت بوجوہ میسر نہ آئی۔ خال خال جب بھی اس فورم پر نظر پڑتی رہی تو اس کی سست روی حوصلہ افزا نہ لگی۔ میں نے تو اپنی دانست میں انٹرنیٹ پر گفتگو کا ایک پلیٹ فارم مہیا کر دیا تھا جسے خاصا مقبول ہونا چاہیے تھا اور اس پر دلچسپ موضوعات کی بھرمار ہونی چاہیے تھی جبکہ صورتحال اس کے برعکس نظر آتی ہے۔ یوں لگتا ہے کہ اس محفل کی رونق کو برقرار رکھنے کے لیے ایک catalyst کا ہونا ضروری ہے۔ میری غیر حاضری میں زکریا اور قدیر اپنی بساط کے مطابق فورم کی نوک پلک سنوارتے رہے جس کے لیے میں انکا دل سے مشکور ہوں۔
میرے خیال میں اس وقت ایک مرتبہ پھر سے اس فورم کا جائزہ لیا جانا چاہیے۔ ویسے تو یہ کام سرسری طور پر اس فورم کے صفحہ اول پر نظر ڈال کر نہایت آسانی سے کیا جا سکتا ہے۔ اس وقت سب سے مقبول فورم تجاویز، آراء اور شکایات والی ہی ہے۔ اردو کمپیوٹنگ سے متعلقہ فورمز پر اکا دکا پوسٹس ہی نظر آتی ہیں۔ ادبی کارنر پہ بھی رونق توقع کے مطابق نہیں ہے۔ مجھے کبھی کبھی یوں لگتا ہے کہ ادبی فورمز کی موجودہ تشکیل شاید مکمل طور پر ادبی ذوق رکھنے والوں کے مزاج سے مناسبت نہیں رکھتی جس کے باعث وہ یہاں اپنی یا دوسروں کی تخلیقات پوسٹ کرنے سے گریزاں ہیں۔ میری دانست میں فورمز کہانی گھر، طنزومزاح اور آپ کی تحریریں کو آپس میں ضم کر دیا جانا چاہیے۔ اس کے علاوہ چند اور فورمز جیسے کہ تبصرہ کتب وغیرہ شامل کی جانی چاہییں۔ میں اس سلسلے میں آپ کی تجاویز کا منتظر رہوں گا۔
جو خواتین و حضرات دوسری مقبول فورمز پر شمولیت کا تجربہ رکھتے ہوں ان سے گزارش ہے کہ وہ مقبولیت کے ان عناصر کی نشاندہی کریں جس سے اس فورم کو بھی مقبول بنایا جا سکے۔
