آج کا شعر - 5

[کاشفی]

نہیں آتی تو یاد اُن کی مہینوں تک نہیں آتی​

مگر جب یاد آتے ہیں تو اکثر یاد آتے ہیں​

(حسرت موہانی)​

 

[کاشفی]

جو چاہو سزا دے لو تم اور بھی کھیل کھیلو​

پر ہم سے قسم لے لو، کی ہو جو شکایت بھی​

(حسرت موہانی)​

 

[کاشفی]

چل اے ہمدم ذرا ساز طرب کی چھیڑ بھی سن لیں
اگر دل بیٹھ جائے گا تو اُٹھ جائیں گے محفل سے
(مرزا ذاکر حسین صاحب ثاقب قزلباش لکھنوی)​

 

[کاشفی]

یادگار دہر ہے یہ خود فراموشی مری​

آپ کو بھولا ہوں اوروں کا فسانا یاد ہے​

(مرزا ذاکر حسین صاحب ثاقب قزلباش لکھنوی)​

 

[کاشفی]

کروٹیں لیتی ہے دنیا، آفریں اے دردِ دل​

بوجھ میرا ہے مگر سارے جہاں پر بار ہے​

(مرزا ذاکر حسین صاحب ثاقب قزلباش لکھنوی)​

 

[کاشفی]

بہت سی عمر مٹا کر جسے بنایا تھا​

مکاں وہ جل گیا تھوڑی سی روشنی کے لئے​

​

بلا کے مجھ کو نکالا ہے اپنی محفل سے​

وہ نیکیاں نہیں اچھی، جو ہوں بدی کے لئے​

(مرزا ذاکر حسین صاحب ثاقب قزلباش لکھنوی)​

 

[کاشفی]

کوئی حسیں ہو ہمیں اک نگاہ کر لینا​

جگر کو تھام کے چپکے سے آہ کر لینا​

​

نیاز مند ہوں کافی ہے ناز کرنے کو​

سلام جا کے اُنہیں گاہ گاہ کرلینا​

​

کوئی سنے نہ سنے مجھ کو دردِ دل کہنا​

اثر کرے نہ کرے، مجھ کو آہ کرلینا​

(شاعر: مجھے معلوم نہیں)​

​

 

[کاشفی]

بُرا نہ مانو اگر ذکرِ حور میں نے کیا​

غرور تم نے کیا تھا، قصور میں نے کیا​

​

اب اس کو پردہ دری سمجھو یا کچھ اور کہو​

تمہارے حُسن کا چرچہ ضرور میں نے کیا​

(شاعر: مجھے معلوم نہیں )​

 

[کاشفی]

کہہ گیا شمع سے پروانہ کہ ناممکن ہے​

میں جلوں اور کلیجا رہے ٹھندا تیرا​

(شاعر: مجھے معلوم نہیں)​

 

[کاشفی]

ہر خاروخس ہے وجد میں، ہر سنگ و خشت مست
کیا مےکشوں نے آ کے کہا خانقاہ میں

آشفتہ خاطری وہ بلا ہے کہ شیفتہ
طاعت میں کچھ مزا ہے نہ لذت گناہ میں
(نواب مصطفیٰ خاں شیفتہ)​

 

[کاشفی]

اتنی بھی بُری ہے بے قراری​

اب آپ سے اُنس کم کریں گے​

(نواب مصطفیٰ خاں شیفتہ)​

 

[کاشفی]

بے عذر وہ کرلیتے ہیں وعدہ یہ سمجھ کر​

یہ اہلِ مروت ہیں تقاضا نہ کریں گے​

(نواب مصطفیٰ خاں شیفتہ)​

 

[کاشفی]

ملیں کسی سے تو بدنام ہوں زمانے میں​

ابھی گئے ہیں وہ مجھ کو سنا کے پردے میں​

​

نہ مانگ زاہد ناداں ذرا سمجھ تو سہی​

شکایتیں ہیں یہ کس کی دعا کے پردے میں​

(مائل دہلوی)​

 

[کاشفی]

ذکر جب چھڑ گیا قیامت کا​

بات پہنچی تری جوانی تک​

(فانی بدایونی)​

 

[کاشفی]

اے شمع تیری عمرِ طبیعی ہے ایک رات​

ہنس کر گزار یا اسے رو کر گزار دے​

(شیخ ابراہیم ذوق)​

 

[کاشفی]

دیکھوں جراءت اس کو تو کہتا ہے یہ منہ پھیر کے​

کن بری آنکھوں سے دیکھے ہے یہ سودائی مجھے​

(شیخ قلندر بخش جراءت)​

 

[کاشفی]

عدم میں رہتے تو شاد رہتے، اُسے بھی فکرِ ستم نہ ہوتا​

جو ہم نہ ہوتے تو دل نہ ہوتا، جو دل نہ ہوتا تو غم نہ ہوتا​

(مومن خاں مومن)​

 

[عرفان سرور]

زاہد کو میکدے میں کوئی پوچھتا نہیں
پھر اس پہ یہ غرور کہ میں برگزیدہ ہوں
(معشوق حسین اطہر ہاپوڑی)

 

[عرفان سرور]

وعدہ دبی زبان سے وہ کر کے ہنس پڑے
شوخی نے رخنہ ڈال دیا ہے نباہ میں
(معشوق حسین اطہر ہاپوڑی)

 

[عرفان سرور]

ہم وہ ہیں ہم پہ شانِ کریمی کو ناز ہے
زاہد نہ چھیڑ ہم کو گنہگار دیکھ کر
(معشوق حسین اطہر ہاپوڑی)