تیسری سالگرہ اراکین محفل در نظر شعراء و در عکس شعر

[تعبیر]

واہ واہ مکرر مکرر

 

[سجادعلی]

محفل واقعی محفل مشاعرہ
ہر ساتھی نے اپنے جذبات اچھے انداز سے پیش کیے
ابن علی اور راہبرنے کمال کر دیا

 

[عمار ابن ضیا]

پری کے نام

دیکھو تو اِک پری ہے پرستان کی یہاں
لہجے کی اچھی، وعدے کی پکی بلاشبہ

جیسے کہ اس کے پاس ہو جادو کی اک چھڑی
اک ساتھ کتنے کام میں مشغول ماوراء​

 

[عمار ابن ضیا]

محسنِ اردو کے نام

شوخیِ تحریر واہ کیا خوب ہے
فونٹ پر بھی کیا نمایاں کام ہے

محسنِ اردو ہیں شاید اس لیے
آپ کا محسن حجازی نام ہے​

 

[محسن حجازی]

شکریہ عمار!
تمہاری محبت ہے وگرنہ بندہ کسی قابل نہیں۔۔۔

 

[عمار ابن ضیا]

شکریہ عمار!
تمہاری محبت ہے وگرنہ بندہ کسی قابل نہیں۔۔۔

بڑے بھائی! ہم جس بندہ کو جانتے ہیں نا، وہ تو بہت قابل ہے پر ۔۔۔۔۔ ہاں، اتنی منکسر المزاجی اچھی نہیں
ویسے اس پُر مسرت موقع پر دعا ہے کہ وہ جو فونٹ کے حوالہ سے کتاب لکھنے کا وعدہ تھا، خدا کرے کہ جلد پورا ہو اور آپ کو اس حوالہ سے اسباب میسر آجائیں۔

 

[عمار ابن ضیا]

محبِ اردو کے لیے

شوخیٴ طبع بھی ہے اور ہے رنگین مزاج
اِن کے انداز کی شہرت ہے یہاں تو ہرسُو

اِن کی ترغیب سے محفل کو رضا کار ملے
اِن کو کیوں کر نہ کہا جائے محبِ اردو​

(محب علوی کے لیے اس قطعہ کے پہلے شعر کا مضمون بنانے میں سارہ نے مدد کی )

 

[عمار ابن ضیا]

ابوشامل کے نام

جغرافیہ سے ان کو خصوصی لگاؤ ہے
اردو وکی پہ ان کا بہت خوب کام ہے

خطاطی اور آرٹ میں ماہر ہیں یہ حضور
کیا جانتے ہیں آپ؟ فہد ان کا نام ہے​

 

[مغزل]

بہت خوب جناب بہت خوب

 

[سیدہ شگفتہ]

زبردست عمار ،

آپ نے تو خوب رونق لگا رکھی ہے یہاں !



.

 

[سیدہ شگفتہ]

تیسری سالگرہ پر مسکان مبارک ہو
محفل کی پھلواری میں
ایک خوشی کے آنے سے
موسم سارے خنداں خنداں
مہتاب ستارے رقص کناں
مکھڑے پیارے تاباں تاباں
ہر سو فرحت پھیل گئی ہے
سب کی قسمت جاگ اٹھی ہے
خواب سی نازک ، چاند سی روشن
محفل دیکھی نہ ایسی پیاری
روپ نگر کے دریاوں میں
ششدر حیراں پریت پجاری
محفل تیرے صدقے سے
خوشیوں کی جاگیر ملی ہے
خوابوں کو تعبیر ملی ہے
عزت، رفعت اس کا مقدر
منہ مانگی تقدیر ملی ہے
تو بتا خوشیوں کے جہاں کا سفر کیسا لگا ہے
نخلِ محبت کا تہرا ثمر کیسا لگا ہے
یہ گلوں کی مہک ، حسن کی جان مبارک ہو
تم کو دوست مرے مسکان مبارک ہو
00000

السلام علیکم

بہت خوبصورت کلام !




.

 

[عمار ابن ضیا]

زبردست عمار ،

آپ نے تو خوب رونق لگا رکھی ہے یہاں !



.

شکریہ آپی۔ آپ لوگوں کی محبت ہے بس

 

[ماوراء]

پری کے نام

دیکھو تو اِک پری ہے پرستان کی یہاں
لہجے کی اچھی، وعدے کی پکی بلاشبہ

جیسے کہ اس کے پاس ہو جادو کی اک چھڑی
اک ساتھ کتنے کام میں مشغول ماوراء​

ارے عمار۔۔ پری بنا دیا مجھے۔۔۔ جاننے والے مجھے چڑیل کہتے ہیں۔
تم نے کہا تھا کہ میرے لیے لکھا ہے۔۔ میں اوپر نیچے دیکھ رہی تھی کہ میرا نام تو کہیں نظر نہیں آ رہا۔۔۔ پری کا تو میں سمجھ رہی تھی، کسی اور کے لیے لکھا ہو گا۔

پھر بھی اتنے اچھے الفاظ کا شکریہ۔ اصل میں تعریف ہی مجھے مزید اچھا بنانے میں مدد کرتی ہے۔

 

[عمار ابن ضیا]

ارے عمار۔۔ پری بنا دیا مجھے۔۔۔ جاننے والے مجھے چڑیل کہتے ہیں۔
تم نے کہا تھا کہ میرے لیے لکھا ہے۔۔ میں اوپر نیچے دیکھ رہی تھی کہ میرا نام تو کہیں نظر نہیں آ رہا۔۔۔ پری کا تو میں سمجھ رہی تھی، کسی اور کے لیے لکھا ہو گا۔

پھر بھی اتنے اچھے الفاظ کا شکریہ۔ اصل میں تعریف ہی مجھے مزید اچھا بنانے میں مدد کرتی ہے۔

تو تم نے دوسرے شعر کے آخر میں "ماوراء" لکھا نہیں دیکھا؟ میں نے صرف شروع میں قطعات کے اوپر نام لکھے پھر سوچا کہ پہلے سے بتانے کے بجائے شعر پڑھ کر اندازہ لگانے دوں کہ کس کے نام ہے۔
تمہاری تعریف ضروری ہے، منظرنامہ بھی چلانا ہے نا

 

[عمار ابن ضیا]

خاتونِ آہن کے لیے

یہ ان لوگوں میں شامل ہیں کہ وہ جو اردو محفل پر
نظر نہ آئیں تو محسوس ہوتی ہے کمی جن کی

لقب انہوں نے پایا ہے یہاں خاتونِ آہن کا
شگفتہ نام ہے ان کا، شگفتہ شخصیت ان کی​

(ویسے شخصیت کے ساتھ شگفتہ کی صفت درست ہے یا نہیں؟ )

 

[تعبیر]

میرا نمبر کب آئے گا

 

[ایم اے راجا]

بہت خوب ابنِ علی اور عمار ، واہ واہ کیا بات ہے۔

 

[عمار ابن ضیا]

میرا نمبر کب آئے گا

اچھاااااا۔۔۔۔ آپ منتظر ہیں ابھی؟
میں نے سوچا کہ یہ ایسی چیز تو نہیں ہے کہ کسی کو انتظار ہے تو میں نے چھوڑ دیا تھا۔۔۔۔ ابھی لکھتا ہوں آپ کے لیے بھی کچھ جلد ہی۔۔۔ ان شاء اللہ۔

 

[عمار ابن ضیا]

ایک خواب کی تعبیر کے نام

اپنی ہر تحریر سے لگتی ہیں کافی جینئس
خوش مزاجی اور محبت کی حسیں تصویر ہیں

ان کے چھوٹے بھائی کا ان سے ہے بس یہ اک سوال
اتنا بتلادیں کہ کس کے خواب کی تعبیر ہیں؟ :lll:​

 

[ابوشامل]

ابوشامل کے نام

جغرافیہ سے ان کو خصوصی لگاؤ ہے
اردو وکی پہ ان کا بہت خوب کام ہے

خطاطی اور آرٹ میں ماہر ہیں یہ حضور
کیا جانتے ہیں آپ؟ فہد ان کا نام ہے​

عمار اس ناچیز پر طبع آزمائی کا بہت شکریہ۔