نتائج تلاش

سراپا عشق ہُوں میں، اب بکھر جاؤں تو بہتر ہے جدھر جاتے ہیں یہ بادل، اُدھر جاؤں تو بہتر ہے ٹھہر جاؤں یہ دل کہتا ہے تیرے شہر میں کچھ دن مگر حالات کہتے ہیں کہ گھر جاؤں تو بہتر ہے احمد فراز

کس قدر آگ برستی ہے یہاں خلق شبنم کو ترستی ہے یہاں صرف اندیشۂ افعی ہی نہیں پُھول کی شاخ بھی ڈستی ہے یہاں رُخ کدھر موڑ گیا ہے دریا اب نہ وہ لوگ نہ بستی ہے یہاں زندہ درگور ہُوئے اہلِ نظر کس قدر مُردہ پرستی ہے یہاں زیست وہ جنسِ گراں ہے کہ فراز موت کے مول بھی سَستی ہے یہاں احمد فراز

آج کیا دیکھ کے بھر آئی ہیں تیری آنکھیں ؟ ہم پہ اے دوست یہ ساعت تو ہمیشہ گزری احمد فراز

خیالِ یار، ہی درماں غمِ فرقت کی زخموں کا ! کہ بیتے ساتھ لمحوں سے، یہ مرہم ڈھونڈ لیتا ہے شفیق خلش

رہے یوں ناز اپنے ذہن پر، لاحق غموں میں بھی ! خوشی کا اِک نہ اِک پہلوُ یہ تاہم ڈھونڈ لیتا ہے شفیق خلش

مِرے خونِ ناحق پہ اب وہ تُلے ہیں جو تھکتے نہ تھے لے کے میری بَلائیں شفیق خلش

وہ جو کہتے ہیں تجھے آگ لگے ! مژدۂ وصل سُناتے ہیں مُجھے مومن خاں مومن

دل و نِگاہ پہ کِس طور کے عذاب اُترے وہ ماہتاب ہی اُترا، نہ اُس کے خواب اُترے کہاں وہ رُت کہ جبینوں پہ آفتاب اُترے زمانہ بیت گیا اُن کی آب و تاب اُترے پروین شاکر

کیسے چھوڑیں اُسے تنہائی پر حرف آتا ہے مسیحائی پر اُس کی شہرت بھی تو پھیلی ہر سُو پیار آنے لگا رُسوائی پر ٹھہرتی ہی نہیں آنکھیں جاناں ! تیری تصویر کی زیبائی پر رشک آیا ہے بہت حُسن کو بھی قامتِ عشق کی رعنائی پر سطح سے دیکھ کے اندازے لگیں آنکھ جاتی نہیں گہرائی پر ذکر آئے گا جہاں بھونروں کا...

سمجھاتے قبلِ عشق، تو مُمکن تھا بنتی بات ! ناصح غریب، اب ہمیں سمجھانے آئے ہیں خُماربارہ بنکوی

اب جا کے آہ کرنے کے آداب آئے ہیں دُنیا سمجھ رہی ہے کہ ہم مُسکرائے ہیں خُماربارہ بنکوی

اب آس ہے، نہ کوئی تمنّا، نہ جستجُو باقی نہیں ہیں زیست میں، آثار زیست کے کیا زندگی کا رنگ ہو، جانے ہمارے بعد ہم آخری امِیں ہیں ، طرحدار زیست کے مشتاق عاجز

زیست آزار ہُوئی جاتی ہے سانس تلوار ہُوئی جاتی ہے جسم بیکار ہُوا جاتا ہے رُوح بیدار ہُوئی جاتی ہے کان سے دل میں اُترتی نہیں بات اور گفتار ہُوئی جاتی ہے ڈھل کے نِکلی ہے حقیقت جب سے کچھ پُراسرار ہُوئی جاتی ہے اب تو ہر زخم کی منہ بند کلی لبِ اظہار ہُوئی جاتی ہے پُھول ہی پُھول ہیں...

وقت کے کتنے ہی رنگوں سے گزرنا ہے ابھی زندگی ہے تو کئی طرح سے مرنا ہے ابھی کٹ گیا دن کا دہکتا ہُوا صحرا بھی تو کیا رات کے گہرے سمندر میں اُترنا ہے ابھی ذہن کے ریزے تو پھیلے ہیں فضا میں ہر سُو جسم کو ٹُوٹ کے ہر گام بِکھرنا ہے ابھی کون ہے جس کے لئے اب بھی دھڑکتا ہے دل کس کو اِس اُجڑے جزیرے میں...

آکاشوں کے پاتالوں کے دل کا چورنکالا کس نے خالی تھا بھر کر چَھلکایا اِس جیون کا پپیاله کس نے فراق گورکھپوری

تِرے بعد کوئی نہیں مِلا، جو یہ حال دیکھ کے پُوچھتا مجھے کِس کی آگ جُھلس گئی، مِرے دل کو کِس کا مَلال تھا احمد ندیم قاسمی

دِلوں کا سوز تِرے رُوئے بے نقاب کی آنچ تمام گرمئ محفِل ، تِرے شباب کی آنچ فراق گورکھپوری

ہر سُو ، بہار نے ، پھیلائے لاکھ رنگ ! تسکینِ سنگ صرف مِرے خُوں کا رنگ تھا عنبرامروہوی

خود روشنی سمجھ نہ سکی آج تک یہ بات ! کیوں شعلۂ چراغ ، حریفِ پتنگ تھا عنبرامروہوی

وہ حُسن کیا ہے حُسن، جو خاطر نشیں نہ ہو کِس کام کا وہ نام ، جو نقشِ نگِیں نہ ہو امیر مینائی