آؤ کرتے ہیں موت کی باتیں ۔ رفیق اظہر

[فرخ منظور]

غزل

آؤ کرتے ہیں موت کی باتیں
غم کے پاتال میں ذرا جھانکیں

کریں خالی مکان یہ اپنا
لامکاں کو کہیں نکل جائیں

گھڑی کھولیں کلائی سے اپنی
اور زماں کے بھنور میں پھینک آئیں

اب کے ٹوٹے شہابِ ثاقب تو
اُس کے پیچھے ہوا میں اڑ جائیں

اب کے آتش فشاں پھٹے تو کہیں
موت کی روٹیاں پکا کھائیں

میٹھے کڑوے یہاں کے پانی کو
آخری گھونٹ کیوں نہ پی جائیں

زہر پی کر امر ہوا اک شخص
کیوں نہ ہم بھی کوئی پُڑی پھانکیں

ہم نے مر مر کے زندگی کاٹی
ہم سمجھتے ہیں موت کی گھاتیں

کوئی سویا، تو رہ گیا سوتا
بس کہ لمبی ہیں موت کی راتیں

کئی گولی کی زد میں آ کے مرے
چار جانب بکھر گئیں لاشیں

اک صدا سینی ٹوریم سے اٹھی
پانچ نمبر کو آؤ داب آئیں

بہہ گیا پانیوں میں کوئی جہاز
لے کے کمپاس ڈھونڈتا راہیں

مرنے والے نے سادھ لی ہے چُپ
ہم تو زندہ ہیں ہم تو کُرلائیں

(رفیق اظہر)

 

[الف عین]

دلچسپ غزل ہے۔ آخری دونوں شعر سمجھ میں نہیں آئے۔ یہ ’کرلانا‘ شاید پنجابی محاورہ ہے۔

 

[فرخ منظور]

دلچسپ غزل ہے۔ آخری دونوں شعر سمجھ میں نہیں آئے۔ یہ ’کرلانا‘ شاید پنجابی محاورہ ہے۔

شکریہ اعجاز صاحب! جی یہ پنجابی لفظ ہے۔ کرلانا یعنی چیخ و پکار کر کے رونا

 

[طالوت]

بہت اچھے سخنور ۔
وسلام

 

[arifkarim]

دلچسپ- کیا یہاں‌کوئی زندگی کی باتیں بھی کر سکتا ہے

 

[فرخ منظور]

بہت اچھے سخنور ۔
وسلام

دلچسپ- کیا یہاں‌کوئی زندگی کی باتیں بھی کر سکتا ہے

واہ جی واہ! اس غزل کے طفیل تو دو بندے ایسے یہاں نظر آ رہے ہیں جو اس سیکشن میں جھانکنا کم ہی پسند کرتے ہیں۔ بہت شکریہ آپ دونوں حضرات کا۔

 

[مغزل]

آؤ کرتے ہیں موت کی باتیں
غم کے پاتال میں ذرا جھانکیں

مضمون خوب لیا ہے ، بحیثیت مطلع کے ،کمزور ہے ۔

کریں خالی مکان یہ اپنا
لامکاں کو کہیں نکل جائیں

اچھا ہے ، مگر مصرع اولی ، پر گرفت کمزور رہی،

گھڑی کھولیں کلائی سے اپنی
اور زماں کے بھنور میں پھینک آئیں

اچھا بیان ہے مگر شعریت ۔۔ داغ دار ،
یہ بالکل ایسے ہی ہے جیسے ایک شاعر نے کہا:
حصارِ‌وقت سے آزاد ہی رکھا خود کو
کبھی کلائی پہ باندھی نہیں گھڑی ہم نے
(فیض عالم بابر،معاون مدیر روزنامہ جراء ت کراچی)

اب کے ٹوٹے شہابِ ثاقب تو
اُس کے پیچھے ہوا میں اڑ جائیں

وا حسرتا۔ بہر کیف ، ہوا کا محل نہیں خلا کی جگہ ہے ، شہابِ ثاقب خلا میں میسر آئے گا، جب پیچھے ہی جانا ہے تو۔۔
ویسے ایک شعر اس پر یاد آیا ،
ہاتھ بے ساختہ پھیلا دیے اس کی جانب
اور کیا کرتا میں ٹوٹے ہوئے تارے کے لیے
لیاقت علی عاصم

اب کے آتش فشاں پھٹے تو کہیں
موت کی روٹیاں پکا کھائیں

قولِ محال ہے ، واہ ، واہ۔ روٹیاں محلِ نظر ہے

میٹھے کڑوے یہاں کے پانی کو
آخری گھونٹ کیوں نہ پی جائیں

شعر برائے شعر ہے

زہر پی کر امر ہوا اک شخص
کیوں نہ ہم بھی کوئی پُڑی پھانکیں

پڑی نے اسے مزاح کے دائرے میں قید کرلیا ہے ،

ہم نے مر مر کے زندگی کاٹی
ہم سمجھتے ہیں موت کی گھاتیں

اچھا ہے ، بہت خوب ، داخلی و خارجی واردات ہے ،و اہ

کوئی سویا، تو رہ گیا سوتا
بس کہ لمبی ہیں موت کی راتیں

بے شک، معلوم حقیقتوں کا بیان شاعری نہیں منظوم صحافت ہے ، جب تک کہ اس میں شعریت نہ ہو

کئی گولی کی زد میں آ کے مرے
چار جانب بکھر گئیں لاشیں

پھر وہی صحافت، محض شعر گھڑا گیا ہے

اک صدا سینی ٹوریم سے اٹھی
پانچ نمبر کو آؤ داب آئیں

معانی بہ بطنِ شاعر ، 5 نمبر کیا ہے،

بہہ گیا پانیوں میں کوئی جہاز
لے کے کمپاس ڈھونڈتا راہیں

خانہ پوری، محض غزل کا پیٹ بھرا گیا ہے۔

مرنے والے نے سادھ لی ہے چُپ
ہم تو زندہ ہیں ہم تو کُرلائیں

گو کہ کرلائیں ایک بولی سے لیا گیا ہے ، مگر کیا لطف دے رہا ہے ، واہ واہ
خالد علیگ مرحوم نے کہا تھا۔

یہ لوگ مردہ پرستی کے فن میں ماہرہیں
یہ مجھ کو روئیں گےکل آج ان کورولوں میں

اب غزل پر مجموعی رائے: غزل باقائدہ مشق کی نشاندہی کرتی ہے ، یعنی شاعر نے باقائدہ اسے کہنے کی کوشش کی ہے، یہی وجہ ہے کہ وہ کہیں‌کہیں تو رو میں آگیا ، اور زیادہ تر ، ناکام رہا ، اسی سبب سے شعریت عنقا، بحیثیتِ مجموعی غزل برائے غزل ہے ۔ شکریہ

فرخ بھائی پیش کرنے کے لیےممنون ہوں، بہت بہت شکریہ

 

[فرخ منظور]

میم میم مغل سے گزارش ہے
کوئی ایسی غزل ہی کہہ لائیں


حضور لگتا ہے کچھ اشعار کے مفاہیم تک آپ کی رسائی نہیں ہو سکی۔ اگر اجازت ہو تو میں کچھ عرض کروں؟

 

[مغزل]

میم میم مغل سے گزارش ہے
کوئی ایسی غزل ہی کہہ لائیں

حضور لگتا ہے کچھ اشعار کے مفاہیم تک آپ کی رسائی نہیں ہو سکی۔ اگر اجازت ہو تو میں کچھ عرض کروں؟

جی ہاں ، اس میں اجاز ت کی کیا بات، ہم ہمہ تن گوش منتظر ہیں۔۔

 

[مغزل]

ارے آپ واپس نہیں آئیے ہم نے تو غزل بھی کہہ لی ، آپ کی ’’طرح ‘‘ دینے پر

 

[فرخ منظور]

ارے آپ واپس نہیں آئیے ہم نے تو غزل بھی کہہ لی ، آپ کی ’’طرح ‘‘ دینے پر

ہم تو طرح دے کر نکل لئے۔ خیر مذاق بر طرف آپ اپنی غزل تو پیش کریں۔

 

[Saraah]

مضمون خوب لیا ہے ، بحیثیت مطلع کے ،کمزور ہے ۔



اچھا ہے ، مگر مصرع اولی ، پر گرفت کمزور رہی،



اچھا بیان ہے مگر شعریت ۔۔ داغ دار ،
یہ بالکل ایسے ہی ہے جیسے ایک شاعر نے کہا:
حصارِ‌وقت سے آزاد ہی رکھا خود کو
کبھی کلائی پہ باندھی نہیں گھڑی ہم نے
(فیض عالم بابر،معاون مدیر روزنامہ جراء ت کراچی)



وا حسرتا۔ بہر کیف ، ہوا کا محل نہیں خلا کی جگہ ہے ، شہابِ ثاقب خلا میں میسر آئے گا، جب پیچھے ہی جانا ہے تو۔۔
ویسے ایک شعر اس پر یاد آیا ،
ہاتھ بے ساختہ پھیلا دیے اس کی جانب
اور کیا کرتا میں ٹوٹے ہوئے تارے کے لیے
لیاقت علی عاصم



قولِ محال ہے ، واہ ، واہ۔ روٹیاں محلِ نظر ہے



شعر برائے شعر ہے



پڑی نے اسے مزاح کے دائرے میں قید کرلیا ہے ،



اچھا ہے ، بہت خوب ، داخلی و خارجی واردات ہے ،و اہ



بے شک، معلوم حقیقتوں کا بیان شاعری نہیں منظوم صحافت ہے ، جب تک کہ اس میں شعریت نہ ہو



پھر وہی صحافت، محض شعر گھڑا گیا ہے



معانی بہ بطنِ شاعر ، 5 نمبر کیا ہے،



خانہ پوری، محض غزل کا پیٹ بھرا گیا ہے۔



گو کہ کرلائیں ایک بولی سے لیا گیا ہے ، مگر کیا لطف دے رہا ہے ، واہ واہ
خالد علیگ مرحوم نے کہا تھا۔

یہ لوگ مردہ پرستی کے فن میں ماہرہیں
یہ مجھ کو روئیں گےکل آج ان کورولوں میں

اب غزل پر مجموعی رائے: غزل باقائدہ مشق کی نشاندہی کرتی ہے ، یعنی شاعر نے باقائدہ اسے کہنے کی کوشش کی ہے، یہی وجہ ہے کہ وہ کہیں‌کہیں تو رو میں آگیا ، اور زیادہ تر ، ناکام رہا ، اسی سبب سے شعریت عنقا، بحیثیتِ مجموعی غزل برائے غزل ہے ۔ شکریہ

فرخ بھائی پیش کرنے کے لیےممنون ہوں، بہت بہت شکریہ

ارےےےےےےے یہ کیا

 

[محمد وارث]

واقعی منفرد اور خوبصورت غزل ہے، شکریہ جناب۔

 

[ثمینہ معیز]

غزل کہنے کا ایک منفرد اور جدید انداز اختیار کیا ہے شاعر ہے، ایسا لگتا ہے جیسے وہ ہر مصرع پر اوزان کی گرفت میں مصروف رہا ہو۔ لیکن مجموعی طور اچھی غزل ہے شکریہ جناب پوسٹ کرنے کا

 

[مغزل]

حضور لگتا ہے کچھ اشعار کے مفاہیم تک آپ کی رسائی نہیں ہو سکی۔ اگر اجازت ہو تو میں کچھ عرض کروں؟

حضور میں ارشاد کا منتظر ہوں۔ امید ہے ،آپ کے وسیلہ سے میری رسائی مفاہیم تک ممکن ہو جائے گی

 

[فرخ منظور]

حضور میں ارشاد کا منتظر ہوں۔ امید ہے ،آپ کے وسیلہ سے میری رسائی مفاہیم تک ممکن ہو جائے گی

رسید حاضر ہے جناب!

 

[ملائکہ]

پہلا مصرعہ تو بہت زبردست ہے

 

[ثمینہ معیز]

پہلا مصرعہ تو بہت زبردست ہے

پہلے مصرع نے تو مجھ جیسی نالائق کو بھی اپنی طرف کھینچا تھا

 

[عین عین]

بڑا کھینچو مصرعہ ہے۔ یہ مصرعہ ہے یا مصری کی ڈلی ۔ جو سب کھنچے جا رہے ہیں

 

[مغزل]

رسید حاضر ہے جناب!

رسید وصول کی جاتی ہے ، مگر اب جان نہ چھوٹے گی،
میرے اٹھائے گئے نکات پر آپ کا اعتراض بھی درکار ہے۔

تفہیم کے لیے پیشگی شکریہ