آج کا شعر۔۔۔۔(2)

[فرخ منظور]

وہ بات سارے فسانے میں جس کا ذکر نہ تھا
وہ بات ان کو بہت ناگوار گزری ہے
(فیض)

 

[شمشاد]

جان سی اک پڑ گئی ہے شکوۂ صیاد میں
ہے دعا کا رنگ شامل نالہ و فریاد میں!
(سرور)

 

[تعبیر]

ہجوم غم میری فطرت بدل نہیں سکتا
میں کیا کروں مجھے عادت ہےمسکرانے کی

 

[شعیب خالق]

سینے پہ ہاتھ ہے، نہ نظر کو تلاشِ بام
دل ساتھ دے تو آج غمِ آرزو کریں​

 

[زینب]

اس نے کہا، مجھ سے تمہیں کتنا پیار ہے

میں نے کہا، ستاروں کا کوئی شمار ہے

اس نے کہا،کون سا تحفہ ہے تجھے پسند

میں نے کہا،وہ شام جو اب تک ادھار ہے۔۔۔۔

 

[عمار ابن ضیا]

ہجوم غم میری فطرت بدل نہیں سکتا
میں کیا کروں مجھے عادت ہےمسکرانے کی

آہہہہہ۔۔۔۔۔۔۔ بڑی یادیں وابستہ ہیں اس شعر سے۔۔۔
اور اتفاق دیکھئے کہ ابھی اتوار ہی کو یہ شعر ایک رکشہ کے پیچھے لکھا نظر آیا تو وہی یادیں تازہ ہوگئیں۔۔۔ اور آج پھر سے پڑھنے کو مل گیا۔۔۔۔!

 

[فرخ منظور]

راہبر کی بات سے مجھے بھی ایک شعر یاد آگیا جو میں نے قلفی کی ریڑھی پر لکھا دیکھاتھا -
تو اسے اپنی تمناؤں کا مرکز نہ بنا
چاند ہرجائی ہے، ہرگھر میں اترتا ہوگا

 

[محمد وارث]

کم جانتے تھے ہم بھی غمِ عشق کو پر اب
دیکھا تو کم ہوئے پہ غمِ روزگار تھا

(غالب)

 

[زھرا علوی]

کیا غضب ہے کہ ہجر کے دن بھی
زندگی میں شمار ہوتے ہیں۔۔۔۔۔۔۔

 

[شمشاد]

جنوں وہی ہے، وہی میں، مگر ہے شہر نیا
یہاں بھی شور مچا لوں اگر اجازت ہو
(جون ایلیا)

 

[زینب]

گم سم سے ہو بیٹھے ہوئے جس کے خیالوں میں

ایسے میں چھم سے وہ آجائے تو کیا بات ہو۔۔۔۔۔۔۔۔

 

[شمشاد]

مرے دل کے بست و کشاد میں یہ نمود کیسی نمو کی ہے
کبھی ایک دجلہ ہے خون کا کبھی ایک بوند لہو کی ہے
(تابش دہلوی)

 

[مون]

عشق سمجھے تھے جس کو وہ شاید​

تھا بس اک نارسائی کا رشتہ​

میرے اور اس کے درمیاں نکلا​

عمر بھر کی جدائی کا رشتہ​

(جون ایلیا)​

​

 

[فرخ منظور]

تجھ سے قسمت میں مری، صورتِ قفلِ ابجد
تھا لکھا بات کے بنتے ہی جدا ہوجانا
(حضرتِ غالب)

 

[زھرا علوی]

میں اس کا لمحہِ موجود ہوں مگر وہ شخص
فضول وقت سمجھ کر گزارتا ہے مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[شمشاد]

کھو گیا اس طرح میں اپنے میں
ڈھونڈتا ہوں پتا نہیں ملتا
میکدوں میں جنابِ سرور سا
ایک بھی پارسا نہیں ملتا!

 

[زینب]

اسے کہو بہت بری شے ہےجنون

اسے کہو ہمیں ہے بہت جنون اس کا

 

[شمشاد]

تمہارے ہجر کی شب ہائے کار میں جاناں
کوئی چراغ جلا لوں اگر اجازت ہو
(جون ایلیا)

 

[زھرا علوی]

تضحیک و التفات میں رہنے سے اِمتیاز۔۔۔۔۔۔۔۔۔۔۔
یوں مسکرا نہ دیکھ کے ، ہاں مسکرا کے دیکھ

 

[ابن سعید]

سنا ہے بند کر لیں اس نے آنکھیں
کئی راتوں سے وہ سویا نہیں تھا۔