آج کا شعر - 5

[کاشفی]

کہہ رہا ہے شور دریا سے سمندر کا سکوت
جس کا جتنا ظرف ہے اتنا ہی وہ خاموش ہے
(ناطقؔ لکھنوی)

 

[کاشفی]

ایک مدت سے تری یاد بھی آئی نہ ہمیں
اور ہم بھول گئے ہوں تجھے ایسا بھی نہیں
(فراق گورکھپوری)

 

[کاشفی]

لٹتا دن کو تو کب رات کو یوں بے خبر سوتا
رہا کھٹکا نہ چوری کا دعا دیتا ہوں رہزن کو
(مرزا غالب مرحوم و مغفور رحمتہ اللہ علیہ)

 

[محمد خان]

ہم بھی کبھی آباد تھے ایسے کہاں برباد تھے بے فکر تھے آزاد تھے مسرور تھے دل شاد تھے

وہ چال ایسی چل گیا ہم بجھ گئے دل جل گیا نکلے جلا کے اپنا گھر میں اور مری آوارگی

 

[فرہاد احمد فگار]

 

[ڈاکٹر فارقلیط]

اِک صفحہ پڑھ لیا تھا جنوں کی کتاب کا
اب تک خرد کو ہوش نہیں ہے جواب کا

خالد علیگ

اِک صفحہ پڑھ لیا تھا جنوں کی کتاب کا
اب تک خرد کو ہوش نہیں ہے جواب کا

خالد علیگ

حسن نثار

 

[محمداحمد]

حسن نثار

شاعر حسن نثار ہیں؟

 

[سیما علی]

یک جان نہ ہو سکیے، انجان نہ بن سکیے
یوں ٹوٹ گئی دل میں شمشیر شناسائی

فیض احمد فیض

 

[سیما علی]

یہ گستاخی یہ چھیڑ اچھی نہیں‌ ہے اے دلِ ناداں
ابھی پھر سے روٹھ جائیں‌ گے ابھی وہ مَن کے بیٹھے ہیں


(داغ دہلوی)

 

[شمشاد]

تیری خوشبو پیار کے لہجے میں بولے تو سہی
دل کی ہر دھڑکن کو اک چہرہ نیا مل جائے گا
(جاذب قریشی)

 

[ڈاکٹر عظیم سہارنپوری]

ہوتے نہیں گنہ پس دیوار آج کل
لٹتی ہیں عصمتیں سر بازار آج کل
عظیم

 

[شمشاد]

ترے غرور کی عصمت دری پہ نادم ہوں
ترے لہو سے بھی دامن ہے داغ دار مرا
(اکبر معصوم)

 

[سیما علی]

روک پائے گی نہ زنجیر نہ دیوار کوئی
اپنی منزل کا پتہ آہِ رسا جانتی ہے
منظر بھوپالی

 

[شمشاد]

آنے والے جانے والے ہر زمانے کے لیے
آدمی مزدور ہے راہیں بنانے کے لیے
(حفیظ جالندھری)

 

[سیما علی]

اس عشق، نہ اُس عشق پہ نادم ہے مگر دل
ہر داغ ہے ، اس دل میں بجز داغِ ندامت

فیض احمد فیض

 

[شمشاد]

اس امید پہ روز چراغ جلاتے ہیں
آنے والے برسوں بعد بھی آتے ہیں
(زہرہ نگاہ)

 

[سیما علی]

دل میں کسی کے راہ کئے جا رہا ہوں میں
کتنا حسیں گناہ کئے جا رہا ہوں میں

فیض احمد فیض

 

[شمشاد]

اٹھو یہ منظر شب تاب دیکھنے کے لیے
کہ نیند شرط نہیں خواب دیکھنے کے لیے
(عرفان صدیقی)

 

[سیما علی]

درد دل بھی غم دوراں کے برابر سے اٹھا
آگ صحرا میں لگی اور دھواں گھر سے اٹھا

مصطفیٰ زیدی

 

[سیما علی]

آندھی چلی تو نقش کف پا نہیں ملا
دل جس سے مل گیا وہ دوبارا نہیں ملا

مصطفیٰ زیدی