آج کی دلچسپ خبر!

[سیما علی]

کیک کا اضافی ٹکڑا کھانے پر دلہن نے مہمان خاتون سے پیسے مانگ لیے​

02 اکتوبر ، 2021

ہم نے اعلان کیا تھا کہ تقریب میں موجود ہر مہمان کیک کے ہر ٹکڑے کی ادائیگی کرے گا، دلہن__فوٹو فائل
شادی بیاہ کی تقریبات پر دلچسپ اور انوکھے قصے تو سننے میں آتے ہیں لیکن کیا کبھی آپ نے سوچا ہوگا کہ دلہن نے سی سی ٹی وی دیکھی اور تقریب میں شرکت کرنے والی خاتون کو بِل بھیج دیا۔
ایک خاتون نے امریکی ویب سائٹ پر اپنا تجربہ شیئر کیا اور واٹس ایپ چیٹ کا اسکرین شاٹ بھی جاری کیا۔
خاتون نے جو اسکرین شاٹ شیئر کیا اس میں دلہن نے انہیں سی سی ٹی ویڈیو بھیج کر تفصیل بتائی۔ دلہن نے کہا کہ ہم ویڈیو دیکھ رہے تھے کہ ہمیں محسوس ہوا آپ نے شادی میں کیک کے دو ٹکڑے کھائے تھے۔

دلہن نے اپنے پیغام میں لکھا کہ ہم نے اعلان کیا تھا کہ تقریب میں موجود ہر مہمان کیک کے ہر ٹکڑے کی ادائیگی کرے گا لیکن ویڈیو میں آپ کو دو ٹکڑے کھاتے دیکھا گیا جب کہ آپ نے صرف ایک کے ہی پیسے دیے۔
دلہن نے مزید کہا کہ کیا آپ 3.66 (846 پاکستانی روپے) پاؤنڈز مجھے جلد از جلد بھیج سکتی ہیں؟

سوشل میڈیا پر مذکورہ اسکرین شاٹ وائرل ہے جس پر کچھ صارفین دلہن کے اس عمل کو سراہ رہے ہیں اور کہہ رہے ہیں کہ یوں کھانا ضائع ہونے سے بھی بچ جائے گا جب کہ دوسری جانب کچھ افراد دلہن کو تنقید کا نشانہ بھی بنارہے ہیں۔

کیک کا اضافی ٹکڑا کھانے پر دلہن نے مہمان خاتون سے پیسے مانگ لیے

سی سی ٹی وی میں آپ کو دو ٹکڑے کھاتے دیکھا جب کہ آپ نے صرف ایک کے ہی پیسے دیے، دلہن کا پیغام

urdu.geo.tv

 

[زیک]

نواز شریف کی اینٹری واقعی ایک مختلف حرکت ہے

مزید:

FIA action sought over fake Covid vaccination entries made under Kulsoom Nawaz's and Ishaq Dar's names

The entries were made from vaccination centres in Vehari and Multan on Oct 5, according to the Punjab health department.

www.dawn.com

 

[محمد وارث]

مزید:

FIA action sought over fake Covid vaccination entries made under Kulsoom Nawaz's and Ishaq Dar's names

The entries were made from vaccination centres in Vehari and Multan on Oct 5, according to the Punjab health department.

www.dawn.com

جی، کلثوم نواز ااور اسحاق ڈار کے ساتھ ساتھ نواز شریف کی بھی مزید انٹریز کئی گئی ہیں۔ ظاہر ہے یہ سب کچھ صرف تفنن طبع یا مزاح المومنین کے ضمن میں نہیں ہو رہا۔

 

[سیما علی]

کلثوم نوازاور اسحاق ڈار کی جعلی ویکسینیشن انٹری کرنیوالا گرفتار​

Posted: Oct 6, 2021

سابق وزیراعظم کی مرحوم اہلیہ کلثوم نواز اور ن لیگی رہنماء اسحاق ڈٓر کے نام سے جعلی ویکسینیشن انٹری کرنے والے شخص کو گرفتار کرلیا گیا۔

سوشل ٹائم پر زیرگردش ویکسینیشن ریکارڈز کے مطابق مریم نواز کی والدہ اور سابق وزیراعظم نواز شریف کی اہلیہ کلثوم نواز کو کرونا ویکسین لگائے جانے کا اندراج 5 اکتوبر کو وہاڑی کے ویکسینیشن سینٹر جمنازیم میلسی میں کیا گیا۔
سابق وزیر خزانہ اور ن لیگ کے رہنماء اسحاق ڈار کو کنسائنو ویکسین کی پہلی خوراک لگانے کا اندراج بھی 5 اکتوبر کو ہی ملتان کی ڈیفنس ہاؤسنگ اتھارٹی کے چیف ایگزیکٹو کے دفتر میں قائم ویکسینیشن سینٹر میں کیا گیا ہے۔

ضلعی انتظامیہ کے مطابق اسحاق ڈار اور مرحومہ کلثوم نواز کی ویکسینیشن کی جعلی انٹری کرنیوالے ڈسپنسر عاشق حسین کو گرفتار کرکے ایف آئی اے کے حوالے کردیا گیا۔​

نیشنل امیونائزیشن منیجمنٹ سسٹم (نمز) میں کلثوم نواز شریف اور اسحاق ڈار کے نام پر جعلی ویکسینیشن کے اندراج کے معاملے پر محکمہ صحت پنجاب نے وفاقی تحقیقاتی ادارے (ایف آئی اے) کو خط لکھ کر کارروائی کرنے کا کہا ہے۔
اس سے قبل سابق وزیراعظم نواز شریف کی بھی کرونا ویکسینیشن کی تین بار جعلی انٹریز کی جاچکی ہیں، جس پر پنجاب میں متعدد سرکاری ملازمین کے خلاف کارروائی کی گئی۔

کلثوم نوازاور اسحاق ڈار کی جعلی ویکسینیشن انٹری کرنیوالا گرفتار

ڈسپنسر عاشق حسین کو ایف آئی اے کے حوالے کردیاگیا

www.samaa.tv

 

[جاسم محمد]

ایسی حرکتیں ہوتی ہی رہتی ہیں اور ہر جگہ ہوتی ہیں!

شریف خاندان ایسی حرکتیں خود کروا کر پاکستان کو بدنام کروا رہا ہے۔

 

[جاسم محمد]

نواز شریف کی اینٹری واقعی ایک مختلف حرکت ہے، اس کی ایک "برکت" تو یہ ہوئی کہ یہ فراڈ میڈیا میں بھرپور طریقے سے آ گیا اور دوسری یہ کہ "نا اہل حکومت" کے اس سارے ویکسین پروگرام پر ہی حرف آ گیا۔

شریف خاندان یہ کام حکومت کو بدنام کرنے کیلئے ہی تو کیا ہے۔

 

[جاسم محمد]

مزید:

FIA action sought over fake Covid vaccination entries made under Kulsoom Nawaz's and Ishaq Dar's names

The entries were made from vaccination centres in Vehari and Multan on Oct 5, according to the Punjab health department.

www.dawn.com

شریف خاندان کے بھگوڑے جو لندن میں بیٹھے ہوئے ہیں کو ویکسین صرف پنجاب میں انہی علاقوں سے کیسے لگ رہی ہے جہاں ان کے ووٹر کثیر تعداد میں موجود ہیں۔

 

[علی وقار]

مزید:

FIA action sought over fake Covid vaccination entries made under Kulsoom Nawaz's and Ishaq Dar's names

The entries were made from vaccination centres in Vehari and Multan on Oct 5, according to the Punjab health department.

www.dawn.com

افسوس ناک، تشویش ناک۔

 

[جاسم محمد]

جی، کلثوم نواز ااور اسحاق ڈار کے ساتھ ساتھ نواز شریف کی بھی مزید انٹریز کئی گئی ہیں۔ ظاہر ہے یہ سب کچھ صرف تفنن طبع یا مزاح المومنین کے ضمن میں نہیں ہو رہا۔

اب اگر ہم اسے اپوزیشن کی جانب سے چلائی گئی سازش کہیں گے تو منفی ریٹنگ ملے گی

 

[سیما علی]

بسوں اور ٹرینوں میں سفر کرنے کا شوقین کتا۔۔۔۔۔
جمع۔ء 8 اکتوبر 2021

تصویر میں دکھائی دینے والا آوارہ کتا سفر کا شوقین ہے اور ایک دن میں 20 کلومیٹر تک کا سفر کرلیتا ہے۔ فوٹو: رائٹرز
استنبول : ابھی چند دنوں قبل کی بات ہے کہ یورپ سے ایشیا جانے کشتی میں مسافر بھرے تھے لیکن ان کی نظر ایک کتے پر جمی تھی جو بہت آرام سے سفر کا لطف اٹھا رہا تھا۔
بوجی ایک آوارہ کتا ہے جو ہرروزکسی بس، کشتی، میٹروٹرین یا شہروں کے درمیان چلنے والی ریل میں دکھائی دیتا ہے۔ یہاں تک کہ روزانہ وہ 30 کلومیٹر تک کا سفر بھی طے کرلیتا ہے۔
سنہرے مائل کتھئی رنگ والے بوجی کے گلے میں ایک مائیکروچپ پڑی ہے جس کا ریکارڈ بتاتا ہے کہ یہ سفر کا جنونی ہے اور ایک دن میں 29 میٹرواسٹیشن پر اترچکا ہے۔ اسے سمندری کشتیوں کا مسافر بھی دیکھا گیا ہے۔ لگتا ہے کہ اس کے پاؤں میں چکر ہے اور یہ طویل سفر کا شوقین ہے۔
دو ماہ قبل بوجی نامی کتا لوگوں کی نظروں میں آیا۔ میٹروبس کے ایک اہلکار ایلِن ایرول نے بتایا کہ یہ جانتا ہے کہ اسے کہاں جانا ہے، کہاں اترنا ہے، گویا وہ جانتا ہے کہ اس کے سفر کا کیا مقصد ہے۔

بسوں اور ٹرینوں میں سفر کا شوقین آوارہ کتا - ایکسپریس اردو

بوجی نامی کتا پابندی سے بسوں، ٹرینوں اور سیاحتی کشتیوں میں طویل سفر طے کرتا ہے

www.express.pk

 

[سیما علی]

پینٹنگ والی چھوٹی سی پلیٹ 29 کروڑ میں نیلام
ہفتہ 9 اکتوبر 2021

پلیٹ پر بنی ہوئی تصویر میں داستان ’’سیمسن اینڈ ڈیلائیلا‘‘ کا منظر ہے جس میں ڈیلائیلا، سیمسن کے بال کاٹ رہی ہے۔ (فوٹو: لیون اینڈ ٹرنبل)
اسکاٹ لینڈ: مٹی سے بنی ہوئی اس پلیٹ میں ایک خوبصورت پینٹنگ کے سوا اور کوئی خاص بات نظر نہیں آتی لیکن پھر بھی گزشتہ روز یہ 17 لاکھ ڈالر (29 کروڑ پاکستانی روپے) میں نیلام ہوئی ہے۔
تفصیلات کے مطابق، اسکاٹ لینڈ کے قدیم ترین نیلام گھر ’’لیون اینڈ ٹرنبل‘‘ کو ایک پرانے دیہاتی مکان ’’لوووڈ ہاؤس‘‘ سے ملنے والی کئی چیزیں پچھلے سال معائنے کےلیے موصول ہوئیں۔

پینٹنگ والی چھوٹی سی پلیٹ 29 کروڑ روپے میں نیلام - ایکسپریس اردو

یہ پلیٹ مشہور اطالوی مصور اربینو کا ایک نایاب فن پارہ ہے جو اس نے سولہویں صدی کے آغاز میں بنایا تھا

www.express.pk

 

[سیما علی]

لیگو نے ٹائی ٹینک کا اپنا سب سے بڑا ماڈل پیش کردیا​

Published On 11 October,2021

نیویارک روزنامہ دنیا) دنیا بھر میں پلاسٹک کے ٹکڑوں کو جوڑ کر تخلیقی اشیا بنانے والی مشہور کمپنی لیگو نے اپنی تاریخ کا سب سے بڑا ماڈل بنایا ہےجو مشہور بحری جہاز ٹائٹینک کا چھوٹا لیکن تفصیلی ماڈل ہے ۔

میڈیا رپورٹ کے مطابق اس کا پورا نام ہی آر ایم ایس ٹائٹینک رکھا گیا ہے جو مجموعی طور پر 9090 ٹکڑوں پر مشتمل ہے ۔اپنے پہلے ہی سفر میں غرقاب ہوجانے والے ٹائٹینک کا ماڈل 53 انچ طویل ہے جسے تین حصوں میں جوڑا جاسکتا ہے ۔ یہی وجہ ہے کہ لیگو کی مدد سے آپ اس کے اندر کا پورا منظر بھی تشکیل دے سکتے ہیں۔ اس کی ڈیزائننگ میں ماڈل کو عین اصلی بحری جہاز پر ڈھالا گیا ہے ۔
ماڈل میں سیڑھیاں ہیں ، انجن روم ہے اور فرنیچر وغیرہ بھی موجود ہے ۔ یہ ماڈل اصل جہاز کے دو سوویں حصے کے برابر ہے ۔ یکم نومبر کے بعد سے شائقین اس کا آرڈر دے سکتے ہیں اور اس کی قیمت 629 ڈالر رکھی گئی ہے ۔

لیگو نے ٹائی ٹینک کا اپنا سب سے بڑا ماڈل پیش کردیا

نیویارک:(روزنامہ دنیا) دنیا بھر میں پلاسٹک کے ٹکڑوں کو جوڑ کر تخلیقی اشیا بنانے والی مشہور کمپنی لیگو نے اپنی تاریخ کا سب سے بڑا ماڈل بنایا ہےجو مشہور بحری جہاز ٹائٹینک کا چھوٹا لیکن تفصیلی ماڈل ہے ۔

urdu.dunyanews.tv

 

[جاسمن]

70 سالہ خاتون کے ہاں پہلے بچے کی پیدائش

بچہ بالکل صحت مند و تندرست ہے جب کہ اس کی ماں کی صحت بھی ٹھیک ہے: ڈاکٹر

urdu.geo.tv

 

[سیما علی]

ہانگ کانگ میں نیند بس سروس کا آغاز

ہانگ کانگ: ہانگ کانگ میں لوگوں کو سلانے والی بس سروس کا آغازہوا ہے جس میں لوگ بیٹھ کر 47 میل کا سفر کرسکتے ہیں لیکن یہ بس کہیں نہیں جاتی بلکہ گھوم پھر کر واپس آئے گی۔

اس ضمن میں ہانگ کانگ کی ایک کمپنی اولو ٹورز بس سروس کا اغاز کیا ہے۔ کمپنی کے مطابق بعض افراد ایسے ہوتے ہیں جو شہری زندگی کی تیزرفتاری سے بہت پریشان رہتے ہیں اور رات کو بھی بے خوابی سے پریشان رہتے ہیں۔ ان لوگوں کے لیے لمبے سفروالی پرسکون بس سروس شروع کی گئی ہے۔ کمپنی کے مطابق ان کے صارفین کہتے ہیں کہ انہیں بس کے طویل سفر میں نیند آجاتی ہے اور وہ اسی لیے بس کی نیند آزمانا چاہتے ہیں۔

ہانگ کانگ میں ’نیند بس سروس‘ کا آغاز ہوگیا - ایکسپریس اردو

47 میل طویل سفر والی بس کہیں نہیں جاتی بلکہ وہ لوگوں کو سونے میں مدد فراہم کرتی ہے

www.express.pk

 

[سیما علی]

کووڈ 19: انڈیا میں شراب، کوکنگ آئل یا لاٹری سے غیر ویکسین شدہ افراد کو مائل کیا جاسکتا ہے؟​

• شرنایا رشیکیش
• بی بی سی نیوز، دلی

4 گھنٹے قبل

ابتدائی مشکلات کے بعد انڈیا میں کورونا وائرس کے خاتمے کے لیے ویکسین مہم نے گذشتہ مہینوں کے دوران اہم کامیابیاں حاصل کی ہیں۔
اگرچہ انڈیا ویکسینیشن مہم مکمل کرنے کے لیے 31 دسمبر تک اپنی مشکل ڈیڈلائن پر عمل نہیں کرسکا لیکن اس کے باوجود ملک میں اب تک 85 فیصد سے زیادہ اہل افراد کو ویکسین کی کم از کم ایک خوراک مل چکی ہے۔ جبکہ 55 فیصد سے زیادہ لوگ دونوں خوراکیں حاصل کرچکے ہیں۔
مگر اب بھی لاکھوں افراد ایسے ہیں جنھیں ویکسین نہیں مل سکی اور ان میں ایسے افراد بھی شامل ہیں جنھیں اپنی عمر کی وجہ سے زیادہ خطرہ لاحق ہے۔ کووڈ کی نئی قسم اومیکرون کی وجہ سے انڈیا میں بھی خدشات ظاہر کیے جا رہے ہیں۔
تو لوگوں کو ویکسینیشن سینٹر لانے کے لیے کچھ انڈین ریساستوں میں غیر معمولی مراعات دی جا رہی ہیں۔
مغربی ریاست گجرات میں میونسپل کارپوریشن نے ویکسین حاصل کرنے والوں کو مفت ایک لیٹر کوکنگ آئل کی پیشکش کی ہے۔ ان کے مطابق یہ پیشکش موثر ثابت ہوئی ہے، خاص کر کم آمدنی والے افراد میں۔
دارالحکومت نئی دہلی میں بچوں کے لیے اچھے سکول میں داخلے کے امکانات بڑھ جاتے ہیں اگر ان کے والدین ویکسین لگوا ہوں۔ عام حالات میں وہاں بچوں کو کسی اچھے سکول میں داخل کروانا ایک مشکل کام ہوسکتا ہے۔
انڈیا میں اس طرز کی تبدیلیاں نئی نہیں۔ یہاں لاکھوں افراد بیوروکریسی کے زیر انتظام فلاحی منصوبوں پر انحصار کرتے ہیں۔
مگر اس قسم کی ترغیبات کے دوران ایک اعلان نے میدان مار لیا۔ 23 نومبر کو مرکزی ریاست مدھیا پردیش کے ایک مقامی اہلکار نے ویکسین کی دونوں خوراکیں حاصل کرنے والوں کے لیے شراب پر 10 فیصد بچت کا اعلان کیا۔
یہ حکم ایک روز بعد ہی واپس لے لیا گیا تھا جب حکمراں جماعت بی جے پی کے ایک قانون ساز نے اعتراض کیا کہ اس سے شراب نوشی بڑھ سکتی ہیں۔
وبائی امراض کے ماہر چندرکانت لہاریا کہتے ہیں کہ ضلعی اہلکار کی کوشش دراصل ایک ’بُری ترغیب‘ تھی جس سے شاید قلیل مدت میں مقصد حاصل کیا جاسکتا ہے لیکن اس کی غیر ارادی قیمت ادا کرنا پڑ سکتی ہے۔۔۔۔۔

Ú©ÙÙÚ 19: اÙÚÛا ÙÛÚº Ø´Ø±Ø§Ø¨Ø Ú©ÙÚ©ÙÚ¯ آئ٠Ûا ÙØ§Ù¹Ø±Û Ø³Û ØºÛر ÙÛکسÛÙ Ø´Ø¯Û Ø§Ùراد Ú©Ù Ùائ٠کÛا جاسکتا ÛÛØ - BBC News اردÙ

انڈیا میں لوگوں کو ویکسینیشن سینٹر تک لانے کے لیے غیر معمولی مراعات، جیسے شراب پر بچت اور کوکنگ آئل، کی پیشکش کی جا رہی ہے لیکن اس حکمت عملی کی افادیت کے بارے میں ماہرین کی رائے منقسم ہے۔

www.bbc.com

 

[عبدالرحمن انیس]

کوئی بتا سکتا ہے کہ وہ فیصل آباد والے شیخ دانش کے کیس کا کیا بنا

 

[محمد وارث]

دلچسپ اور اہم:
تمام موبائلز اور لیپ ٹاپس کیلئے ایک ہی چارجر ہوگا، یورپی پارلیمنٹ سے بل منظور
یورپین یونین (ای یو) کے پارلیمنٹ نے تمام موبائل فونز اور لیپ ٹاپس سمیت اسی طرح کی دیگر الیکٹرانک ٹیکنالوجی ڈیوائسز کے لیے ایک ہی طرح کا ٹائپ سی چارجر بنانے کا بل پاس کرلیا۔

یورپی یونین میں مذکورہ قانون کا اطلاق 2024 کے موسم خزاں سے ہوگا اور اس پر عمل نہ کرنے والی کمپنیوں پر جرمانہ یا پابندی عائد کی جا سکتی ہے۔

تمام موبائلز اور لیپ ٹاپس کیلئے ایک ہی چارجر ہوگا، یورپی پارلیمنٹ سے بل منظور

یہ قانون دنیا کا پہلا قانون ہے، جس سے انٹرنیٹ و کمپیوٹر ٹیکنالوجیز کمپنی تمام ڈیوائسز کے لیے ایک ہی طرح کا چارجر بنانے پر مجبور ہوں گی۔

www.dawnnews.tv

 

[محمداحمد]

دلچسپ اور اہم:
تمام موبائلز اور لیپ ٹاپس کیلئے ایک ہی چارجر ہوگا، یورپی پارلیمنٹ سے بل منظور
یورپین یونین (ای یو) کے پارلیمنٹ نے تمام موبائل فونز اور لیپ ٹاپس سمیت اسی طرح کی دیگر الیکٹرانک ٹیکنالوجی ڈیوائسز کے لیے ایک ہی طرح کا ٹائپ سی چارجر بنانے کا بل پاس کرلیا۔

یورپی یونین میں مذکورہ قانون کا اطلاق 2024 کے موسم خزاں سے ہوگا اور اس پر عمل نہ کرنے والی کمپنیوں پر جرمانہ یا پابندی عائد کی جا سکتی ہے۔

تمام موبائلز اور لیپ ٹاپس کیلئے ایک ہی چارجر ہوگا، یورپی پارلیمنٹ سے بل منظور

یہ قانون دنیا کا پہلا قانون ہے، جس سے انٹرنیٹ و کمپیوٹر ٹیکنالوجیز کمپنی تمام ڈیوائسز کے لیے ایک ہی طرح کا چارجر بنانے پر مجبور ہوں گی۔

www.dawnnews.tv

اچھی بات ہے۔

اس معاملے میں سب کو ایک لاٹھی سے ہانکنے میں کوئی مضائقہ نہیں ہے۔

 

[محمد وارث]

اچھی بات ہے۔

اس معاملے میں سب کو ایک لاٹھی سے ہانکنے میں کوئی مضائقہ نہیں ہے۔

یہ ایک انتہائی اہم فیصلہ ہے جو یورپی یونین نے اپنے صارفین کے لیے کیا ہے۔ اب الیکڑانک اشیا انسان کی زندگی میں بھر پور طریقے سے داخل ہو چکی ہیں اور ان کے لیے بھانت بھانت کے چارجز بھی اٹھانے پڑتے ہیں۔ اس فیصلے سے یہ ہوگا کہ ایک ہی چارجر ہر طرح کے ڈیوائسز کے لیے کارآمد ہوگا۔ سہولت تو ہے ہی، خبر کے مطابق اس سے یورپی یونین کے باشندوں کے سالانہ 250 ملین ڈالرز بھی بچیں گے!

 

[محمداحمد]

یہ ایک انتہائی اہم فیصلہ ہے جو یورپی یونین نے اپنے صارفین کے لیے کیا ہے۔ اب الیکڑانک اشیا انسان کی زندگی میں بھر پور طریقے سے داخل ہو چکی ہیں اور ان کے لیے بھانت بھانت کے چارجز بھی اٹھانے پڑتے ہیں۔ اس فیصلے سے یہ ہوگا کہ ایک ہی چارجر ہر طرح کے ڈیوائسز کے لیے کارآمد ہوگا۔ سہولت تو ہے ہی، خبر کے مطابق اس سے یورپی یونین کے باشندوں کے سالانہ 250 ملین ڈالرز بھی بچیں گے!

اور یہ کہ اس سے صارفین بہت سی مشکلات سے بچیں گے۔

یہ الگ بات کہ کسی دن کوئی پاکستانی صارف یہ کہتا پایا جائے گا کہ آج آخری چارجر بھی خراب ہو گیا۔ اور ہم سب گھر والے سب کچھ اسی سے چلا رہے تھے۔