چائے بھی آج کل کافی آزاد ہو گئی ہے۔چائے خانے میں آزاد شاعری ۔بہت خوب ۔
چائے خانے میں آزاد شاعری ۔بہت خوب ۔
میرا بس چلے تو ان عناصر کو دریف قافیہ وغیرہ کے قاعدے مان کر چائے کو بھی کسی عروضی زندان میں ڈال دوں ۔چائے بھی آج کل کافی آزاد ہو گئی ہے۔
گڑ ، الائچی ، سونف ، تندور، وغیرہ وغیرہ
ایک جگہ پڑھا تڑکے والی چائے۔ اب اللہ ہی جانے کہ چائے میں کس چیز کا تڑکا دیا جا رہا تھا وہاں۔
بحور کی قید سے آزاد 'شاعری'کے بارے میں رائے بٹی ہوئی ہے تاہم اتنا ضرور ہے کہ انگریزی میں بلینک ورس اور فری ورس ہے جس کو ہماری دانست میں آزاد نظم اور 'نثری نظم' کہا جا سکتا ہے۔ یہ سوال ضرور ذہن میں پیدا ہوتا ہے کہ بحور اور قافیہ ردیف کی پابندی کے بغیر 'نظم'کیسے لکھی جا سکتی ہے تاہم اس کا جواب نثم یا نثری نظم لکھنے والے یہ دیتے ہیں کہ نثری نظم میں اندرونی آہنگ، لفظوں کی تکرار، شعری لہجہ اور وہ تمام لوازم موجود ہوتے ہیں جو کہ شاعری کی ذیل میں آتے ہیں تاہم اس میں صرف عروضی پیمانوں کا استعمال نہیں کیا جاتا ۔ گو کہ آزاد نظم میں تو اس کا اہتمام ہوتا ہے تاہم نثم یا نثری نظم میں ایسی کوئی قدغن نہیں۔ یہی وجہ ہے کہ نثری نظم اور نثر لطیف میں فرق کرنا کارِ دشوار ہے۔ اس کے علاوہ کچھ مغربی تحریکوں کا بھی اثر ہے جس کے باعث اردو میں نثری نظم کو فروغ حاصل ہوا۔ کلاسیکی ادب کی جہاں تک بات ہے تو پھر یہ بات بھی پیش نظر رکھیے کہ وقت کے ساتھ ساتھ کسی نہ کسی حد تک تغیر تو آتا ہی ہے۔ ہمارے معروف شاعر افتخار عارف کبھی فرماتے تھے کہ نثری نظم لکھنے والوں کی ادبی نماز جنازہ جائز نہیں اور اب فرماتے ہیں کہ انہوں نے اپنی رائے سے رجوع کر لیا ہے۔ سو، اس معاملے میں رائے بٹی ہوئی ہے ۔۔۔!
متفق۔ میرا بھی یہی نقطۂ نظر ہے۔
بجا فرمایا! کم از کم دردمندانِ ادب کو اتنی آزادی روا نہیں رکھنی چاہئے۔ آزاد نظم پر ہی اکتفا کرنا مناسب لگتا ہے۔
محترم میرے واسطے دونوں ہی نہیں ہیں ۔۔۔ نہ میں انکا ذوق رکھتا ہوں نہ شوق۔۔۔۔ ایسا میں سمجھتا ہوں۔۔۔ کسی کا بھی متفق ہونا ضروری نہیں۔۔۔۔
درست فرمایا آپ نے۔ ہمیں بھی اردو نثر سخت ناپسند ہے، خاص طور پر میر و غالب کی غزلیں! اردو نثر میں مومن کی غزلیں پھر بھی کچھ غنیمت ہیں لیکن میر و غالب کی غزلوں کی نثر تو واہیات ہے!
