تین سال قبل بھی میں نے ایک بار 668پر میسج کیا تھا تو میرے شناختی کارڈ پر موبی لنک کی آٹھ سمز رجسٹرڈ دکھائی گئیں۔ میں بڑا حیران ہوا کہ ایک سم تو میرے پاس ہے باقی کی سات کون استعمال کررہا ہے اور کب جاری کی گئیں؟ پھر موبی لنک کے دفتر گیا تو انہوں نے ایک فارم دے دیا اور تمام سم نمبرز بھی بتائے جو میرے نام پر جسٹرڈ تھے اور کہا کہ اس میں تمام ایسے نمبر لکھ دیں جو آپ کے نہیں لیکن آپ کے شناختی کارڈ پر رجسٹرڈ ہوئے ہیں۔ میں نے باقی کے سات نمبرز لکھ کر فارم جمع کرادیا۔ کچھ عرصے کے بعد پھر 668 پر چیک کیا تو اب صرف ایک ہی سم دکھائی دی جس سے اندازہ ہوا کہ سنجیدگی سے کاروائی کی گئی ہے۔
صرف نمبر نہیں بلکہ شناختی کارڈ کی کاپی کا ساتھ منسلک ہونا ضروری ہوتا ہے۔ اس میں شک نہیں کہ جس نے ہیرا پھیری کرنی ہے اس کے لئے ہزار راستے ہیں لیکن پھر بھی اپنی سی کوشش تو کرنی ہی ہوتی ہے۔ کراس کرنے سے یہ فائدہ ہے آپ نے شناختی کارڈ کی کاپی جس مقصد کے لئے دی ہے اس میں استعمال ہوگئی تو اب دوسری جگہ استعمال نہیں ہوسکتی۔ ایک ہی صورت ہے کہ اس کی مزید فوٹو کاپیاں کرائی جائیں جبکہ مزید کاپیاں کروانے پر وہ کراس بھی کاپی میں آئے گا جو ظاہر ہے اصولا ناقابل قبول ہے سوائے اس کے اصل پین سے کراس کیا گیا ہو۔ لیکن اگر آپ نے کراس نہیں کیا تو اس کی آگے مزید لاتعداد کاپیاں کراکر استعمال کی جاسکتی ہیں۔
یہ کوئی مشکل کام نہیں رانا صاحب ۔۔۔ ہمارے ایک عزیز ہیں، مشرف دور میں وہ ایک مشہور و معروف سیلولر کمپنی کے ساتھ وابستہ تھے۔۔۔۔ ان کو سیلز منیجر کے طور پر بھی اچھی خاصی تنخواہ ملتی تھی لیکن وہ اس تنخواہ کے علاوہ بھی کمائی کے ہنر جانتے تھے ۔۔۔ ان کے مطابق موبائل آپریٹر کمپنی نے اپنے ملازمین کو یہ خصوصی ٹاسک دیا تھا کہ آپ کو مختلف افراد کے شناختی کارڈ مہیا کر دیے جائیں گے۔۔۔ آپ نے یوں کرنا ہے کہ ہر شناختی کارڈ لے کر ان کے نام پر زیادہ سے زیادہ سمز رجسٹر کرنی ہیں اور ہر فارم کے پر کرنے پر ان کو کچھ رقم کی ادائیگی ہوا کرتی تھی۔۔۔ مجھے اچھی طرح یاد ہے کہ انہوں نے اس مقصد کے لیے ایک پوری ٹیم بنا رکھی تھی اور ان کو وہ بہت بڑی مقدار میں فارم لا کر دیتے تھے اور پھر ان سب سے وہ فارم جمع کر کے اپنا کمیشن رکھ کر کمپنی میں یہ ڈیٹا جمع کرواتے تھے۔ ۔۔ یعنی یہ سروس پروائیڈر کمپنیاں خود اس گھناؤنے کھیل میں شریک رہیں ۔۔۔
