آپ کے پسندیدہ اشعار!

[طارق شاہ]

نافع جوتھیں مزاج کو اوّل سوعشق میں
آخر اُنھیں دواؤں نے ہم کو ضرَر کِیا

میر

 

[طارق شاہ]

اب نہ دل مانوس ہے ہم سے نہ خوش ہیں دل سے ہم
یہ کہاں کا روگ لے آئے تِری محفل سے ہم

ہائے وہ ہر سُو نگاہی، وہ جنُوں وہ شورَشیں
بے دلی یہ تو بتا پھر کب ملیں گے دل سے ہم

سیماب اکبرآبادی

 

[طارق شاہ]

وقت وارث کا صفحۂ قرطاس
ہیر دُنیا کا اجنبی قِصّہ
جھنگ سہتی کے مَکر کی نگری
اور کیدو خیال کا حِصّہ

ساغر صدیقی

 

[طارق شاہ]

دُکھ بھری داستان ماضی کی
حال کی بے رُخی کا قصّہ ہُوں
اے حقیقت کے ڈھونڈنے والے
میں تِری جستجو کا حِصّہ ہوں

ساغر صدیقی

 

[طارق شاہ]

خود نکہتِ گُل جرمِ چمن میں تھی مُلوّث
جب غور سے دیکھا تو نہ بجلی نہ شرارے

ساغر صدیقی

 

[طارق شاہ]

دل کی رُت ایسی تو یادِ یار نے بدلی نہ تھی
یہ چمن اُجڑا ہی اِس ڈھب سے، کہ صحرا بن گیا

فانی بدایونی

 

[طارق شاہ]

ہیں آج کیوں ذلیل، کہ کل تک نہ تھی پسند
گستاخیِ فرشتہ ہماری جناب میں
غالب

 

[طارق شاہ]

کم نہیں وہ بھی خرابی میں، پہ وسعت معلوم
دشت میں ہے مجھے وہ عیش کہ گھر یاد نہیں

غالب

 

[طارق شاہ]

چمکنا برق کا لازم پڑا ہے ابرِ باراں میں​

تصور چاہیے رونے میں اُس کے روئے خنداں کا ​

​

ناسخ ​

 

[فرقان احمد]

بات کچھ دن کی ہے موسم تو بدل جانے دے
تیری آنکھوں کے لیے خواب نئے لاؤں گا

فیض الحسن خیال

 

[طارق شاہ]

ہو نہ بےتاب غمِ ہجرِ بُتاں میں مومن​

دیکھ دو دن میں بس اب فضلِ خُدا ہوتا ہے​

مومن​

 

[طارق شاہ]

کبھی جادۂ طلب سے جو پھرا ہُوں دل شِکستہ​

تِری آرزو نے ہنس کر وہیں ڈال دی ہیں بانہیں​

مجروح سلطان پوری​

 

[طارق شاہ]

نہ ہو رہائی قفس سے، اگر نہیں ہوتی
نگاہِ شوق تو بے بال و پر نہیں ہوتی


قمر جلال آبادی

 

[طارق شاہ]

انساں عجیب رنگ سے دن کاٹ رہا ہے
حُلیے کا اُس کو ہوش، نہ گھر گھاٹ رہا ہے

ایک دَور یہ تھا وقت کو ہم کاٹ رہے تھے !
اک حشر یہ ہے، وقت ہمیں کاٹ رہا ہے

ڈاکٹر خیال امروہی

 

[طارق شاہ]

ہے ہجر میں وصال، زہے خوبیِ خیال
بیٹھے ہیں انجُمن میں تِری، انجُمن سے دُور

حسرت موہانی

 

[طارق شاہ]

پھر وضعِ احتیاط سے رُکنے لگا ہے دم
برسوں ہُوئے ہیں چاک گریباں کئے ہُوئے

دل پھرطوافِ کوُئے ملامت کو جائے ہے
پندار کا صنم کدہ ویراں کئے ہُوئے

پھر چاہتا ہُوں، نامۂ دلدار کھولنا
جاں، نذرِ دلفریبیِ عنواں کئے ہُوئے

جی، ڈھونڈھتا ہے پھر، وہی فرصت، کہ رات دن
بیٹھے رہیں تصور جاناں کئے ہُوئے

مرزا اسداللہ خاں غالب

 

[طارق شاہ]

تِرا ہر کمال ہے ظاہری، تِرا ہر خیال ہے سرسری​

کوئی دل کی بات کروں تو کیا، تِرے دل میں آگ تو ہے نہیں​

ناصر کاظمی​

 

[طارق شاہ]

ساون میں خاک اُڑتی ہے دل ہے رُنْدھا ہُوا
جی چاہتا ہے گریۂ مستانہ کیجیے

یاس یگانہ عظیم آبادی

 

[طارق شاہ]

کتابِ عُمْر ہے گویا انیسِ تنہائی
نظرمیں قصّۂ ماضی و حال ہوتا ہے

خُدا میں شک ہے تو ہو، موت میں نہیں کوئی
مشاہدے میں کہیں احتمال ہوتا ہے

یاس یگانہ عظیم آبادی

 

[طارق شاہ]

ہے آدمی بجائے خود اِک محشرِ خیال
ہم انجمن سمجھتے ہیں، خَلوت ہی کیوں نہ ہو

مِٹتا ہے فوتِ فُرصت ہَستی کا غم کوئی
عمرِ عزیز صرفِ عبادت ہی کیوں نہ ہو

مرزا غالب