آپ کے پسندیدہ اشعار!

[محمد وارث]

ایک لگی کے دو ہیں اثر اور دونوں حسبِ مراتب ہیں
لو جو لگائے شمع کھڑی ہے ، رقص میں ہے پروانہ بھی
آرزو لکھنوی

 

[سعدیہ ملک]

بہت خوب

 

[سردار محمد نعیم]

ایک لگی کے دو ہیں اثر اور دونوں حسبِ مراتب ہیں
لو جو لگائے شمع کھڑی ہے ، رقص میں ہے پروانہ بھی
آرزو لکھنوی

عمدہ

 

[فرحان محمد خان]

جگر ہے سزا میرؔ اس رنج کش کو
گیا دو قدم جو ہمارے قدم پر
میر تقی میر

 

[حسان خان]

کرو گے ذکر میرا غیر کے آگے تو کیا ہو گا؟
ہے ذکرِ آدم و شیطاں بہم آیاتِ قُرآں میں
(بہرام جی جاماسپ جی)

 

[محمد وارث]

شوق برہنہ پا چلتا تھا اور رستے پتھریلے تھے
گِھستے گھستے گِھس گئے آخر کنکر جو نوکیلے تھے
غلام محمد قاصر

 

[زارا آریان]

اُف وہ تقدیر جو تدبیرکی پابند رہی
حیف وہ درد جو منت کش درماں نکلا

✍ ہادی مچھلی شہری ( سید محمد ہادی )
جون پور، اتر پردیش | ۱۸۹۰ – ۱۹۶۱

 

[زارا آریان]

لطف ہوتا تو یہی تھا کہ نہ ہوتے برباد
ہم جو برباد ہوئے تو کوئی شکوہ بھی نہیں

جگر بریلوی

 

[زارا آریان]

غضب کی دھار تھی اک سائباں ثابت نہ رہ پایا
ہمیں یہ زعم تھا بارش میں اپنا سر نہ بھیگے گا

زبیر رضوی

 

[عبد الرحمٰن]

جو دیکھتا ہوں وہی بولنے کا عادی ہوں
میں اپنے شہر کا سب سے بڑا فسادی ہوں

 

[زارا آریان]

تر بہ تر خون میں ہے دامن امید بہار
ہاتھ میں زخم ہے ٹوٹے ہوئے پیمانے کا

✍ حسن عابد

 

[محمد عدنان اکبری نقیبی]

کیوں آکے ہرشخص میرے زخم کریدے
کیوں میں بھی ہراک شخص کو اپنا حال سناوں
نا معلوم

 

[فرحان محمد خان]

بھرا ہے شیشۂ دل کو نئی محبت سے
خدا کا گھر تھا جہاں واں شراب خانہ ہوا
حیدر علی آتش

 

[ا۔س۔د]

ہے ذوقؔ وقت نالے کے رکھ لے جگر پہ ہاتھ
ورنہ جگر کو روئے گا تو دھر کے سر پہ ہاتھ
شیخ ابراہیم ذوقؔ

 

[محمد وارث]

روز ملنے پہ نہیں نسبتِ عشقی موقوف
عمر بھر ایک ملاقات چلی جاتی ہے
میر

 

[فرقان احمد]

اک نام کی اُڑتی خوشبو میں، اک خواب سفر میں رہتا ہے
اک بستی آنکھیں مَلتی ہے، اک شہر نظر میں رہتا ہے!!!

کیا اہلِ ہنر، کیا اہلِ شرف سب ٹکڑے ردی کاغذ کے
اس دور میں ہے وہ شخص بڑا جو روز خبر میں رہتا ہے!

شاعر: نامعلوم

 

[محمد عدنان اکبری نقیبی]

کتنی امیدوں کے چراغ راہ میں بجھ کے رہ گئے
اپنے تو پاؤں تھک گئے شوق سفر کو کیا کروں
سالکؔ لکھنوی

 

[محمد عدنان اکبری نقیبی]

دیوانگیِ شوق بڑی چیز ہے سیماب
یہ ان کا کرم ہے جسے دیوانہ بنا لیں
سیماب اکبر آبادی

 

[محمد عدنان اکبری نقیبی]

چل دیا منزل کی جانب کارواں میرے بغیر
اپنے ہی شوق سفر کو ہم سفر میں نے کیا
نسیم سحر

 

[محمد عدنان اکبری نقیبی]

ایک بار اور بھی , بَطحا سے فلسطین میں آ
راستہ دیکھتی ہے مسجدِ اَقصیٰ تیرا
احمدندیم قاسمی