آپ کے پسندیدہ اشعار!

[زارا آریان]

اہلِ عصیاں کی کمی حشر میں دیکھی نہ گئی
ایک ہم اور ملے آ کے گنہ گاروں میں

ریاضؔ خیرآبادی ( ریاض احمد )
خیرآباد، سیتاپور، اودھ | ۱۸۵۳ – ۱۹۳۴
کتاب ۔ ریاضِ رضواں

 

[فرقان احمد]

سبھی کو سہل نگاری ہنر لگنے لگی ہے
سروں پر اب غبار راہگزر شاید نہ آئے

اِفتخار عارف

 

[رباب واسطی]

بک جاؤں سستے داموں ضرورت کے واسطے
اترا ہوا غریب کا زیور نہیں ہوں میں

شاعر: نامعلوم

 

[فرقان احمد]

چاہے جانے پہ ہی، وہ ہوگئے بدنام خلش
کیا سزا پائی ہے نسبت کی، خطا سے پہلے

شفیق خلش

 

[سردار محمد نعیم]

سبب ہر ایک مجھ سے پوچھتا ہے میرے رونے کا
الہی ساری دنیا کو میں کیسے راز داں کر لوں
وہ میری داستان سوز غم مجھ سے اگر سن لیں
انھیں بھی تاجور ! اپنی طرح آتش بیاں کر لوں
. . . . . . . تاجور نجیب آبادی۔ . . ۔ . . . . . .

 

[فرقان احمد]

مجھ سے ملنے کو آپ آئے ہیں
بیٹھیے، میں بُلا کے لاتا ہوں!

جون ایلیا

 

[فہد اشرف]

مجھ سے ملنے کو آپ آئے ہیں
بیٹھیے، میں بُلا کے لاتا ہوں!

جون ایلیا

کب تک بیٹھنا ہو گا؟

 

[سحرش سحر]

جب بھی ہوتی ہے گفتگو خود سے
ذکر تیرا ضرور ہوتا ہے

 

[سحرش سحر]

یہ دیس ہے اندھے لوگوں کا
اے چاند یہاں نہ نکلا کر
( حبیب جالب)

 

[سحرش سحر]

اب تو یا رب! ترے فردوس پہ میرا حق ہے
تو نے اس دور کے دوزخ میں جلایا ہے مجھے
احمد ندیم قاسمی

 

[فرقان احمد]

ٹھہرو کوئی دم ، کہ جاں ٹھہرے
مت جاؤ، کہ جی سے جائیں گے ہم

مومن خاں مومن

 

[محمد عدنان اکبری نقیبی]

پکارتی ہیں فرصتیں ، کہاں گئیں وہ صحبتیں
زمیں نگل گئی انہیں ، کہ آسمان کھا گیا

ناصر کاظمی

 

[فرقان احمد]

پلٹی جو راستہ ہی سے، اے آہِ نامُراد !
یہ تو بتا ، کہ باب اثر کِتنا دُور تھا


جگرمُرادآبادی

 

[محبوب الحق]

پھر وہی جاگتی راتیں میری
پھر وہی روگ تمھارے جاناں۔۔۔

 

[محبوب الحق]

کِتنے بے بس ہیں تیرے ہجر میں جینے والے
آہ بھر لیتے ہیں دم سادھ کے سو جاتے ہیں۔

 

[رحیض طاہر]

اتنا احسان جتاتے ہیں کہ مر جاتا ہے
کام آ جائیں جو دنیا میں کسی کے ہم لوگ

حنیف راہی

 

[shayan ghulami]

جی رہا ہوں کیسے مشکل ہے بتانا تیرے بِن
سونا سونا لگ رہا ہے آشیانہ تیرے بِن
ساتھ تیرے گھر میں ہوتا تو بھی لگتا تھا محل
اب محل بھی لگ رہا ہے قید خانہ تیرے بِن

شایان غلامی

 

[سردار محمد نعیم]

توبہ کے توڑنے میں بھی آتا نہیں ہے لطف
جب تک شریک بادہ کوئی پارسا نہ ہو

. . . . ریاضؔ خیرآبادی . . .

 

[جاسمن]

اس روز یہ لگتا ہے کہ بیکار جیئے ہم
جس روز ۔صنم زکر تمہارا نہیں ہوتا

ذکر

 

[کاشفی]

دیا خاموش ہے لیکن کسی کا دل تو جلتا ہے
چلے آؤ جہاں تک روشنی معلوم ہوتی ہے
(نشور واحدی)