آپ کے پسندیدہ اشعار!

[سیما علی]

طائرِ سدرہ سے میں تیز پری کرتا ہوں
دیکھو پہنچی ہے چمن میں مری پرواز کہاں

(مصحفی)

 

[سیما علی]

اک دن کیا تھا یار نے قد ناز سے بلند
حجلت سے سرو جوے چمن آب سا ہوا

(میر تقی میر)

 

[سیما علی]

بہت عمدہ انتخاب۔۔سیما اپیا اور لاریب اخلاص ۔۔۔۔ ڈھیروں داد ۔۔۔

بہت ساری دعائیں

 

[مومن فرحین]

مجھ کو یہ آرزو وہ اٹھائیں نقاب خود
ان کو یہ انتظار تقاضا کرے کوئی

اسرار الحق مجاز

 

[MindRoasterMirs]

قادر ہے وہ بارگہ۔ ٹُوٹا کام بناوے
بنا بنایا توڑ دے کوئی اُس کا بھید نہ پاوے

​

 

[سیما علی]

ڈالتے ا س پہ کمندیں ، وہ کوئی چاند نہ تھا
سو جتن سب نے کیے ، ہاتھ نہ آیا سورج
قتیل شفائی

 

[سیما علی]

طرزؔ! بہت دن جھیل چکے تم دنیا کی زنجیروں کو
توڑ کے پنجرہ اب تو تمہیں ہے دیس پیا کے جانا جی
۔۔۔۔۔۔۔۔۔۔
گنیش بہاری طرزؔ

 

[سیما علی]

چشم گریاں میں وہ سیلاب تھے اے یار کہ بس
گرچہ کہتے رہے مجھ سے میرے غم خوار کہ بس
احمد فراز

 

[سیما علی]

روکا انا نے کاوشِ بے سود سے مجھے
اس بت کو اپنا حال سنانے نہیں دیا

 

[سیما علی]

زاہد نے میرا حاصل ایماں نہیں دیکھا
رخ پر تیری زلفوں کو پریشاں نہیں دیکھا
ہر حال میں بس پیش نظر ہے وہی صورت
میں نے کبھی روئے شبِ ہجراں نہیں

 

[سیما علی]

فراق کیا ہے اگر ، یادِ یار دل میں رہے
خزاں سے کچھ نہیں ہوتا ، بہار دل میں رہے

جون ایلیا

 

[سیما علی]

نہ یہ خدمت،نہ عزت، نہ یہ رفعت اچھی
اس گھڑی بھر کے چمکنے سے تو ظلمت اچھی

علامہ اقبال

 

[سیما علی]

ثمر پیڑوں کو چومیں گے صبا کے سبز لب
دیکھ لینا یہ خزاں بے دست و پا رہ جائے گی

 

[سیما علی]

صحنوں کی گھُٹن شہر کا مینار نہ جانے
جو اَوج نشیں ہے مرا آزار نہ جانے
ماجد صدیقی

 

[سیما علی]

عشق بس ایک کرشمہ ہے ، فسوں ہے ، یوں ہے
یوں تو کہنے کو سبھی کہتے ہیں، یوں ہے ، یوں ہے
احمد فراز

 

[سیما علی]

فقط ہنر ہی نہیں عیب بھی کمال کے رکھ
سو دوسروں کے لیے تجربے مثال کے رکھ
احمد فراز

 

[مومن فرحین]

تم کہاں وصل کہاں وصل کی امید کہاں
دل کے بہکانے کو اک بات بنا رکھی ہے
آغا شاعر قزلباش

 

[مومن فرحین]

خواب، امید، تمنائیں، تعلق، رشتے
جان لے لیتے ہیں آخر یہ سہارے سارے

عمران الحق چوہان

 

[مومن فرحین]

کیسے اک لفظ میں بیاں کر دوں
دل کو کس بات نے اداس کیا

سحر انصاری

 

[مومن فرحین]

ایک چراغ اور ایک کتاب اور ایک امید اثاثہ
اس کے بعد تو جو کچھ ہے وہ سب افسانہ ہے

افتخار عارف