آپ کے پسندیدہ اشعار!

[سیما علی]

کرو کج جبیں پہ سر کفن مرے قاتلوں کو گماں نہ ہو
کہ غرور عشق کا بانکپن پس مرگ ہم نے بھلا دیا

فیض احمد فیض

 

[سیما علی]

سر پر ہوائے ظلم چلے سو جتن کے ساتھ
اپنی کلاہ کج ہے اسی بانکپن کے ساتھ

مجروح سلطانپوری

 

[سیما علی]

بدلتے وقت نے بدلے مزاج بھی کیسے
تری ادا بھی گئی میرا بانکپن بھی گیا

فہیم شناس کاظمی

 

[سیما علی]

ہماری گفتگو سب سے جدا ہے
ہمارے سب سخن ہیں بانکپن کے

شیخ ظہور الدین حاتم

 

[سیما علی]

سینہ فگار چاک گریباں کفن بہ دوش
آئے ہیں تیری بزم میں اس بانکپن سے ہم

سہیل عظیم آبادی

 

[سیما علی]

کبھی نہ حسن و محبت میں بن سکی واحدؔ
وہ اپنے ناز میں ہم اپنے بانکپن میں رہے

واحد پریمی

 

[سیما علی]

انداز اپنا دیکھتے ہیں آئنے میں وہ
اور یہ بھی دیکھتے ہیں کوئی دیکھتا نہ ہو

نظام رامپوری

 

[سیما علی]

تو بھی سادہ ہے کبھی چال بدلتا ہی نہیں
ہم بھی سادہ ہیں اسی چال میں آ جاتے ہیں

افضل خاں

 

[مومن فرحین]

بہت عمدہ انتخاب۔۔سیما اپیا اور لاریب اخلاص ۔۔۔۔ ڈھیروں داد ۔۔۔

 

[ذوق درد]

نہ کوٸی چاپ ٗ نہ آہٹ ٗ نہ گفتگو ٗ نہ سوال
کہاں لُٹے ہیں خیالوں کے کارواں دیکھو

اس میں کس طرف اشارہ ہے، کی ہمارے خیال ، اب ہمارے نہیں رہے؟

 

[سیما علی]

حیا سے سر جھکا لینا ادا سے مسکرا دینا
حسینوں کو بھی کتنا سہل ہے بجلی گرا دینا

اکبر الہ آبادی

 

[سیما علی]

بہت عمدہ انتخاب۔۔سیما اپیا اور لاریب اخلاص ۔۔۔۔ ڈھیروں داد ۔۔۔

بہت ساری دعائیں اور پیار

 

[سیما علی]

نہ پڑھا یار نے احوال شکستہ میرا
خط کے پرزے کئے بازوئے کبوتر توڑا

وزیر علی صبا لکھنؤی

 

[سیما علی]

اک رات وہ گیا تھا جہاں بات روک کے
اب تک رکا ہوا ہوں وہیں رات روک کے

فرحت احساس

 

[سیما علی]

بہت دنوں میں محبت کو یہ ہوا معلوم
جو تیرے ہجر میں گزری وہ رات رات ہوئی

فراق گورکھپوری

 

[سیما علی]

ہوتے نہیں ہیں ختم محبت کے مرحلے
بنتی نہیں ہے بات یہاں جاں دیئے بغیر

عبد الحمید عدمؔ

 

[سیما علی]

بات کرنے کا بہانہ ہی سَہی
داستانیں ہی کہو!
آپ بیتی ہو کہ جَگ بیتی ہو
یُوں مگر چُپ نہ رہو!
"احمد ندیم قاسمی"

 

[سیما علی]

کیجے وہ کہ میاں جس سے دل کوئی ہو ملول
سوائے اس کے جو جی چاہے سو کیا کیجے

ولی اللّہ محب

 

[سیما علی]

چمن میں جاکے جو میں گرم وصفِ یار ہوا
گل اشتیاق سے میرے گلے کا ہار ہوا

(میر تقی میر)

 

[سیما علی]

رنگ اُڑا چلا چمن میں گلوں کا تو کیا نسیم
ہم کو تو روزگار نے بے بال و پر کیا

(میر تقی میر)