آپ کے پسندیدہ اشعار!

[سیما علی]

ڈر نالہ ہائے زار سے میرے، خُدا کو مان
آخر نوائے مرغِ گرفتار بھی نہیں
غالب

 

[سیما علی]

ذرّوں سے پہچان ہے ضو کی، ماہِ مبیں کوئی اور
ہم تم پائے تخت کے ہیں اور تخت نشیں کوئی اور

 

[سیما علی]

رہروِ راہِ محبت کا خدا حافظ ہے
اس میں دو چار بہت سخت مقام آتے ہیں

 

[سیما علی]

زندگی سے یہی گلہ ہے مجھے
تو بہت دیر سے ملا ہے مجھے
تو محبت سے کوئی چال تو چل
ہار جانے کا حوصلہ ہے مجھے

 

[سیما علی]

سبھی کچھ ہے تیرا دیا ہوا، سبھی راحتیں، سبھی کلفتیں
کبھی صحبتیں، کبھی فرقتیں، کبھی دوریاں، کبھی قربتیں

 

[سیما علی]

شکوہ کروں ہوں بخت کا، اتنے غضب نہ ہو بُتاں
مجھ کو خدانخواستہ، تم سے تو کچھ گِلا نہیں

 

[سیما علی]

صحنوں کی گھُٹن شہر کا مینار نہ جانے
جو اَوج نشیں ہے مرا آزار نہ جانے

 

[سیما علی]

ضبط اپنا شعار تھا، نہ رہا
دل پہ کچھ اختیار تھا، نہ رہا
دلِ مرحوم کو خدا بخشے
ایک ہی غمگسار تھا، نہ رہا

 

[سیما علی]

طاقتیں تمہاری ہیں' اور خدا ہمارا ہے
عکس پر نہ اتراؤ ' آئینہ ہمارا ہے

 

[سیما علی]

ظلم سہہ کر بھی سمجھتا ہوں‌کہ تو میرا ہے
میرے دشمن تیرے چہرے پہ لہو میرا ہے

 

[حسرت جاوید]

پہلو میں مرے دل کے دھڑکنے کی صدا ہے
یا نزد رگِ جان کوئی بول رہا ہے

مکرم محمودالحسن

 

[حسرت جاوید]

دل ہے تو دھڑکنے کا بہانہ کوئی ڈھونڈے
پتھر کی طرح بے حس و بے جان سا کیوں ہے

شہریار

 

[حسرت جاوید]

خموشی سے ادا ہو رسمِ دوری
کوئی ہنگامہ برپا کیوں کریں ہم

جون ایلیا

 

[حسرت جاوید]

زور قسمت پہ چل نہیں سکتا
خامشی اختیار کرتا ہوں

عزیز حیدرآبادی

 

[شمشاد]

مرا گمان ہے شاید یہ واقعہ ہو جائے
کہ شام مجھ میں ڈھلے اور سب فنا ہو جائے
عاصم بخشی

 

[محمد شان محسن]

گھر کے دالان! سدا وسعتیں آباد کہ تم
ایک کونے کی اذیت کو کہاں سمجھو گے
سینکڑوں لوگ میسر ہیں رفاقت کے لیے
تم 'نہ ہونے' کی اذیت کو کہاں سمجھو گے​

کومل جوئیہ​

 

[سیما علی]

میرے ہزار شکوے، تِرا ایک تبسم
یہ مختصر جواب ، بہت لاجواب ہے

 

[سیما علی]

دھڑکا لگا نہ ہو تو مزا کیا گناہ کا
لذت ہی اور ہوتی ہے چوری کے مال میں

یاس یگانہ

 

[سیما علی]

تم نے تو تھک کے دشت میں خیمے لگالیے
تنہا کٹے کسی کا سفر،، تم کو اس سے کیا

 

[سیما علی]

ہے تار تار مرے اعتماد کا دامن
کِسے بتاؤں کہ میں بھی امین رکھتا تھا