آپ کے پسندیدہ اشعار!

[اے خان]

ہم ہیں سوکھے ہوئے تالاب پہ بیٹھے ہوئے ہنس
جو تعلق کو نبھاتے ہوئے مر جاتے ہیں
عباس تابش

 

[حسرت جاوید]

ہے خونِ جگر جوش میں، دل کھول کے روتا
ہوتے جو کئی دیدۂِ خوں نابہ فِشاں اور

غالب

 

[سیما علی]

شعر دراصل ہیں وہی حسرتؔ
سنتے ہی دل میں جو اتر جائیں
حسرت موہانی

 

[سیما علی]

مجھ کو شاعر نہ کہو میرؔ کہ صاحب میں نے
درد و غم کتنے کیے جمع تو دیوان کیا

میر تقی میر

 

[حسرت جاوید]

قاصد تو اس فریب سے خط ان کو دیجیو
صاحب یہ کس کا خط ہے ذرا پڑھ تو دیجیو

میر تقی میر

 

[حسرت جاوید]

تم جو اوجھل ہوئے تو علم ہوا
دل میاں ریت کی عمارت ہے

انصر منیر

 

[شمشاد]

جان اگر ہو جان تو کیوں کر نہ ہو تجھ پر نثار
دل اگر ہو دل تری صورت پہ شیدا کیوں نہ ہو
حسن بریلوی

 

[شمشاد]

آتی ہے دھار ان کے کرم سے شعور میں
دشمن ملے ہیں دوست سے بہتر کبھی کبھی
آل احمد سرور

 

[حسرت جاوید]

ہے انتہائے یاس بھی اک ابتدائے شوق
پھر آ گئے وہیں پہ چلے تھے جہاں سے ہم

حسرتؔ موہانی

 

[حسرت جاوید]

لمحہ لمحہ رہے آنکھوں میں اندھیرے لیکن
کوئی سورج مرے سینے میں ابھرتا ہی رہا

جاں نثار اختر

 

[حسرت جاوید]

ہونٹوں کو روز اک نئے دریا کی آرزو
لے جائے گی یہ پیاس کی آوارگی کہاں

وسیم بریلوی

 

[حسرت جاوید]

اسی خیال سے پلکوں پہ رک گئے آنسو
تری نگاہ کو شاید ثبوتِ غم نہ ملے

وسیم بریلوی

 

[حسرت جاوید]

ایسے رشتے کا بھرم رکھنا کوئی کھیل نہیں
تیرا ہونا بھی نہیں اور ترا کہلانا بھی

وسیم بریلوی

 

[حسرت جاوید]

میں بولتا گیا ہوں وہ سنتا رہا خاموش
ایسے بھی میری ہار ہوئی ہے کبھی کبھی

وسیم بریلوی

 

[حسرت جاوید]

مسکرا کر ان کا ملنا اور بچھڑنا روٹھ کر
بس یہی دو لفظ اک دن داستاں ہو جائیں گے

دانش علیگڑھی

 

[محمد شان محسن]

تیرے صدقے حسن جاناں یہ کہاں کا فیصلہ ہے
جسے دید کی ہو حسرت وہی دیکھنے کو ترسے

جوہرؔ وارثی

 

[یاسر شاہ]

چمن میں تلخ نوائی مری گوارا کر
کہ زہر بھی کبھی کرتا ہے کار تریاقی
اقبال

 

[شمشاد]

کہنے کو لفظ دو ہیں امید اور حسرت
ان میں نہاں مگر اک دنیا کی داستاں ہے
آنند نرائن ملا

 

[گُلِ یاسمیں]

آئنہ دیکھ کر تسلی ہوئی
ہم کو اس گھر میں جانتا ہے کوئی

گلزار

 

[گُلِ یاسمیں]

میرے اعصاب معطل نہیں ہونے دیں گے
یہ پرندے مجھے پاگل نہیں ہونے دیں گے

یار اک بار پرندوں کو حکومت دے دو
یہ کسی شہر کو مقتل نہیں ہونے دیں گے

عباس تابش