آپ کے پسندیدہ اشعار!

[گُلِ یاسمیں]

گلی تھی صحن کا حصہ ہمارے بچپن میں
مکاں بڑے ہوئے لیکن کشادگی سے گئے

 

[سیما علی]

کس نے دستک دی دل پر،کون ہے؟
آپ تو اندر ہیں،یہ باہر کون ہے؟

 

[سیما علی]

روز تاروں کی نمائش میں خلل پڑتا ہے
چاند پاگل ہے اندھیرے میں نکل پڑتا ہے
اُس کی یاد آئی ہے سانسو ذرا آہستہ چلو
دھڑکنو ں سے بھی عبادت میں خلل پڑتا ہے
(راحت اندوری)

 

[سیما علی]

ستارے پیکرِ گردوں کے زخم ہوں گویا
کفن زمیں کا یہ چاندنی لگے ہے مجھے
تیرے بغیر تو اےشمع محفلِ ہستی
یہ بزمِ کیف بھی،بے کیف سی لگے ہے مجھے

 

[گُلِ یاسمیں]

دھوپ اُس کی ہے میرے آنگن میں
اُس کی چھت پر ہے چاندنی میری
اک مہک روز آکے کہتی ہے
منتظر ہے کوئی گلی میری

 

[شمشاد]

سمجھیں گے نہ اغیار کو اغیار کہاں تک
کب تک وہ محبت کو محبت نہ کہیں گے
ظہیرؔ دہلوی

 

[سیما علی]

ملا ہے نقش گرِشب کو اذن قتلِ رقیب
کھلے نصیبِ ہوس خوش ہیں داشتائیں اب
افتخار عارف

 

[سیما علی]

جس درجہ ہجر رُت میں آنکھیں برس رہی ہیں
غزلیں بھی اُگ رہی ہیں، برسات کے مطابق
دیکھو خلوصِ نیت،جذبات اور محبت
مت چاہتوں کو تولو، سوغات کے مطابق

 

[سیما علی]

تلخی ء گردشِ ایام سے جل جاتے ہیں
ہم چراغوں کی طرح شام سے جل جاتے ہیں

جب بھی آتاہے تیرا نام میرے نام کے ساتھ
جانے کیوں لوگ میرے نام سے جل جاتے ہیں

خود نمائی تو نہیں شیوہء اربابِ وفا
جن کو جلنا ہو وہ آرام سے جل جاتے ہیں

 

[سیما علی]

نقطہ وروں نے ہم کو سجھایا
خاص بنو اور عام رہو
محفل محفل صحبت رکھو
دنیا میں گمنام رہو
(مختار صدیقی)

 

[سیما علی]

بخشے ہے جلوہء گل ذوقِ تماشا غالب
چشم کو چاہیئے ہر رنگ میں وا ہوجانا

 

[سیما علی]

خدا تجھے کسی طوفان سے آشنا کردے
کہ تیرے بحر کی موجوں میں اضطراب
تجھے کتاب سے ممکن نہیں فراغ کہ تُو
کتاب خواں ہے مگر صاحب کتاب نہیں
(اقبال)

 

[سیما علی]

کچھ تو اے یار علاجِ غمِ تنہائی ہو
بات اتنی بھی نہ بڑھ جائے کہ رسوائی ہو
میں تجھے جیت بھی تحفے میں نہیں دے سکتا
چاہتا یہ بھی نہیں ہوں تری پسپائی ہو

 

[سیما علی]

کشتی بھی نہیں بدلی، دریا بھی نہیں بدلا
ہم ڈوبنے والوں کا جذبہ بھی نہیں بدلا
ہے شوقِ سفر ایسا، اک عمر ہوئی ہم نے
منزل بھی نہیں پائی، رستہ بھی نہیں بدلا

 

[سیما علی]

تھی کسی شخص کی تلا ش مجھے
میں نے خود کو ہی انتخاب کیا
(جون ایلیا)

 

[سیما علی]

تنہائی کا احساس ذرا بھی ہونے نہیں دیتا مجھے
روپڑتا ہے برسات میں بادل بھی میرے ساتھ
(شہزاد احمد جعفری)

 

[سیما علی]

نوحہ گروں میں دیدہء تر بھی اُسی کا تھا
مجھ پر یہ ظلم بارِ دِگر بھی اُسی کا تھا

دیکھا مجھے تو ترکِ تعلق کے باوجود
وہ مُسکرا دیا یہ ہنر بھی اُسی کا تھا

(احمد فراز)

 

[گُلِ یاسمیں]

دل مرا کب کا ہو چکا پتھر
موت تو کب کی ہو چکی میری
عرفان ستار

 

[حسرت جاوید]

مجھے گرنا ہے تو میں اپنے ہی قدموں میں گروں
جس طرح سایۂ دیوار پہ دیوار گرے

شکیب جلالی

 

[گُلِ یاسمیں]

نہیں شکوہ مجھے کچھ بیوفائی کا تری ہر گز
گلہ تب ہو اگر تو نے کسی سے بھی نبھائی ہو