نیرنگ خیال
لائبریرین
ابن انشاء صاحب کے تو ہم مریدین میں سے ہیں۔ اب انکے آگے تو ہاتھ ہی بندھے ہیں اپنے
ابن انشاء
- صاحب لڑی نیلم
- تاریخ ابتداء
نیلم
محفلین
ایک اخبار میں بھونکتے کتے سے بچنے کا نسخہ شائع ہوا ہے۔ لکھا ہے۔
"اگر آدمی ساکت کھڑا ہوجائے۔ بازو اور ہاتھ نیچے کی طرف سیدھے کرلے اور دوسری طرف دیکھنے لگے تو بھونکتا ہوا کتا کچھ دیر کے بعد خاموش ہوجائے گا اور پھر وہاں سے چلا جائے گا۔"
اخبار نے یہ نہیں لکھا کہ یہ نسخہ کہاں سے لیا گیا ہے۔ اوپر فقط "جدید طبی تحقیق" کا عنوان دیا گیا ہے۔ یہ بھی مذکور نہیں آیا کتوں کو بھی مطلع کر دیا گیا ہے کہ ان پر اس ظابطہ اخلاق کی پابندی ضروری ہے۔ یہ اعتراض بھی کچھ لوگ کریں گے کہ اگر انسان حسبِ ہدایت بھیگی بلی بن کر منہ دوسری طرف کر کے کھڑا ہوجائے اور کتا اس کی ٹانگ لے لے تو ایڈیٹر اخبار ہذا کس حد تک ذمہ دار ہوگا۔ ہمارے نزدیک تو یہ اعتراض بے محل اور ناواجب ہے۔ بھونکنا ایک فعل ہے اور کاٹنا الگ۔ کتا کاٹ لے تو سیدھا سیدھا اسپتال جا کر چودہ انجکشن پیٹ میں لگوائیے اور مزے کیجیے۔ اصل کوفت تو کتے کی عف عف سے ہوتی ہے اور اس کے لیے یہ نسخہ مجرب ہے۔
ان امور میں اصل مشکل اس وقت پیش آتی ہے جب کہ کتے کو معلوم ہو کہ اسے اخبار میں چھپی ہوئی ہدایت کی پابندی کرنی ہے یعنی کوئی شخص بازو لٹکا کر دوسری طرف منہ کرے تو اسے دم دبا کر کھسک جانا چاہیے۔ یا تو بعض کتے ناخواندہ ہوتے ہیں، یا اخبار نہیں پڑھتے یا جان بوجھ کر بات ٹال جاتے ہیں۔ پچھلے دنوں ایک مشہور ہوٹل کے لاؤنج میں ایک کتے کو استراحت کرتے پایا گیا۔ مینجر صاحب بہت خفا ہوئے۔ اسے کان سے پکڑ کر دروازے پر لے گئے جہاں موٹے موٹے لفظوں میں صاف لکھا ہوا تھا۔
"جن کتوں کے ساتھ ان کا مالک نہ ہو، ان کا ہوٹل میں آنا منع ہے۔"
بہ نظرِ احتیاط ہم لوگوں کو مشورہ دیں گے کہ وہ اس اخبار کا شمارہ ہمیشہ اپنے ساتھ رکھیں جس میں یہ ترکیب درج ہے۔ اگر کوئی کتا بھونکنے سے باز نہ آئے بلکہ کاٹنے پر اتر آئے تو جدید طبی تحقیق والا صفحہ اس کے سامنے کر دیں پھر بھی باز نہ آئے تو ڈنڈے سے اس کی خبر لیں۔
یہ ڈنڈے سے خبر لینے کی ہدایت ہماری طرف سے ہے۔ احباب مذکور کی ذمہ داری نہیں۔ ہماری طبی تحقیق اتنی جدید نہ سہی تاہم مجرب ضرور ہے۔ ڈنڈا بڑی کارآمد چیز ہے اور بہت سے نسخوں میں پڑتا ہے۔ پرانے زمانے میں اسے تنبیہ الغافلین کہتے تھے۔ اور شاگرد اسی کو احترام کی نظر سے دیکھتے تھے۔ کچھ مدت ہوئی ہم نے ایک کارٹون دیکھا کہ ایک استاد اپنے شاگرد رشید کو ایک موٹی سی کتاب سے دھڑا دھڑ پیٹ رہا ہے۔ کتاب کا نام بھی نظر آ رہا تھا۔ "دی چائلڈ سائیکالوجی۔ یعنی بچوں کی نفسیات۔"
(آپ سے کیا پردہ از ابنِ انشا)
"اگر آدمی ساکت کھڑا ہوجائے۔ بازو اور ہاتھ نیچے کی طرف سیدھے کرلے اور دوسری طرف دیکھنے لگے تو بھونکتا ہوا کتا کچھ دیر کے بعد خاموش ہوجائے گا اور پھر وہاں سے چلا جائے گا۔"
اخبار نے یہ نہیں لکھا کہ یہ نسخہ کہاں سے لیا گیا ہے۔ اوپر فقط "جدید طبی تحقیق" کا عنوان دیا گیا ہے۔ یہ بھی مذکور نہیں آیا کتوں کو بھی مطلع کر دیا گیا ہے کہ ان پر اس ظابطہ اخلاق کی پابندی ضروری ہے۔ یہ اعتراض بھی کچھ لوگ کریں گے کہ اگر انسان حسبِ ہدایت بھیگی بلی بن کر منہ دوسری طرف کر کے کھڑا ہوجائے اور کتا اس کی ٹانگ لے لے تو ایڈیٹر اخبار ہذا کس حد تک ذمہ دار ہوگا۔ ہمارے نزدیک تو یہ اعتراض بے محل اور ناواجب ہے۔ بھونکنا ایک فعل ہے اور کاٹنا الگ۔ کتا کاٹ لے تو سیدھا سیدھا اسپتال جا کر چودہ انجکشن پیٹ میں لگوائیے اور مزے کیجیے۔ اصل کوفت تو کتے کی عف عف سے ہوتی ہے اور اس کے لیے یہ نسخہ مجرب ہے۔
ان امور میں اصل مشکل اس وقت پیش آتی ہے جب کہ کتے کو معلوم ہو کہ اسے اخبار میں چھپی ہوئی ہدایت کی پابندی کرنی ہے یعنی کوئی شخص بازو لٹکا کر دوسری طرف منہ کرے تو اسے دم دبا کر کھسک جانا چاہیے۔ یا تو بعض کتے ناخواندہ ہوتے ہیں، یا اخبار نہیں پڑھتے یا جان بوجھ کر بات ٹال جاتے ہیں۔ پچھلے دنوں ایک مشہور ہوٹل کے لاؤنج میں ایک کتے کو استراحت کرتے پایا گیا۔ مینجر صاحب بہت خفا ہوئے۔ اسے کان سے پکڑ کر دروازے پر لے گئے جہاں موٹے موٹے لفظوں میں صاف لکھا ہوا تھا۔
"جن کتوں کے ساتھ ان کا مالک نہ ہو، ان کا ہوٹل میں آنا منع ہے۔"
بہ نظرِ احتیاط ہم لوگوں کو مشورہ دیں گے کہ وہ اس اخبار کا شمارہ ہمیشہ اپنے ساتھ رکھیں جس میں یہ ترکیب درج ہے۔ اگر کوئی کتا بھونکنے سے باز نہ آئے بلکہ کاٹنے پر اتر آئے تو جدید طبی تحقیق والا صفحہ اس کے سامنے کر دیں پھر بھی باز نہ آئے تو ڈنڈے سے اس کی خبر لیں۔
یہ ڈنڈے سے خبر لینے کی ہدایت ہماری طرف سے ہے۔ احباب مذکور کی ذمہ داری نہیں۔ ہماری طبی تحقیق اتنی جدید نہ سہی تاہم مجرب ضرور ہے۔ ڈنڈا بڑی کارآمد چیز ہے اور بہت سے نسخوں میں پڑتا ہے۔ پرانے زمانے میں اسے تنبیہ الغافلین کہتے تھے۔ اور شاگرد اسی کو احترام کی نظر سے دیکھتے تھے۔ کچھ مدت ہوئی ہم نے ایک کارٹون دیکھا کہ ایک استاد اپنے شاگرد رشید کو ایک موٹی سی کتاب سے دھڑا دھڑ پیٹ رہا ہے۔ کتاب کا نام بھی نظر آ رہا تھا۔ "دی چائلڈ سائیکالوجی۔ یعنی بچوں کی نفسیات۔"
(آپ سے کیا پردہ از ابنِ انشا)
نیرنگ خیال
لائبریرین
ابن انشاء ہی کا غالباً کہنا ہے کہ کتے کا وجود صرف اس لیئے تھا کہ پطرس اس پر بہترین مضمون لکھ سکے۔ سو یہ کام عرصہ ہوا احسن طریقے سے انجام پاگیا۔ اب اسکا وجود سمجھ سے بالاتر ہے۔
محمد یعقوب آسی
محفلین
بچھو ہوتے ہیں! بالکل ہوتے ہیں! مدیحہ گیلانی کے خواب میں۔
فاضلاتِ گوشت بھی ہوں تو، ہمیں کیا!!
فاضلاتِ گوشت بھی ہوں تو، ہمیں کیا!!
نیلم
محفلین
بہت شکریہ
وپل کمار
محفلین
واہ۔۔۔۔۔۔ اسے زیا صاحب کی اواز میں سنا تھا پہلی دفا۔۔۔۔۔۔ انہوں نے انشہ جی کی کئی تحریروں کو اواز دی ہے۔۔۔۔۔۔
بہت شکریہ یہاں پیش کرنے کے لئے
نیلم
محفلین
آپ کا بھی بہت شکریہ
نیلم
محفلین
شروع میں دنیا میں تھوڑے ہی ملک تھے- لوگ خاصی امن و چین کی زندگی بسر کرتے تھے – ١٥ صدی میں کولمبس نے امریکا دریافت کیا – اس کے بارے میں دو نظریے ہیں – کچھ لوگ کہتے ہیں کہ اس کا قصور نہیں ، یہ ہندوستان کو یعنی ہمیں دریافت کرنا چاہتا تھا – غلطی سے امریکا دریافت کر بیٹھا – اس نظریے کو اس بات سے تقویت ملتی ہے کہ ہم ابھی تک دریافت نہیں ہو پائے- دوسرا فریق کہتا ہے کہ نہیں کولمبس نے جان بوجھ کر یہ حرکت کی – یعنی امریکا دریافت کیا – بہرحال اگر یہ غلطی بھی تھی تو بہت سنگین غلطی تھی – اس کا خمیازہ ہم بھگت رہے ہیں
از ابن انشا ” اردو کی پہلی کتاب” سے اقتباس
از ابن انشا ” اردو کی پہلی کتاب” سے اقتباس
نیرنگ خیال
لائبریرین
انشاءجی کی کیا بات ہے۔۔۔ اور یہ چند سطور لکھ کر تو وہ امر ہوگئے
نیلم
محفلین
بالکل جنابانشاءجی کی کیا بات ہے۔۔۔ اور یہ چند سطور لکھ کر تو وہ امر ہوگئے