اتائی یا عطائی؟

[سید عاطف علی]

یہاں دی گئی امثال تو کچھ اور کہتی ہیں۔
فرہنگِ آصفیہ کے مطابق بھی مذکر ہے۔

میرا خیال یہ ہے کہ لفظ لغت (ماضی میں لفظ -الفاظ ) کے معنی میں بھی مستعمل رہا ہے جو کہ اب نہیں ۔
آپ کا آج کا مشاہدہ اور تجربہ کیا کہتا ہے ؟

 

[سید عاطف علی]

اردو کے جس لفظ کے آخر میں ت سے پہلے زبر آکر ”اَت“ کی آواز بنائے وہ مؤنث ہوتاہے۔ مثلا : صداقت، لیاقت، امانت، دیانت، ظلمت“ وغیرہ۔

میں نے شربت پی لی ۔

 

[سید عاطف علی]

یہ ت کیوں کہ عربی کی ۃ (تا مربوطۃ ) کا متبال ہوتا ہے جو لفظی تانیث کی عام علامت ہے لہذا اردو میں عموما یہی چلن عام ہے۔ لفظ لغت بھی اس سے مستثنی نہیں ۔
ویسےاگر کوئی غیر عربی لفظ اگر اس قاعدے سے ہٹ کر مل جائے تو عجب نہیں دلچسپ ہو۔

بھارت ۔شربت ۔ پربت ۔

 

[محمد تابش صدیقی]

آپ کا آج کا مشاہدہ اور تجربہ کیا کہتا ہے ؟

مشاہدہ تو یہی ہے کہ اردو لغت بورڈ نے بھی اب ہر جگہ مؤنث ہی استعمال کیا ہے۔ اور عمومی طور پر بھی ایسا ہی ہے۔
اب یہ تو علمائے اردو ہی بتا سکتے ہیں کہ غلط العام ہے یا غلط العوام۔
یا مذکر کہنا غلط العام تھا یا غلط العوام۔

 

[سید عاطف علی]

مشاہدہ تو یہی ہے کہ اردو لغت بورڈ نے بھی اب ہر جگہ مؤنث ہی استعمال کیا ہے۔ اور عمومی طور پر بھی ایسا ہی ہے۔
اب یہ تو علمائے اردو ہی بتا سکتے ہیں کہ غلط العام ہے یا غلط العوام۔
یا مذکر کہنا غلط العام تھا یا غلط العوام۔

"تھا" سے بات تو ختم ہوجاتی ہے بھائی ۔ ہر زمانے کے اپنے تقاضے ہوتے ہیں اور اپنا رنگ ڈھنگ ۔اسے غلط کہنےکا بوجھ اپنے سرلینے کی کیا ضرورت ہے۔

 

[عثمان]

انگریزی میں اگر کسی لفظ کے ہجے، تلفظ یا معنی پر اختلاف تو کسی معیاری لغت کا حوالہ معاملہ طے کر دیتا ہے۔
معلوم ہوتا ہے کہ اردو میں یہ رواج نہیں ہے۔

 

[آصف اثر]

کوئی ہے جو ”اَت“ کے الفاظ کودلچسپ انداز میں مؤنث و مذکر کے جامے پہناکر ایک مختصر سی تحریری شکل دے ڈالیں!
جو ”حضرت“ کی ”لیاقت“ کی ”شہادت“ کا ثبوت بھی شمار ہوگی! لیکن ”صداقت، امانت، دیانت“ اور کچھ حد تک ”حلاوت“ بھی رکھے! ”ضرورت“ تو بہرحال پیدا ہوگئی ہے!

 

[ظہیراحمدظہیر]

مشاہدہ تو یہی ہے کہ اردو لغت بورڈ نے بھی اب ہر جگہ مؤنث ہی استعمال کیا ہے۔ اور عمومی طور پر بھی ایسا ہی ہے۔
اب یہ تو علمائے اردو ہی بتا سکتے ہیں کہ غلط العام ہے یا غلط العوام۔
یا مذکر کہنا غلط العام تھا یا غلط العوام۔

تابش بھائی ، لغت مذکر اور مؤنث دونوں طرح استعمال ہوا ہے ۔ پہلے مذکر ہی استعمال ہوتا تھا لیکن جیسا کہ عاطف صاحب نےکہا وقت کے ساتھ تجنیس میں فرق آگیا ہے ۔ پچھلے اسی نوے سالہ دور کے ادب کو پڑھئے تو اکثر مؤنث ہی استعمال کیا گیا ہے ۔ حقی صاحب نے بھی فرہنگِ تلفظ میں اسے مذکر اور مؤنث دونوں لکھا ہے ۔

میرا خیال یہ ہے کہ لفظ لغت (ماضی میں لفظ -الفاظ ) کے معنی میں بھی مستعمل رہا ہے جو کہ اب نہیں ۔
آپ کا آج کا مشاہدہ اور تجربہ کیا کہتا ہے ؟

عاطف بھائی ، لفظ لغت اب تک بھی زبان یا لسان کے معنوں میں استعمال ہوتا ہے ۔ بعض اوقات اسلامی کتب یا عربی تراجم میں اس کا استعمال دیکھنے میں آتا ہے ۔ مثلاًً: قرآن لغتِ قریش یا لحنِ قریش پر نازل ہوا وغیرہ ۔

بھارت ۔شربت ۔ پربت ۔

جیسا کہ آج کل ایک لڑی میں ہم نے پربت کی ’’درگت‘‘ بنائی ہوئی ہے ۔

انگریزی میں اگر کسی لفظ کے ہجے، تلفظ یا معنی پر اختلاف تو کسی معیاری لغت کا حوالہ معاملہ طے کر دیتا ہے۔
معلوم ہوتا ہے کہ اردو میں یہ رواج نہیں ہے۔

رواج کیوں نہیں ہے صاحب۔ فرق صرف اتنا ہے کہ اردو مختلف زبانوں سے بنی ایک کھچڑی زبان ہے اور ہندوستان میں ایک سے زیادہ مراکز پر پروان چڑھی اس لئے تلفظ اور املا کا اختلاف ایک فطری سی بات ہے ۔ ان اختلافات کو خاصی حد تک فیصل کردیا گیا ہے ۔ لیکن سو فیصد ختم کرنا شاید ممکن نہ ہوسکے ۔ املا کے مسائل بہت حد تک حل ہوچکے ۔ اب یہ اور بات ہے کہ ہم میں سے اکثر لوگ لغت دیکھنے پر ہی تیار نہیں ہیں ۔ سہل پسند ہیں ۔ جو اور جیسا دل میں آیا لکھ دیا ۔

 

[عثمان]

رواج کیوں نہیں ہے صاحب۔ فرق صرف اتنا ہے کہ اردو مختلف زبانوں سے بنی ایک کھچڑی زبان ہے اور ہندوستان میں ایک سے زیادہ مراکز پر پروان چڑھی اس لئے تلفظ اور املا کا اختلاف ایک فطری سی بات ہے ۔ ان اختلافات کو خاصی حد تک فیصل کردیا گیا ہے ۔ لیکن سو فیصد ختم کرنا شاید ممکن نہ ہوسکے ۔ املا کے مسائل بہت حد تک حل ہوچکے ۔

غالباً تمام ہی زبانوں میں الفاظ باہر سے درآمد ہوتے رہتے ہیں۔ مثلاً انگریزی لغت میں آپ کو پکوڑا ، سموسہ سب مل جائے گا۔

اب یہ اور بات ہے کہ ہم میں سے اکثر لوگ لغت دیکھنے پر ہی تیار نہیں ہیں ۔ سہل پسند ہیں ۔ جو اور جیسا دل میں آیا لکھ دیا ۔

اسی بات کو رواج کہا ہے۔

 

[ظہیراحمدظہیر]

غالباً تمام ہی زبانوں میں الفاظ باہر سے درآمد ہوتے رہتے ہیں۔ مثلاً انگریزی لغت میں آپ کو پکوڑا ، سموسہ سب مل جائے گا۔

اسی بات کو رواج کہا ہے۔

زبان میں چند نئے الفاظ کا شامل ہونا اور بات ہے اور چند زبانوں سے مل کر ایک بالکل نئی زبان کا بننا بالکل مختلف بات ہے ۔ عملِ تارید ( یعنی غیر زبان کے الفاظ کا ردو کے قالب میں ڈھلنا) جیسی وسیع پیمانے کی مثال دنیا میں شاید ایک دوجگہ ہی ملتی ہے ۔ عربی کے زیرِ اثر موجودہ ہسپانوی زبان کا بننا اس سے ملتی جلتی مثال ہے ۔

 

[عبید انصاری]

پکوڑا ، سموسہ

گویا عثمان بھائی انہیں انگریزی میں Pakora, Smosa کہیں گے؟

 

[عثمان]

گویا عثمان بھائی انہیں انگریزی میں Pakora, Smosa کہیں گے؟

ڈکشنری ڈاٹ کام کی رو سے؛ Pakora اور Samosa

 

[سید عاطف علی]

عاطف بھائی ، لفظ لغت اب تک بھی زبان یا لسان کے معنوں میں استعمال ہوتا ہے ۔ بعض اوقات اسلامی کتب یا عربی تراجم میں اس کا استعمال دیکھنے میں آتا ہے ۔ مثلاًً: قرآن لغتِ قریش یا لحنِ قریش پر نازل ہوا وغیرہ ۔

جی ظہیر بھائی لغت کے اصل اور حقیقی معنی تو زبان و لسان ہی ہیں جوآپ نے ذکر فرمائے ہیں اور یہی مقبول ہیں اور دوسرے معنی قاموس بھی ہیں جو اب رائج و مستعمل بھی ہیں ۔ لیکن موجودہ ہردو صورتیں مونث ہی ہیں ۔ لیکن تابش بھائی نے کچھ اشعار مثالوں میں پیش کیے ان میں "لغت" کو "لفظ" کے ہم معنی استعمال میں وارد ہوتے دیکھا جو کہ اب نظر نہیں آتا ۔( مثلا مجھے فلاں زبان کے اتنے لغات معلوم ہیں ۔۔۔یہ استعمال اردو میں اب یکسر متروک ہے۔ ۔۔۔بنات النعش ۔۔۔ خیر النسا : میں شہر والیوں کے لغت کم سمجھتی ہوں ، ۔۔۔ اور ۔۔
واعظ بہشت و بزمِ حسیناں کو ایک جان،تیرا لغت وہ ہے یہ مری اصطلاح ہے،،،،،(۱۹۲۷ ، شاد عظیم آبادی ، میخانۂ الہام ، ۳۱۸ ) )
،

جیسا کہ آج کل ایک لڑی میں ہم نے پربت کی ’’درگت‘‘ بنائی ہوئی ہے ۔

ویسے پربت جیسے بھاری بھرکم لفظ کی ، اس پہ طرہ یہ کہ مذکر ہوتے ہوئے ، جودرگت (مونث ) بنتے دیکھی حتی کہ اسے سر بازارِ دھاگا نانگا بلکہ ننگا ہوتے تک دیکھا اللہ اللہ۔الحفیظ و الاماں !!! اس کو بیان کریں تو قلم تھرا جائے زبان پھسل پڑے اور فصاحتیں اور بلاغتیں آن واحد میں گنگ ہوجائیں ۔

 

[زیک]

عربی کے زیرِ اثر موجودہ ہسپانوی زبان کا بننا اس سے ملتی جلتی مثال ہے ۔

دلچسپ موازنہ ہے۔ ادھر ولگر لاطینی ادھر پراکرت۔موقع ملے تو اس پر کچھ تفصیلی گفتگو ہونی چاہیئے