ہمارے ہاں ایک مثال ہے کہ "بھِڑِّن ڈاند، پٹیجن بوٹے" یعنی کہ جب بیل آپس میں لڑتے تو آس پاس کے پودوں کی خیر نہیں ہوتی انہیں اکھاڑ پھینکتے ہیں۔ انہوں نے بھی یہی وطیرہ بنا رکھا ہے یہ آپس میں لڑتے تو مرتی بے چاری غریب عوام ہی ہے۔ اور ہم سادہ مخلوق آوے ہی آوے اور جاوے ہی جاوے میں خوش ہوتے ہیں۔
لیکن بڑے دعووں کے ساتھ عمران خان کی حکومت ہوسکتا ہے پنجاب پر حکومت کرے
ہماری خدمت کون کرے گا یہ تو قابلِ غور سوال ضرور ہے۔ حکمرانی جو بھی کرے اس میں کیا فرق پڑنے والا ہے۔
آپ کی بات سے ایک بات یاد آگئی . کسی نے سُنائی تھی کہ ہمارا حکمران ایسا ہونا چاہیے ، جس نے کبھی جھوٹ نا بولا ہو اور کوئی نماز قضاء نا کی ہو ،ایماندار ہو، امانتدار ہو ۔اور بھی بہت باتیں بولیں تو اُن صاحب نے کہا کہ بھائی حکمران مانگو نبی اب نہیں آئے گا۔
لفظ سوچ کا آئینہ ہوتے ہیں۔ حکمران لفظ ہی جب طبیعت پر گراں ہو تو کیا اس کی خواہش کی جائے۔
حضرت علی رضی اللہ عنہ فرماتے ہیں کہ کفر کا نظام چل سکتا ہے ظلم کا نہیں۔۔
یہاں انصاف اب عدالتوں کے ہاتھ میں ہے اگر وہ انصاف کریں گی تو انصاف مل سکے گا ورنہ تو اللہ ہی رحم کرے
بالکل۔ حکمران بدلنے کے لئے اسے شہید کرنا لازم ہونا چاہیئے
آپ کی نہایت ہلکی اور بے ڈھنگی سوچ پر بے حد افسوس ہوا
میرے خیال میں خلیفہء دوم کو کسی حد تک موقع ملا کہ وہ کوئی نظام تشکیل دے سکتے تھے اور انہوں نے مقدور بھر کوشش بھی کی۔ دیگر خلفائے راشدین کی نیک نیتی میں مجھے کوئی کلام نہیں۔ تاہم زیک نے جس طرف اشارہ کیا ہے اس سے بے توجہی برتنا بھی مناسب نہیں۔ بلا شبہ یہ مسلمانوں کی تاریخ کا سیاہ باب ہے اور ان واقعات کا مطالعہ بغور کرنا چاہیے۔ آخر کوئی تو وجوہات رہی ہوں گی کہ پہلے چار خلفاء میں سے تین کو شہید کر دیا گیا۔
بات صرف خلفائے راشدین ہی پر نہیں رکتی، اس کے بعد بھی یہی کچھ ہوتا رہا۔ امویوں نے ہاشمیوں کے ساتھ جو کیا اور پھر عباسیوں نے امویوں کے ساتھ جو کیا اور عباسی خود ایک دوسرے پر چڑھائی کرتے رہے۔ اس کے بعد ترک، مغل، افغان جو ایک دوسرے کے ساتھ اور آپس میں قتل و غارت کرتے رہے ۔ اور صرف مسلمان ہی کیا، ہر جگہ سیاسی جوڑ توڑ اور قتل و غارت ایسے ہی ہوتی ہے۔
شہباز گِل نے جو بیان دیا ہے وہ پاکستان فوج کے پیشہ ورانہ معاملات میں براہ راست مداخلت ہے۔ دیگر سیاست دانوں، بشمول عمران خان اور نواز شریف وغیرہ نے ماضی میں فوج کے سیاسی رول پر تنقید کی ہے، یہ تنقید جائز تصور کر لی جاتی ہے مگر شہباز گِل کا معاملہ کچھ مختلف ہے۔ آرمی چیف نے اگر کسی کا تبادلہ پشاور سے بہاولپور کر دیا اور اس طرح کی کچھ پوسٹنگز کیں تو اس حوالے سے میڈیا پر آ کر یہ کہنا کہ احکامات نہ مانے جائیں وغیرہ تو ایسا نہیں ہونا چاہیے تھا۔ اسے فوج کے معاملات میں براہ راست مداخلت تصور کیا جاتا ہے کہ ایسے ڈسپلنڈ ادارے میں دراڑ ڈالنے کی کوشش کی جائے۔ اگر اس طرح کے بیانات ماضی میں کسی نے دیے ہیں تو اس کا احتساب بھی ہونا چاہیے۔ فوج پر جتنی مرضی تنقید کر لی جائے مگر ان کے پیشہ ورانہ معاملات پر کھلے عام تنقید کرنا اور ہائی رینک آفیسرز کو احکامات نہ ماننے پر اکسانا ایک جرم ہی تصور کیا جا سکتا ہے۔
یہ صرف ڈنڈے والوں کے ڈھکوسلے ہیں اورصرف ان کی مرضی ہوتی ہے کہ کس کو اندر کرنا ہے اور کس کو باہر، کس کی بات سے مورال ڈاؤن ہوتا ہے اور کس کی بات سے اَپ۔ باقی سب لغویات ہیں۔
اب سول لوگ ہی فوجی حکومت بنالیں تو کیا کرسکتے ہیں
یہ کیسا مذاق ہے