شکريہ راسخ
کيا آپ ہميں اس اردو پاور سے متعارف کر وا سکتے ہيں
ميرے پا پاور پيج کے نام سے ايک پرانا ان پيج ہے تو سہي ليکن اس ميں يہ فونٹ نہيں ہے
ان پیج کے شروع کے ورزن پاور پیج اور اردوپاور کے نام سےاب بھی چل رہے ہیں۔ ان میں سہولت یہ تھی کہ آپ اس کی UTF فائل کو کسی بھی فانٹ ایڈیٹر میں تبدیل کرکے اپنے نام سے محفوظ کرسکتے تھے جو کہ باآسانی ان پیج میں چل جاتی ہیں۔ طلعت فانٹ بھی شائد ایسا ہی کوئی فانٹ ہے۔
مجھے یاد ہے کہ اپنے فانٹ ڈیویلپمنٹ کے ابتدائی دور میں عربی کے فانٹ لے کر ان میں تبدیلیاں کرکے ان کو UTF بنا لیا کرتا تھااور اس وقت میرے پاس کمپیوٹر پر ان پیج کے ۷۰-۸۰ فانٹ چلتے تھے۔ جو دوست دیکھتا حیران رہ جاتا کہ یہ فانٹ کہاں سے آئے؟ ۔ ان میں سے نسخ فانٹ کو تبدیل کرکے میں نے پشتو کی سپورٹ بھی ڈالی تھی جو کہ آج تک بعض پشتو اخبارات اور رسائل میں استعمال ہورہی ہے۔
بعد میں ان پیج ۴ء۲ میں انہوں نے نئے فانٹس کی سپورٹ ختم کردی تھی اور صرف وہی فانٹ چلتے تھے جو ان پیج کے اپنے ہوں۔ لیکن پھر بھی نام تبدیل کئے بغیر ان میں تبدیلی لائی جاسکتی تھی ۔ اس میں ایک فانٹ "حیدر "کو تبدیل کرکے میں نے قرآن پاک کے لئے ایک فانٹ بھی بنایا تھا جس میں مجھے پورا قرآن پاک کمپوز کرنے کی سعادت بھی حاصل ہوئی تھی ۔ بعد میں ان پیج کی محدود کیریکٹر سپورٹ کی وجہ سےمجھےاس کو اوپن ٹائپ فانٹ میں تبدیل کرنا پڑا۔بہرحال اس کے ایک دو نمونے میرے پاس کمپیوٹر پر ابھی بھی موجود ہیں۔ جو کہ اپ لوڈ کررہا ہوں۔
میں دیکھتا ہوں کہ شائد یہ سارے فانٹ میرے پاس کمپیوٹر کے کسی پرانے بیک اپ میں موجود ہوں تو شیئرکرنے کی کوشش کرتا ہوں۔
نوٹ: مندرجہ بالا دونوں نمونوں میں صرف کمپیوٹر پر فانٹ کی شباہت کو دکھانا مقصود تھا اس لئے ممکن ہے کہ کسی حرف یا اعراب کی غلطی سہوا رہ گئی ہو۔ اگر ایسا ہے تو اپنے پروردگار سے اور آپ سے معافی کا طلبگار ہوں۔
اللہ تعالٰی ہمیں ایسی کسی خطا سے مھفوظ رکھے اور ہماری مغفرت فرمائے۔ آمین!
