بالکل درست نوٹ کیا اپ نے۔ مینہ کا تلفظ درست نہیں کیا گیا ہے ۔ میم پر کسرہ کے بجائے فتحہ پڑھنا چاہیئے۔
ذرا سپیکر والے آئیکون پر کلک کر کے سن کر بھی تو دیکھیں ۔
مینا بازار
اب کیا کسی سے عشق کا دعویٰ کرے کوئیمینا بازار
مجلس لغت والوں نے کچھ غلط العوام تلفظ غالبا عمدا شامل کیے ہیں ... وجہ تو اس کی وہی جانیں ... لیکن میرا مشاہدہ یہ ہے کہ کئی الفاظ کے درست اور غلط العام/عوام تلفظ دونوں دیے گئے ہیں
عاطف بھائی ، سن کر ہی جواب دیا تھا ۔ خاتون اس لفظ میں یا کو یائے معروف پڑھ رہی ہیں ۔ مینہ کو بروزن چِیں پڑھا ہے جبکہ یہاں آواز یائے معروف کی نہیں بلکہ یائے مجہول کے قریب کی ہے ۔
راحل بھائی ، ممکن ہے ایسا ہی ہو ۔ لیکن لفظ کے آگے یہ وضاحت تو کی جانی چاہیئے کہ یہ غلط العام ہے یا فصیح ۔ ورنہ لغت کا پھر کیا فائدہ۔ ایسے تو طالب علم کے گمراہ ہونے کا خدشہ ہے۔
آپ نے بھی دل پر لے لیا۔ نکل پڑے لغت ٹھیک کروانے۔
ماشاءاللہ ۔ آپ یہاں بھی خوش قسمت نکلے ۔ میں نے تو امجد علی چیمہ صاحب والے لنک -Urdu Lughat- کے سپیکر پر کلک کیا ۔ اس پر خاتون "می نا برسنا" کی تلاوت فرما رہی ہیں ۔ راحل بھائی والے لنک -Urdu Lughat- پر البتہ وہ ہے جو آپ نے سنا ۔
عاطف بھائی ، مجھے تو امجد علی چیمہ صاحب والے ربط پر بھی "مِیں" برسنا ہی سنائی دے رہا تھا ۔ اب آپ کے مراسلے کے بعد دوبارہ جاکر اس کی تحقیق کی تو معلوم ہوا کہ ڈیسک ٹاپ پر مینہ کی فہرست کا جو ربط کھلتا ہے اس کےشروع میں مینہ برسنا دو دفعہ لکھا ہوا ہے اور اس کے بعد مینہ کے دیگر محاورات لکھے ہوئے ہیں ۔ پہلے والے مینہ برسنا پر کلک کریں تو وہ "مِیں" برسنا والی قرأت پر لے جاتا ہے اور دوسرا والا "مینا " برسنا کی قرأت پر ۔ یعنی یہ تو انتہائی عجیب و غریب بات ہوگئی ۔ ایک ہی لفظ کے دو اس قدر مختلف تلفظات دیئے گئے ہیں اس لغت میں ۔ لغت بورڈ کی نا قص کارکردگی کا واضح ثبوت ہے یہ ۔
چلیے ، ایک بات تو پایہءثبوت کو پہنچی کہ آپ کا سر باؤنسر ز سے بچنا خوب جانتا ہے ۔ سر پُھڑوانا ہمارے حصے میں آیا ہے ۔
غلطی بی بی غلطی سے اردو لغت کے دربار میں جا گھسیں اور انہیں شدید ضرب سے ہمکنار کیا گیا۔