ساتویں سالگرہ اردو محفل (ایک نظم / ایک آپ بیتی) ۔ از ۔ محمد احمدؔ

[محمداحمد]

کمال ہے۔۔۔ بہت خوبصورت اور زبردست۔۔۔
آداب عرض ہے۔

بہت شکریہ محترم ۔۔۔۔!

یہ ہماری اور آپ کی محفل سے محبت ہے کہ ہم نے جو دل میں آیا لکھ دیا اور آپ کو بھی ہمارا لکھا پسند آیا۔

 

[انتہا]

اتنی بے ساختہ اور بہترین نظم، داد کا لفظ چھوٹا محسوس ہو رہا ہے، مگر کیا کریں اس کے علاوہ دوسرا جانتے نہیں، چناں چہ بندہ عاجز کا یہی قبول فرما لیجیے۔

 

[محمداحمد]

خدا کا کرنا ہوا کہ اک دن
اسی جہاں میں اک ایسا گوشہ نظر میں ٹھہرا
کہ نام جس کا تھا اردو محفل
یہ بزمِ خوش کن، نشاط آگیں،
سرورِ پیہم، ورودِ راحت
خیال و احساس، مہرو الفت کا آشیاں تھی
یہاں پہ سب میرے ہم زباں تھے
جہان بھر میں جہاں جہاں تھے
وہ سب یہاں تھے

واہ واہ ۔۔ کیا بات ہے ۔۔۔

ہمیشہ کی طرح زبردست انداز تحریر ۔۔ اور لاجواب تحریر ۔۔

بہت شکریہ سارہ خان

شاد آباد رہیے۔

 

[محمداحمد]

کیا بات ہے احمد بھائی ماشاءاللہ بہت خوب بہت اچھی نظم ہے اور بہت اچی آپ بیتی بھی

شکریہ خرم بھائی! یہ ہم سب کی مشترکہ آپ بیتی ہے۔

 

[محمداحمد]

کمال نظم کہی ہے احمد بھائی۔

بہت شکریہ ذیشان بھائی!

آپ کی محبت کے لئے ممنون ہوں۔

 

[محمداحمد]

واہ زبردست احمد، ہم سب کے سچے جذبات کا اظہاریہ ہے یہ تو!

بہت شکریہ۔۔۔! اعجاز صاحب، آپ کی داد میرے لئے بے حد اہم ہے۔

آپ کی محبت کے لئے بہت ممنون ہوں۔

 

[فرحت کیانی]

بہت خوب۔ بہت خوبصورت انداز میں قلم بند کیا ہے احمد۔

 

[نیرنگ خیال]

واہ۔۔ کیا ہی کمال نظم ہے۔ شاندار احمد بھائی۔۔۔

 

[محمداحمد]

واہ۔۔ کیا ہی کمال نظم ہے۔ شاندار احمد بھائی۔۔۔

بہت شکریہ ذوالقرنین بھائی ۔۔۔۔!

 

[گل بانو]

اردو محفل​

بہت سے غم تھے
بڑے الم تھے
میں ایسی دنیا میں تھا
کہ جس کا
حصار سارے جہاں میں پھیلا ہوا تھا لیکن
یہ ایسی دنیا تھی کہ جہاں پر
کوئی بھی سنتا نہیں تھا میری
یہاں کی بھاشا ہی اور کچھ تھی

یہاں میں لفظوں میں اپنے جذبے سمو نا چاہتا
تو ایسا لگتا کہ جیسے کوئی زمیں کی رنگت سے آسماں کی شبیہ بنائے
یا جیسے کوئی تمازتِ دشت سر پہ اوڑھے بہار وادی کے گیت گائے
اگرچہ یہ نخلِ نو بہاری
بہت حسیں تھا
مگر یہاں کے طیّور سارے
مری صدا سے نا آشنا تھے
یہاں میں اپنی شناخت کھو کر بھی اجنبی تھا
انہی میں رہ کر ،میں اُن سا ہو کر بھی اجنبی تھا
یہاں پہ یوں تو کسی بھی شےکی کمی نہیں تھی
بس ایک غم تھا کہ اس جہاں میں
مرا کوئی بھی نہ ہم زباں تھا
نہ میری اردو کی چاشنی تھی

مگر کہاں تک!
مگر کہاں تک کہ حبس بارش کا پیش خیمہ ہے
رات کے بعد پھر سویرا ہے
رنج کے بعد راحتیں ہیں

خدا کا کرنا ہوا کہ اک دن
اسی جہاں میں اک ایسا گوشہ نظر میں ٹھہرا
کہ نام جس کا تھا اردو محفل
یہ بزمِ خوش کن، نشاط آگیں،
سرورِ پیہم، ورودِ راحت
خیال و احساس، مہرو الفت کا آشیاں تھی
یہاں پہ سب میرے ہم زباں تھے
جہان بھر میں جہاں جہاں تھے
وہ سب یہاں تھے

یہاں بہت سے تھے میر و غالب کی چاہ والے
بہت سے مشتاق یوسفی کے سراہنے والے
ہزار فیض و فراز پر جاں لُٹانے والے
زبانِ اردو کی ہر ادا کو سراہنے والے

یہاں کا ہر شخص استعارہ تھا دوستی کا
یہاں کا ذرّہ بھی اک منارہ تھا روشنی کا
غرض یہاں جو ملا وہ زندہ تھا، زندہ دل تھا
یہیں پہ آکر مزہ ملا ہم کو زندگی کا

اب ایسی پیاری ، حسین محفل میں
آگئے ہیں تو کون جائے
سو ہم نے اس کو ہی دل کی دھڑکن بنا لیا ہے
جہان بھر پر محیط رنگوں کے اس جہاں میں
بس اردومحفل کو اپنا مسکن بنا لیا ہے

محمد احمدؔ​

واہ واہ ۔۔۔۔۔۔۔۔۔۔۔۔۔ دل چاہا کہ پسندیدگی کے سارے ایموشن استعمال کرلوں

 

[محمداحمد]

واہ واہ ۔۔۔۔۔۔۔۔۔۔۔۔۔ دل چاہا کہ پسندیدگی کے سارے ایموشن استعمال کرلوں

بہت شکریہ ۔۔۔!

 

[جاسمن]

حد ہوتی ہے بھئی، اب تک یہ نظم نظروں سے اوجھل کیسے رہی؟

یہی سوال میرا بھی ہے۔

 

[سیما علی]

اب ایسی پیاری ، حسین محفل میں
آگئے ہیں تو کون جائے
سو ہم نے اس کو ہی دل کی دھڑکن بنا لیا ہے
جہان بھر پر محیط رنگوں کے اس جہاں میں
بس اردومحفل کو اپنا مسکن بنا لیا ہے

واہ واہ کیا کہنے محمد احمد بھائی بہت لاجواب

 

[جاسمن]

خوبصورت، لاجواب، حسین، زبردست، کمال،ہمارے دل کی آواز۔۔۔۔۔ اور وغیرہ وغیرہ

 

[محمداحمد]

واہ واہ کیا کہنے محمد احمد بھائی بہت لاجواب

خوبصورت، لاجواب، حسین، زبردست، کمال،ہمارے دل کی آواز۔۔۔۔۔ اور وغیرہ وغیرہ

بہت بہت شکریہ!

بے حد ممنون ہوں۔

 

[لاريب اخلاص]

یہاں کا ہر شخص استعارہ تھا دوستی کا
یہاں کا ذرّہ بھی اک منارہ تھا روشنی کا
غرض یہاں جو ملا وہ زندہ تھا، زندہ دل تھا

خوب!

 

[لاريب اخلاص]

بہت ہی عمدہ نظم سر

 

[محمد عبدالرؤوف]

بہت خوب۔ زبردست 🌟🌟🌟🌟🌟

 

[محمداحمد]

خوب!

بہت ہی عمدہ نظم سر

بہت خوب۔ زبردست 🌟🌟🌟🌟🌟

بہت شکریہ !

ممنون ہوں۔

 

[محمد امین صدیق]

بہت ہی عمدہ احمد بھائی