اردو محفل سالانہ عالمی مشاعرہ ۲۰۲۱ء

[منہاج علی]

یکایک دل دھڑکانے سے پہلے
ذرا ٹہرو قریب آنے سے پہلے

بہت خوب منہاج میاں !! بہت اعلیٰ!

گلشنِ دہر سے خوشبو کی طرح گزرا میں
سب کو مہکایا مگر اپنی نمائش نہیں کی

کیا اچھا شعر ہے ! پوری غزل عنایت کیجئے گا !

جناب بہت شکریہ اس حوصلہ افزائی کے لیے۔
گلشنِ دہر سے خوشبو کی طرح گزرا میں
سب کو مہکایا مگر اپنی نمائش نہیں کی
یہ شعر واحد ہے۔ غزل نہیں کہہ سکا۔

آپ نے جو اوپر مطلع نقل کِیا ہے وہ اشرف علی صاحب کا ہے۔

 

[منہاج علی]

مجھے منہاج علی اور اشرف علی کی شمولیت اچھی لگی
نوجوانوں کو اس طرف راغب دیکھ کر خوشی ہوتی ہے

حوصلہ افزائی کا بہت شکریہ۔

 

[محمد عبدالرؤوف]

نہیں سمجھ پایا
سب باؤنس ہو رہا

اچھا ہے باؤنس ہونے دیں لیکن سر کو بچاتے رہیے گا

 

[سیما علی]

نہیں تھی دلکشی موسم میں کوئی
تِرے آنچل کے لہرانے سے پہلے

تِرا کیا حال تھا سچ سچ بتا اب
مِرے جانے کے بعد آنے سے پہلے

بہت عمدہ
جیتے رہیے !!!!!!!!!

 

[اشرف علی]

جی بھائی
اس عزت افزائی کا شکریہ

غزل

یکایک دل کو دھڑکانے سے پہلے
ذرا ٹھہرو ! قریب آنے سے پہلے

تھی جس کی چاہ مجھ کو زندگی بھر
اُسی کو کھو دیا پانے سے پہلے

نظر رکھنا ذرا چادر پہ یارو !
تم اپنے پاؤں پھیلانے سے پہلے

یہی بس آخری خواہش ہے میری
ہو اس کی دید مر جانے سے پہلے

بلاتے تھے تجھے کس نام سے سب ؟
'زمیں کا چاند' کہلانے سے پہلے

نہیں تھی دلکشی موسم میں کوئی
تِرے آنچل کے لہرانے سے پہلے

تِرا کیا حال تھا سچ سچ بتا اب
مِرے جانے کے بعد آنے سے پہلے

بہت رویا تھا وہ مجھ سے لپٹ کر
تعلق توڑ کر جانے سے پہلے

ہزاروں بار اشرف سوچ لینا
کسی سے عشق فرمانے سے پہلے

ممنون و مشکور ہوں محترم محمد عبدالرؤوف صاحب اور محترمہ سیما علی صاحبہ
اللّٰہ آپ دونوں کو خوش رکھے ، آمین _

 

[اشرف علی]

اچھا ہے باؤنس ہونے دیں لیکن سر کو بچاتے رہیے گا

ایک لے دے کے سر ہی بچا ہوا ہے

"دل نہیں ، تجھ کو دکھاتا ورنہ ، داغوں کی بہار"

 

[اشرف علی]

بہت عمدہ
جیتے رہیے !!!!!!!!!

بہت بہت شکریہ
جزاک اللّٰہ خیراً

 

[ظہیراحمدظہیر]

جناب بہت شکریہ اس حوصلہ افزائی کے لیے۔
گلشنِ دہر سے خوشبو کی طرح گزرا میں
سب کو مہکایا مگر اپنی نمائش نہیں کی
یہ شعر واحد ہے۔ غزل نہیں کہہ سکا۔

آپ نے جو اوپر مطلع نقل کِیا ہے وہ اشرف علی صاحب کا ہے۔

میں آپ سے اور اشرف علی صاحب سے انتہائی معذرت خواہ ہوں ۔ مجھے خود اپنا خطِ شکستہ پڑھنے میں دقت ہوئی اور اشعار خلط ملط ہوگئے ۔

 

[ظہیراحمدظہیر]

اللہ سے دعا ہے کہ اس کوزہ کو اتنا ظرف عطا کرے کہ وہ اپنی آوی اور عظیم کوزہ گروں کو کبھی بھلا نہ پائے۔ اللہ آپ کی زبان مبارک کرے۔ آمین

آوا تو سنتے آئے ہیں اور دیکھا بھی ہے لیکن یہ آوی کیا چیز ہے ؟ یہ آپ نےآوے کی تانیث کی ہے؟!

 

[عرفان علوی]

عاطف سعد 2 کیا آپ کچھ مدد کر سکتے ہیں۔ یعنی پریمیئر اور آفٹر ایفیکٹس وغیرہ سے اچھا سا کام کر سکیں ۔

صابرہ صاحبہ ، یہ کار خیر تو میں انجام دے سکتا ہوں . میں اِس کام میں طفل مکتب ہوں ، لیکن غیر ضروری ویڈیو نکالنا مشکل نہیں . میں اِس ہفتے كے آخر میں انشاء اللہ شروعاتی 25 منٹ کا ویڈیو نکال کر اور ٹائٹل پیج لگا کر نئی فائل بنا دونگا .

 

[عرفان علوی]

خموش آہ و فغاں کے نہیں ہیں ہم قائل
جو نالہ ہم نے کیا ہے فلک شگاف کیا

انھیں تھی کیسی عقیدت بھلا کسے معلوم
غموں نے دل کامسلسل مگرطواف کیا

بہت اعلیٰ عابد صاحب!!! بہت ہی خوب! کیا اچھے اشعار ہیں ! واہ!

آپ کے قطعے بھی پسند آئے ۔ حسبِ حال ہیں !

عاؔبد بھرم تو رکھنا ہے پندارِ عشق کا
دامن کے ساتھ لب بھی سئیے جا رہا ہوں میں

واہ وا! بہت اچھا! کیا تغزل ہے!

ظہیر صاحب ، آپ کی داد اِس بات کا ثبوت ہے کہ میری ناچیز کوشش کامیاب رہی . بہت نوازش ! مشاعرہ میں آپ کی کمی محسوس ہوئی . امید ہے اگلی نشست میں آپ كے كلام سے سرفراز ہونے کا موقع ضرور ملے گا .

 

[صابرہ امین]

صابرہ صاحبہ ، یہ کار خیر تو میں انجام دے سکتا ہوں . میں اِس کام میں طفل مکتب ہوں ، لیکن غیر ضروری ویڈیو نکالنا مشکل نہیں . میں اِس ہفتے كے آخر میں انشاء اللہ شروعاتی 25 منٹ کا ویڈیو نکال کر اور ٹائٹل پیج لگا کر نئی فائل بنا دونگا .

زبردست۔ پھر تو اچھا ہو جائے گا۔

 

[نور وجدان]

ابن سعید بھیا جب ورکنگ میں رہے، کسی لڑی میں ایسا نہیں ہوا.

 

[محمد احسن سمیع راحلؔ]

ویسے سر ویڈیو میں آپ کو ڈھونڈنے میں وقت نہیں لگے گا کیوں کہ کچھ شخصیات اپنی پہچان آپ ہوتے ہیں۔

جن کی کالی زلفیں ناگن بن کر پہرہ دے رہی تھیں، وہی ہمارے سید عاطف علی بھائی ہیں

 

[محمد عبدالرؤوف]

جن کی کالی زلفیں ناگن بن کر پہرہ دے رہی تھیں، وہی ہمارے سید عاطف علی بھائی ہیں

کو کو کورینا

 

[ظہیراحمدظہیر]

بہت شکریہ خواہرم، جزاک اللہ

سید عاطف علی بھائی تو شریک تھے، بلکہ ’’سخن پوائنٹ‘‘ پر ہماری جیبیں بھی خالی کر گئے! ظہیراحمدظہیر بھائی کو البتہ بندوق نہیں مل رہی تھی اس لیے وہ لوٹنے کے لیے نہ آ سکے

سخن پوائنٹ !
راحل بھائی ، بندوق بھی تھی اور کارتوس بھی لیکن بندوق کا لائسنس نہیں مل سکا۔ ورنہ لوٹ مار میں تھوڑا بہت حصہ تو میں بھی لے لیتا ۔ آخر کو ہم بھی "واں کے نکالے ہوئے تو ہیں "۔

 

[لاريب اخلاص]

بہت شکریہ پیاری لاريب اخلاص ۔ ۔ ۔ آپ کا حسن ظن ہے۔ سلامت رہیں۔

آپ کو اچانک دیکھ کے اچھا لگا بلکہ بہت اچھا لگا!
آپ ہو بہو اپنے لفظوں جیسی ہیں۔
لفظوں کے بھی چہرے ہوتے ہیں جو ہماری پہچان کروا دیتے ہیں۔

 

[نبیل]

محفل ادب کی افادیت اور معیار برقرار رکھنے کے لیے ضروری ہے کہ گفتگو موضوع سے متعلق رہے اور غیر متعلقہ گپ شپ سے گریز کیا جائے۔ اس زمرے کے ذمہ داران سے درخواست ہے کہ اس جانب توجہ دیں۔

 

[صابرہ امین]

آپ کو اچانک دیکھ کے اچھا لگا بلکہ بہت اچھا لگا!
آپ ہو بہو اپنے لفظوں جیسی ہیں۔
لفظوں کے بھی چہرے ہوتے ہیں جو ہماری پہچان کروا دیتے ہیں۔

بہت شکریہ پیاری، جزاک اللہ خیر۔ سلامت رہیں۔

 

[سید عاطف علی]

محفل ادب کی افادیت اور معیار برقرار رکھنے کے لیے ضروری ہے کہ گفتگو موضوع سے متعلق رہے اور غیر متعلقہ گپ شپ سے گریز کیا جائے۔ اس زمرے کے ذمہ داران سے درخواست ہے کہ اس جانب توجہ دیں۔

اردو محفل کی سولہ سالہ تاریخ میں اور سولہویں سالگرہ کے موقعے پر پہلی مرتبہ ایک آنلائن آڈیو وڈیو مشاعرہ منعقد ہوا ۔ یہ مشاعرہ محفلین شعراء کے لیے اپنی نوعیت کے پہلے مشاعرے کا تجربہ تھا ۔ اس کے انتظام اور انصرام میں اپنی مؤقّر محفل کے معروف شاعر محمّد احسن سمیع :راحل: بھائی نے کلیدی اور چیلنجنگ کردار ادا کیا اور منصۂ انٹرنیٹ پر زوم اور یو ٹیوب کے اشتراک سے مشاعرے کو کامیابی سے جاری بھی کیا ۔ اس سے قبل سالگرہوں کے مشاعرے محض عمومی دھاگوں کی شکل میں منعقد کیے گئے تھے جن میں کافی وقت لگتا تھا اور شعراء حضرات اپنے اپنے اوقات کے لحاظ سے کلام شریک کرتے تھے ۔ تاہم وقت کے ساتھ ساتھ آنلائن سرگرمیوں میں اضافہ ہوتا گیا اور گزشتہ سال کی وبائی صورت جو کل عالم پر مسلط ہوئی بلکہ تا حال جاری ہے، اس سے حاصل شدہ آنلائن تعلیمی اور عملی سرگرمیوں کے حوصلہ پاکر اس مشاعرے کا انعقاد عمل میں آیا ۔

اس کامیاب مشاعرے نے کامیابی سے ان تمام زنجیروں کو نہ صرف توڑا اور محفلین اور محفلین شعراء کو ایک چبوترے پر جمع کیا بلکہ مستقبل کے لیے ایسے سلسلے کے امکان کی داغ بیل بھی ڈال دی جس سے وقت پر ان شاء اللہ فائدہ اٹھایا جائے گا اور اردو محفل ترقی کی منازل کے میں اس کو اہم سنگ میل گردانا جائے گا ۔

اب کیونکہ پچھلے تمام مشاعرے لڑی کی صورت میں آویزاں کیے جاتے تھے تو اس کے لیے دیگر شریک شعراء (اورسامعین) کے لیے داد و تحسین کے غلغلوں اور ستائشوں کا سلسلہ دوسرے دھاگے کی صورت میں شروع کیا جاتا تھا جو اگر چہ مشاعرے کے دھاگے کی صورت میں تو متوازی ہوتا تھا لیکن ان غلغلوں کی صدائیں شعراء کے زبان و قلب کو گرمانے کے لیے لیے دوسری دھاگے ہی میں تڑپتی رہتی تھیں ۔ بنا بریں شعراء کو اپنا کلام چسپاں کے کے فوراََ میزبان اور سامعین کے تاثرات کے اشتیاق میں دونوں دھاگوں کے درمیان جستیں لگانی پڑتی تھیں ۔

اس مرتبہ کا آنلائن مشاعرہ کیوں کہ دھاگے کے لحاظ سے افتتاحی مراسلے اور آنلائن میٹنگ روم کے ربط کی شکل میں ایک ہی لڑی کی ایک دو مراسلوں میں مکمل ہو گیا تھا سو اسی لڑی کو سامعین کے تبصروں کے لیے جاری رکھ دیا گیا ۔ اس کامیاب مشاعرے کے پس منظر میں جاری تبصرہ جات اور سامعین محفلین کی گرمجوشی کے سلسلے نے نہ مشاعرے کو نہ صرف چار چاند لگائے بلکہ اسے ایک اولین یاد گار بنانے میں کسر نہ چھوڑی ۔ پس منظر کے اس اس سلسلے میں محفلین ممبر گُلِ یاسمیں کا کردار اسی طرح نمایاں اور درخشاں رہا جو مشاعرے کے انعقاد اور انتظام میں محمّد احسن سمیع :راحل: نے انتہائی خوش اسلوبی سے انجام دیا ۔ گل یاسمیں شعراء کے کلام کے نشر ہوتے ہوتے ہی اپنے برق رفتار ٹائپنگ کے جواہر بکھیرتی رہیں اور شعراء کا کلام ساتھ ساتھ ہی ٹیکسٹ میں بھی پیش کرتی رہیں اس طرح ایک طرف جاری مشاعرے کی میٹنگ کے احوال کا سماں باندھے رکھا ۔ دیگر سامعین نے بھی ان کا خوب ساتھ دیا ۔

تاہم برادر نبیل کے مقتبس بالا مراسلے کے ضمن میں ایک لڑی مشاعرے سے متعلق گپ شپ کی بنادی گئی ہے جس میں مشاعرے کے حوالے سے متعلقہ گپ شپ اور گفتگو جاری رکھی جا سکتی ہے تاہم اس لڑی کو محض مشاعرے کے خاص ایونٹ اور اس سے متعلقہ تجاویز یا مشوروں کے لیے مخصوص موضوع تک محدود رکھنے کی درخواست اور تعاون کی امید جاتی ہے ۔