اشعار - حروف تہجی کے لحاظ سے

[سیما علی]

عدو کے سامنے ہتھیار ڈالنے والا
کوئی فراز سا کافر نہیں تھا غازی تھا


اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ہ ھ ء ی ے

 

[سیما علی]

غزالاں تم تو واقف ہو کہو مجنوں کے مرنے کی
دوانہ مر گیا آخر کو ویرانے پہ کیا گزری

 

[سیما علی]

فاصلہ نظروں کا دھوکہ بھی تو ہو سکتا ہے
وہ ملے یا نہ ملے ہاتھ بڑھا کر دیکھو
ندا فاضلی

 

[سیما علی]

قاتل اگر نہ شوخ ہو خنجر اگر نہ تیز
رگ رگ میں بے قرار ہمارا لہو نہ ہو
داغ دہلوی

 

[سیما علی]

کرتی ہے ملوکیت آثار جنوں پیدا
اللہ کے نشتر ہیں تیمور ہو یا چنگیز
علامہ محمد اقبال
بال جبریل سے انتخاب

 

[سیما علی]

گل و گلچیں کا گلہ بلبل خوش لہجہ نہ کر
تو گرفتار ہوئی اپنی صدا کے باعث
الطاف حسین حالی

 

[سیما علی]

1-لاکھ چاہا ہم نے اس کو بھول جائیں پر قتیل
حوصلے اپنی جگہ ہیں، بے بسی اپنی جگہ

2-لوگوں نے اس کو میری محبت سمجھ لیا
محسن وہ مجھ کو جان سے پیارا تھا اور بس
اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ہ ھ ء ی ے

 

[سیما علی]

میں یہاں آخری مسافر ہوں
اک نظر دیکھ لوں سرائے کو

 

[سیما علی]

نامے پڑھ پڑھ کے جب آیا اسے نامے پڑھنا
اس کے نزدیک مری ڈاک جوابی نہ رہی

 

[سیما علی]

ہمیں تو اپنے سمندر کی ریت کافی ہے
تو اپنے چشمۂ بے فیض کو سنبھال کے رکھ
✒️ افتخار عارف

 

[سیما علی]

وہ وقت بھی کہیں آتا کہ عرضِ حال کے بعد
تِری جَفا پر تُجھے شرمسار ہَم کرتے

مولانا حسرت موہانی

 

[سیما علی]

ہم اے سیمابؔ وہ مسند نشین ملک معنی ہیں
ہمارا ذکر ہوتا ہے ادب سے بادشاہوں میں

اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ہ ھ ء ی ے

اشعار - حروف تہجی کے لحاظ سے​

 

[قمر رضوان قمر]

ہر تمنا دل سے رخصت ہو گئ
اب تو آجا اب تو خلوت ہو گئ
عزیز الحسن مجذوب

 

[سیما علی]

یہ آخری چراغ اسی کو بجھانے دو
اس بستی میں وہ سب سے زیادہ حسین ہے
بشیر بدر​

اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ہ ھ ء ی ے

اشعار - حروف تہجی کے لحاظ سے​

 

[سیما علی]

اے طائر لاہوتی اس رزق سے موت اچھی
جس رزق سے آتی ہو پرواز میں کوتاہی