محمد سعد
محفلین
ایک ریسرچ پیپر جو نسبتاً آسانی سے مل گیا۔ اس سے کچھ اشارہ مل جائے گا۔
Religion and the public ethics of stem-cell research: Attitudes in Europe, Canada and the United States
اعضا عطیہ کرنے میں مسلمانوں کی پریشانیاں!
- صاحب لڑی arifkarim
- تاریخ ابتداء
Religion and the public ethics of stem-cell research: Attitudes in Europe, Canada and the United States
محمد سعد
محفلین
ایک تھوڑا سا غیر متعلقہ نکتہ، جو چونکہ اوپر نقل کی گئی خبر میں آ گیا تو تذکرہ کر دیتا ہوں۔
کینسر کے خلیات خود اپنے ڈی این اے کو نقصان پہنچنے کی وجہ سے بغیر کنٹرول کے پھیلتے جاتے ہیں۔ یہ کسی اور خلیے میں اپنا ڈی این اے داخل نہیں کرتے، وہ کام وائرس کا ہوتا ہے۔ زیادہ درست الفاظ میں کینسر زدہ خلیات، پیوند کردہ عضو سے نکل کر باقی جسم میں پھیل گئے۔ ایسی صورت حال میں وہ دوسرے اعضاء میں جا کر اکٹھے ہو جاتے ہیں اور انہیں اپنا کام کرنے سے روکتے ہیں جو آگے چل کر موت کا سبب بن سکتا ہے۔
ربیع م
محفلین
OIC کے تحت مجمع الفقہ الاسلامی کی جانب سے جاری کردہ فتویٰ کا خلاصہ
حكم التبرع بالأعضاء - islamqa.info
جاسم محمد
محفلین
یہ عربی میں ہے۔ ترجمہ؟
ربیع م
محفلین
خلاصہ یہ کہ جواز کا فتویٰ ہے.
ربیع م
محفلین
جاسم محمد
محفلین
اسلام سوال و جواب ویب سائٹ کا نیا ورژن استعمال کریں۔
- الفقه وأصوله » فقہ » عادات » طب اور ادویات.
enarfrid
2117: عضو بندی((transplantationکا حکم
سوال: کیا ہم جسمانی اعضا کسی کو عطیہ یا کسی سے عطیہ کے طور پر لے سکتے ہیں؟ کیونکہ مجھے قرآن مجید میں واضح طور پر عضو بندی کے بارے میں کوئی ممانعت نظر نہیں آئی۔
Published Date: 2015-04-05
الحمد للہ:
اس موضوع کے بارے میں تحقیق کی ذمہ داری اسلامی فقہ اکیڈمی کی جانب سے اٹھائی گئی تھی، اور انہوں نے اس بارے میں درج ذیل فتوی صادر کیا:
1- ایک انسان کے جسم میں ایک جگہ سے دوسری جگہ اعضاء منتقل کرنا جائز ہے، تاہم اس بات کو یقینی بنانا ضروری ہے کہ اس عمل سے ہونے والا متوقع فائدہ ، حاصل شدہ نقصان سے زیادہ ہوگا، اس میں یہ بھی شرط ہے کہ یہ عمل ضائع شدہ عضو کی باز پیدائش ، یاکسی عضو کی اپنی اصلی حالت واپس لانے ، یا اس کی اصلی کارکردگی دوبارہ واپس لانے کیلئے، یا عیوب کے خاتمے کیلئے ہو، یا پھرایسی بدصورتی زائل کرنے کیلئے جس کی وجہ سے انسان کو نفسیاتی یا جسمانی تکلیف کا سامنا کرنا پڑے۔
2- ایک انسان کے جسم سے دوسرے انسان کے جسم میں اعضاء منتقل کرنا جائز ہے، بشرطیکہ یہ عضو اپنی افزائش میں خود کار ہو، جیسے خون اور جِلد اپنی بڑھوتری میں مستقل ہوں، یہاں اس بات کو بھی یقینی بنایا جائے کہ عطیہ کرنے والا شخص مکمل ہوش و حواس کا حامل اور کامل صلاحیت رکھتا ہو، اور اس بارے میں معتبر شرعی اصول و ضوابط اور شرائط مکمل ہوں۔
3- بیماری کی وجہ سے کسی شخص کے اعضاء جسم سے الگ کر دیے جائیں تو جد اہونے والے ان اعضاء کے کسی حصے کو کسی دوسرے شخص کیلئے استعمال کیا جاسکتا ہے، مثلاً: کسی انسان کی آنکھ بیماری کے باعث نکال دی جائے تو اس آنکھ میں سے پتلی نکال کر کسی کو لگانا۔
4- ایسے اعضاء کی منتقلی حرام ہے، جن پر زندگی کا دارو مدار ہے، مثلاً: زندہ انسان کے دل کو کسی دوسرے انسان کے جسم میں منتقل کرنا۔
5- کسی انسان کے جسم سے ایسے اعضاء کو منتقل کرنا حرام ہے، جس کی وجہ سے انسانی زندگی کا اہم جزء معطل ہو جائے، اگرچہ اس عضو کے منتقل ہونے کی وجہ سے زندگی ختم نہ بھی ہو، مثلاً: دونوں آنکھوں کی پتلیاں منتقل کرنا، تاہم ایسے اعضا کو منتقل کرنا جن کی وجہ انسانی زندگی کا ایک اہم جز و مکمل طور پر معطل نہ ہو، بلکہ جزوی طور پر متاثر ہو تو یہ بات ابھی تک تحقیق کی محتاج ہے، جیسے کہ اس کا ذکر آٹھویں شق میں آئے گا۔
6- مردہ شخص کے ایسے عضو کو زندہ شخص میں منتقل کرنا جائز ہے، جس پر زندگی کا دارو مدار ہوتا ہے، یا ایسے عضو کو منتقل کرنا بھی جائز ہے جو انسانی زندگی کا اہم کردار ادا کرتا ہے، بشرطیکہ میت اپنی زندگی میں اجازت دے دے، یا پھر مرنے کے بعد اس کے ورثاء اجازت دے دیں، یا پھر لا وارث اور نا قابل شناخت میت ہو تو مسلم حکمران اعضاء منتقل کرنے کی اجازت دے دے۔
7- یہ بات ملحوظ خاطر رہے کہ جن اعضاء کی منتقلی کے جواز کے بارے میں اوپر بیان ہوا ہے، اس صورت میں ہے جب اعضاء کو فروخت نہ کیا گیا ہو، کیونکہ انسانی اعضاء کو کسی بھی صورت میں فروخت کرنا جائز نہیں ہے۔
البتہ اعضاء کا عطیہ لینے کا خواہش مند شخص مطلوبہ عضو کے حصول کیلئے حوصلہ افزائی اور احترام کرے ہوئے کچھ خرچ کر ے تو یہ اجتہادی مسئلہ ہے۔
8- مندرجہ بالا بیان شدہ حالات کے علاوہ دیگر صورتیں جو بنیادی طور پر اسی موضوع سے تعلق رکھتی ہیں، ان کے بارے میں مزید تحقیق و تمحیص کی ضرورت ہے، اور انہیں بحث و تمحیص کے دائرے میں لانا ضروری ہے۔۔۔ اس کیلئے طبی آراء اور شرعی احکام سے مدد لینا ہوگی۔
مزید کیلئے سوال نمبر: 2141، 2159، اور 424 کا مطالعہ کریں۔
واللہ اعلم.
محمد خرم یاسین
محفلین
اور شاہ جی یہ کہاں کا انصاف ہے کہ جو دے رہے ہیں ان پر فتویٰ لگا دیا جائے ؟