امیرِ شہر، غریبِ شہر، حاکمِ شہر

[جاسمن]

امیرِ شہر نے الزام دھر دیئے ورنہ
غریبِ شہر کچھ اِتنا گناہگار نہ تھا

محسن نقوی

 

[حسن محمود جماعتی]

غریب شہر ترستا ہے اک نوالے کو
امیر شہر کے کتے بھی راج کرتے ہیں

نامعلوم

 

[حسن محمود جماعتی]

اک سوچ لے کے اس کے مقابل جو آ گیا
نا گاہ امیر شہر نے شمشیر کھینچ لی​

 

[عمران شناور]

غریبِ شہر تو فاقوں سے مر گیا عارف​

امیرِ شہر نے ہیرے سے خود کشی کر لی

عارف شفیق​

 

[محمد فائق]

روٹی امیر شہر کے کتوں نے چھین لی
فاقہ غریب شہر کے بچوں میں بٹ گیا

 

[محمداحمد]

گندم امیرِ شہر کی ہوتی رہی خراب
بیٹی غریبِ شہر کی فاقوں سے مرگئی

سرگوشی

اس قبیل کے زیادہ تر شعر اسی قسم کے ہیں، طبقاتی تفاوت سے بھرپور!

 

[محمد فائق]

گندم امیرِ شہر کی ہوتی رہی خراب
بیٹی غریبِ شہر کی فاقوں سے مرگئی

سرگوشی

اس قبیل کے زیادہ تر شعر اسی قسم کے ہیں، طبقاتی تفاوت سے بھرپور!

گندم امیر شہر کی ہوتی رہی خراب
بیٹی کسی غریب کی فاقوں سے مرگئ
اک جگہ یہ شعر ایسے لکھا ہوا تھا
درست کون سا ہے؟

 

[محمداحمد]

گندم امیر شہر کی ہوتی رہی خراب
بیٹی کسی غریب کی فاقوں سے مرگئ
اک جگہ یہ شعر ایسے لکھا ہوا تھا
درست کون سا ہے؟

یہ تو ہمیں نہیں پتہ۔

ہم نے کسی مستند جگہ سے نہیں پڑھا یہ شعر۔ یہ بھی ممکن ہے کہ ہماری یادداشت میں رہ کر اس شعر کی شکل بدل گئی ہو۔

 

[جاسمن]

فقیر جھولی کی کلیاں لٹانے آیا ہے
امیرِ شہر کو ڈر ہے نہ جانے کیا مانگے
اعجاز عبید

 

[نیرنگ خیال]

عجیب وضع سے بے اعتباریاں پھیلیں
غریب شہر کی دستک پہ کوئی در نہ کھلا

اسلم کولسری

 

[جاسمن]

عجیب وضع سے بے اعتباریاں پھیلیں
غریب شہر کی دستک پہ کوئی در نہ کھلا

اسلم کولسری

بہت خوب!

 

[نیرنگ خیال]

تم سُن کے کیا کرو گے کہانی غریب کی
جوسب کی سُن رہا ہے، کہیں گے اُسی سے ہم

بسمل عظیم آبادی

 

[حسن محمود جماعتی]

رونے والوں سے کہہ دو ان کا بھی رونا رو لیں
جنہیں تنگئی حالات نے رونے نہ دیا

 

[غدیر زھرا]

غریبِ شہر کسی سایۂ شجر میں نہ بیٹھ
کہ اپنی چھاؤں میں خود جل رہے ہیں سرو و سمن

امیرِ شہر غریبوں کو لُوٹ لیتا ہے
کبھی بہ حیلۂ مذہب کبھی بنامِ وطن

(احمد فراز)

 

[فہد اشرف]

بڑے سلیقے سے نوٹوں میں اس کو تلوا کر
امیر شہر سے اب انتقام لینا ہے
بشیر بدر

 

[غدیر زھرا]

غریبِ شہر نے رکھی ہے آبرو ورنہ
امیرِ شہر تو اردو زبان بھول گیا

(ہاشم رضا جلالپوری)

 

[فہد اشرف]

امیر شہر تری طرح قیمتی پوشاک
مری گلی میں بھکاری پہن کے آتے ہیں
راحت اندوری

 

[غدیر زھرا]

امیرِ شہر کی صحبت کے فیض سے اختر
جنابِ شیخ اب اونچی ہوا میں رہتے ہیں

(اختر ضیائی)

 

[غدیر زھرا]

امیرِ شہر کی موٹی سمجھ میں کیا آتے
ضمیرِ دہر کے نازک معاملے ہم لوگ

(خورشید رضوی)

 

[غدیر زھرا]

وہی نہ ہو کہ یہ سب لوگ سانس لینے لگیں
امیرِ شہر کوئی اور خوف طاری کر

(ادریس بابر)