امیرِ شہر، غریبِ شہر، حاکمِ شہر

[محمداحمد]

امیرِ شہر کو ضد ہے کہ شامِ غُربت میں
غریبِ شہر کی کُٹیا میں چاندنی بھی نہ ہو

(شاعر نامعلوم: یہ شعر میرے والد مرحوم کی ڈائری میں 22 فروری 1981 کو تحریر کیا گیا)

بہت خوب ہے۔

 

[محمد عدنان اکبری نقیبی]

آیا ہے اک راہ نما کے استقبال کو اک بچہ
پیٹ ہے خالی آنکھ میں حسرت ہاتھوں میں گلدستہ ہے
غلام محمد قاصر

 

[محمد عدنان اکبری نقیبی]

بے زری فاقہ کشی مفلسی بے سامانی
ہم فقیروں کے بھی ہاں کچھ نہیں اور سب کچھ ہے

نظیراکبرآبادی

 

[محمد عدنان اکبری نقیبی]

دوشالہ شال کشمیری امیروں کو مبارک ہو
گلیم کہنہ میں جاڑا فقیروں کا بسر ہوگا

آغااکبرآبادی

 

[محمد عدنان اکبری نقیبی]

غم کی دنیا رہے آباد شکیل
مفلسی میں کوئی جاگیر تو ہے

شکیل بدایونی

 

[محمد عدنان اکبری نقیبی]

غربت کی تیز آگ پہ اکثر پکائی بھوک
خوش حالیوں کے شہر میں کیا کچھ نہیں کیا

اقبال ساجد

 

[زیرک]

فقیہِ شہر سے انصاف کون مانگے گا
فقیہِ شہر تو سر کاٹنے کو آتا ہے
باقی احمد پوری

 

[زیرک]

ہمارے ووٹ کو عزت ملی تو دیکھا گیا
امیرِ شہر کے پلّے رہا نہیں کچھ بھی
زبیر قیصر

 

[زیرک]

امیرِ شہر نے کچرے کا ڈھیر پھینکا ہے
غریبِ شہر ابھی روٹیاں نکالے گا​

 

[عبدالرحمن آزاد]

گندم امیر شہر کی ہوتی رہی خراب
بیٹی کسی غریب کی فاقوں سے مرگئ
اک جگہ یہ شعر ایسے لکھا ہوا تھا
درست کون سا ہے؟

بیٹی کسی غریب کی فاقوں سے مرگٸ

 

[عبدالرحمن آزاد]

ہمارے عہد میں شاعر کے نرخ کیوں نہ بڑھیں
امیر شہر کو لاحق ہوٸی سخن فہمی
بہادر شاہ ظفر

 

[عبدالرحمن آزاد]

امیر شہر کو خبر نہیں ہوتی
عید گھر گھر نہیں ہوتی

 

[عبدالرحمن آزاد]

امیر شہر نے کاغذ کی کشتیاں دے کر
سمندروں کے سفر پر روانہ کیا ہمیں

 

[زیرک]

روٹی امیر شہر کے کتوں نے چھین لی
فاقہ غریب شہر کے بچوں میں بٹ گیا

 

[زیرک]

امیرِ شہر نے یوں کی ہمارے سر کی فرمائش
یہ مقتلہے یہاں شانوں پہ سر اچھے نہیں لگتے​

 

[زیرک]

امیر شہر سے میری لڑائی کا سبب یہ ہے
میں وہ سر بناتا ہوں جنہیں جھکنا نہیں آتا​

 

[زیرک]

امیرِ شہر نے منصف کو یہ پیغام بھیجا ہے
جو سر شانوں سے اونچا ہو اسے کٹوا دیا جائے​

 

[زیرک]

غم نہیں کہ نگاہِ امیرِ شہر میں سزاوار ٹھہرا
خوش ہوں کہ صدائے حق مرا معیار ٹھہرا​

 

[زیرک]

فقیرِ شہر کے تن پر لباس باقی ہے
امیرِ شہر کے ارماں ابھی کہاں نکلے​

 

[زیرک]

امیر شہر بہت ناسپاس ہے ترا شہر
ہوا ہے جشن تو چہرے اتر گئے ہیں یہاں​