نوید صادق
محفلین
ورقِ سنگ- رام ریاض
وہ لوگ اب وہ لوگ نہ جانے کدھر گئے
میلے بھرے بھرائے جو سنسان کر گئے
کچھ ساتھیوں کو وقت کا سنسار لے گیا
کچھ زندگی کے بوجھ تلے آ کے مر گئے
آنکھوں میں ایک بوند بھی پانی نہیں رہا
بادل سمٹ گئے ہیں کہ دریا اتر گئے؟
ایسے بھی رام ہم کو کئی ہم سفر ملے
جو ساتھ چھوڑ کر بڑا احسان کر گئے
وہ لوگ اب وہ لوگ نہ جانے کدھر گئے
میلے بھرے بھرائے جو سنسان کر گئے
کچھ ساتھیوں کو وقت کا سنسار لے گیا
کچھ زندگی کے بوجھ تلے آ کے مر گئے
آنکھوں میں ایک بوند بھی پانی نہیں رہا
بادل سمٹ گئے ہیں کہ دریا اتر گئے؟
ایسے بھی رام ہم کو کئی ہم سفر ملے
جو ساتھ چھوڑ کر بڑا احسان کر گئے
نوید صادق
محفلین
ورقِ سنگ- رام ریاض
بات آئی گئی، ہٹو بابا
اب مری راہ چھوڑ دو بابا
تم نے آنکھوں کی روشنی دے دی
رہتی دنیا تلک جیو بابا
اس جگہ خیر کا رواج نہیں
اپنا دامن سمیٹ لو بابا
یہ زمانہ ہُوا کنویں کی صدا
جو کہا ہے، وہی سنو بابا
چل رہی ہے بہت لطیف ہوا
ذرا آہستہ سانس لو بابا
جانے کس وقت موت آ جائے
عمر بھر جاگتے رہو بابا
بات آئی گئی، ہٹو بابا
اب مری راہ چھوڑ دو بابا
تم نے آنکھوں کی روشنی دے دی
رہتی دنیا تلک جیو بابا
اس جگہ خیر کا رواج نہیں
اپنا دامن سمیٹ لو بابا
یہ زمانہ ہُوا کنویں کی صدا
جو کہا ہے، وہی سنو بابا
چل رہی ہے بہت لطیف ہوا
ذرا آہستہ سانس لو بابا
جانے کس وقت موت آ جائے
عمر بھر جاگتے رہو بابا
نوید صادق
محفلین
ورقِ سنگ- رام ریاض
دیکھیں اس کالے صحرا میں ساتھی کوئی ہمارا ہو
اک آواز سی کان پڑی ہے جیسے کوئی پکارا ہو
ہم بھی کبھی دریا تھے اب تو دریا دیکھنے والے ہیں
سیلِ وقت کے ہاتھوں جب سے بیٹھ گئے ہیں کنارا ہو
روز یہی رونا ہے کس کے ساتھ گزاریں دن اور رات
سارے ہمارے دشمن ٹھہرے سورج ہو کہ ستارا ہو
دیکھیں اس کالے صحرا میں ساتھی کوئی ہمارا ہو
اک آواز سی کان پڑی ہے جیسے کوئی پکارا ہو
ہم بھی کبھی دریا تھے اب تو دریا دیکھنے والے ہیں
سیلِ وقت کے ہاتھوں جب سے بیٹھ گئے ہیں کنارا ہو
روز یہی رونا ہے کس کے ساتھ گزاریں دن اور رات
سارے ہمارے دشمن ٹھہرے سورج ہو کہ ستارا ہو