انور مسعود انور مسعود کے قطعات.......

[فاروقی]

چاند کو ہاتھ لگا آئے اہل ہمت
ان کو یہ دھن ہے کہ اب جانب مریخ بڑھیں
ایک ہم ہیں کہ دکھائی نہ دیا چاند ہمیں
ہم اسی سوچ میں ہیں عید پڑھیں یا نہ پڑھیں

بھینس رکھنے کا تکلف ہم سے ہو سکتا نہیں
ہم نے سوکھے دودھ کا ڈبا جو ہے رکھا ہوا
گھر میں رکھیں غیر محرم کو ملازم کس لیئے
کام کرنے کے لیئے ابا جو ہے رکھا ہوا​

باقی موقع ملتے ہی پیش کروں گا

 

[پیاسا]

واہ واہ بہت خوب بھئی

 

[مکی]

یہ قطعات ان کی کتاب قطعہ کلامی کے ہیں..

 

[شہزاد وحید]

انور مسعود میرے پسندیدہ میں سے ایک ہیں۔

 

[فرحان دانش]

انور مسعود میرے پسندیدہ میں سے ایک ہیں۔

 

[ابو کاشان]

انور مسعود میرے پسندیدہ شعراء میں سے ایک ہیں۔

 

[فاروقی]

اچھا تو پھر اور لیجیئے......

ذرا سا سونگھ لینے سے بھی انور
طبعیت سخت متلانے لگی ہے
مہذب اسقدر میں ہو گیا ہوں
کہ دیسی گھی سے بھی بو آنے لگی ہے

 

[محمداحمد]

بہت خوب جناب !

 

[فاروقی]

استاد نے شاگرد سے اک روز یہ پوچھا
ہے جمعہ المبارک کی فضیلت کا تجھے علم
کہنے لگا شاگرد کے معلوم ہے مجھ کو
ریلیز اسی روز تو ہوتی ہے نئی فلم

 

[فاروقی]

گزرا ہوں اس گلی سے تو پھر یاد آگیا
اس کا وہ التفات عجب التفات تھا
رنگین ہو گیا تھا بہت ہی معاملہ
پھینکا جب اس نے پھول تو گملا بھی ساتھ تھا

 

[محمد کاشف صدیقی]

واہ واہ بہت خوب۔

 

[فاروقی]

شکریہ شکریہ قدر دان ......نگاہ شناس رکھنے والے دوست تیرا شکریہ

 

[tariqak]

بہت عمدہ میرے پسندیدہ شعرا میں سے ایک

 

[محمد ریحان قریشی]

چاند کو ہاتھ لگا آئے اہل ہمت
ان کو یہ دھن ہے کہ اب جانب مریخ بڑھیں
ایک ہم ہیں کہ دکھائی نہ دیا چاند ہمیں
ہم اسی سوچ میں ہیں عید پڑھیں یا نہ پڑھیں

یہ قطعہ ہمارے نصاب میں بھی یوں ہی شامل ہے۔ دوسرا مصرع بحر سے خارج ہے۔ گمان یہی ہے کہ سہوِ کاتب ہوگا مگر ان الفاظ کی نشست بدلنے سے کوئی خاطر خواہ فائدہ نہیں ہو رہا۔

 

[محمد وارث]

یہ قطعہ ہمارے نصاب میں بھی یوں ہی شامل ہے۔ دوسرا مصرع بحر سے خارج ہے۔ گمان یہی ہے کہ سہوِ کاتب ہوگا مگر ان الفاظ کی نشست بدلنے سے کوئی خاطر خواہ فائدہ نہیں ہو رہا۔

مریخ کو مر ریخ باندھا ہے بر وزنِ مفعول۔

 

[ادب دوست]

مریخ کو مر ریخ باندھا ہے بر وزنِ مفعول۔

ہم تو مرّیخ ہی کہتے سنتے آئے ہیں
مر+ر+یخ

 

[محمد وارث]

ہم تو مرّیخ ہی کہتے سنتے آئے ہیں
مر+ر+یخ

آپ نے درست فرمایا، اس کا صحیح تلفظ رے کی تشدید کے ساتھ ہی ہے۔

 

[محمد ریحان قریشی]

ہم تو مرّیخ ہی کہتے سنتے آئے ہیں
مر+ر+یخ

عام بول چال میں، میں نے تو مریخ ہی سنا ہے۔ شاعری میں اس سے پہلے مستعمل نہیں دیکھا تھا اس لیے غلط فہمی ہوئی۔

 

[محمد تابش صدیقی]

عام بول چال میں، میں نے تو مریخ ہی سنا ہے۔ شاعری میں اس سے پہلے مستعمل نہیں دیکھا تھا اس لیے غلط فہمی ہوئی۔

فرہنگِ آصفیہ میں مرّیخ (مر+ر+یخ)ہی ہے۔

 

[محمد یعقوب آسی]

انور مسعود کی فارسی شاعری ۔ کسی ویب سائٹ میں یک جا؟ کسی دوست کے علم میں ہو!؟
محمد تابش صدیقی ، فلک شیر