وعلیکم السلام غزل سس۔
جی واقعی۔ آپ سے تو بہت کم بات ہو پاتی ہے۔ مجھے سچ میں آپ کو یہاں دیکھ کر بہت خوشی ہوئی اور آپ کی پوسٹ کر بہت زیادہ اچھا لگا۔ بہت بہت شکریہ کہ آپ نے اتنا وقت نکالا ۔
میرے ابا جان کی پوسٹنگ رہی ہے نوشہرہ۔ ہم ان کے ساتھ وہاں منتقل تو نہیں ہوئے تھے لیکن چھٹیوں میں اور ویسے گھومنے بھی جاتے تھے۔ پھر اس کے بعد میں جانا ہوا۔
ایک تو وہاں کے لوگ مجھے بہت ملنسار لگے۔ پھر دریائے کابل کی وجہ سے نوشہرہ بہت اچھا لگتا ہے۔ کئی بار آرمڈ میس رکنا ہوا تو میں ساری شام دریا کے کنارے بیٹھ کر گزار دیتی تھی۔ ابھی 2011ء میں بھی جانا ہوا تھا تو وہاں سیلاب کے اثرات دیکھ کر دل بہت اداس ہوا تھا۔
اور نوشہرہ مجھے رشاکئی کی وجہ سے بھی بہت پسند ہے۔ شاپنگ کے لئے بہترین جگہ
سب سے بڑی بات کہ نوشہرہ کو گلابوں کا شہر جو کہا جاتا ہے۔ میں اتنے خوبصورت ، بڑے اور مختلف اقسام کے گلاب نوشہرہ کے علاوہ پاکستان کے کسی شہر میں نہیں دیکھے۔
اور ایک اور بات یاد آئی۔ میرے ابو جب نوشہرہ سے گھر آتے تھے تو میوے والا گُڑ خاص طور پر لایا کرتے تھے۔ اب بھی جب میں میوے والا گُڑ دیکھتی ہوں تو مجھے نوشہرہ کا خیال آ جاتا ہے
بس اسی وجہ سے نوشہرہ میرے پسندیدہ شہروں میں سے ایک ہے۔
اور یہ پوچھنا تو بھول ہی گئی۔ کیا آپ بھی نوشہرہ سے ہیں؟
