درست فرمایا۔ مغلوں کے زمانہ میں انکے زیر تسلط بھارتی شمالی اور مغربی علاقوں کو ہندوستان ہی کہا جاتا تھا۔ برطانوی سامراج کے قبضہ سے قبل یہ مغلیہ سلطنت محض دہلی تک محدود ہو گئی تھی اور بھارت کے دیگر علاقوں میں مرہٹوں، سکھوں اور دیگر علاقائی اقوام کی حکومت تھی۔
آپکی بات درست تھی اسلئے مثبت ریٹنگ دی۔ میری ریٹنگز پیغامات کے بلا تفریق معیار پر منحصر ہے، پیغام ارسال کرنے والے کیساتھ دلی بغض ، کینہ یا محبت پر نہیں
اگر میرا قریب ترین دوست ، یار ، محبوب محفلین بھی کوئی بات اصول اور منطق سے ہٹ کر کریگا تو اسے اسی حساب سے ریٹنگ ملے گی۔ چونکہ آپنے اوپر بھارتی آئین کے پس منظر کا حوالہ دیا جس میں ملک کا نام منتخب کرنے والی کمیٹی کا ذکر تھا، اور کس بنیاد پر انہوں نے اس نام کو چُنا یوں آپ ایک مثبت ریٹنگ کے حقدار پائے۔
اسی طرح حوالوں کیساتھ اپنا نقطہ نظر پیش کریں اور مثبت ریٹنگز وصول کرتے رہیں
الفاظ کے چناؤ ہی کی بات ہو رہی ہے۔ گرامر کو کس نے موضوع بنایا ہے ؟
چونکہ بھارتی آئین انگریزی ہی میں لکھا گیا تو ایسے میں جو نام اس زبان میں رائج العام تھا، اسی کا ذکر کرنا پہلے بنتا ہے۔
ایک ہی زبان میں الفاظ کے مختلف چناؤ اور انکے ماخذ میں فرق کی وجہ سے انہیں الگ زبان قرار نہیں دیا جا سکتا ہے۔ جیسا کہ یہاں اکثر دیکھا گیا ہے کہ لوگ ہندی اور اردو کو دو الگ زبانیں تصور کرتے ہیں۔ اگر یہی اسٹینڈرڈ انگریزی پر اپلائی کیا جاتا تو امریکی، برطانوی، آسٹریلیوی اور دیگر ممالک میں مستعمل انگریزی Dialects آج مختلف زبانیں ہوتیں۔
چوں چوں کے مربہ کی ایک اور مثال!
پتہ نہیں ہوتا ہے یا نہیں ہوتا، تاہم یہ ضرور ہے کہ کچھ زبانیں وجود میں آتی ہی کسی مذہب کی بدولت ہیں! جیسے ہماری اردو ہے، الحمد للہ۔
آپ سے دلچسپ معلومات حاصل ہورہی ہیں۔
سر، میں سمجھتا ہوں محترم اعجاز صاحب ان لوگوں کے متعلق فرما رہے ہیں جو شر پسند ہیں۔ امید ہے آپ اس میں مثبت پہلو پائیں گے۔
جناب کاظمی صاحب ممکن ہو تو اردو ترجمہ کرکے شیئر کیجیے تاکہ سب کو فائدہ پہنچے۔
میں نے یہ نہیں کہا کہ مسلمان لفظ بھارت سے نفرت کرتے ہیں ۔ بھارت کو ماتا کہنے پر اعتراض ہے۔ اس لیے چڑتے ہیں اور ہندوستان کہنے کو ترجیح دیتے ہیں۔ہندوستان کہتے ہوئے جذبہ ئے حب الوطنی بھی محسوس کرتے ہیں۔ اس کے ساتھ ماتا پتا نہیں جوڑا جاسکتا۔
بھارت ماتا سمجھ کر جنہیں پوجا جاتا ہے وہ کچھ ایسی ہوتی ہیں
بہت عرصہ پہلے برٹش کونسل لائبریری میں ایک ریسرچ پیپر پڑھا تھا، جو یاد رہا وہ لکھ دیا۔
یہ بھارت ماتا نہیں بلکہ بقول ہندوؤں کے ماں دُرگا کی تصویر ہے۔بھارت ماتا سمجھ کر جنہیں پوجا جاتا ہے وہ کچھ ایسی ہوتی ہیں