ان کا آنا جانا دیکھو

[نبیل]

سمع خراشی کی پیشگی معذرت کے ساتھ مزید کچھ تک بندی پیش کر رہا ہوں۔

ان کا آنسو بہا کر جانا دیکھو
پھر ناٹک رچا کے آنا دیکھو

کریں آہ و زاری اس کے بلاگ پر
حاسدوں کو ملا ہے ٹھکانا دیکھو

آیا ہوں دوستوں کے کہنے پر
منافقت کا جھوٹا بہانا دیکھو

تھوک کر چاٹنے پر کیا شرمندگی
یہاں ہر شخص ہی ہے کانا دیکھو

دیں ریاکار ہی سبق راستبازی کا
آیا ہے عجب یارو زمانہ دیکھو

کریں منافق ہی منافقت کا پردہ چاک
مکر و فریب کا نیا فسانہ دیکھو​

 

[محمد وارث]

برادرم آپ نے تو اپنی شاعری سے کشتوں کے پشتے لگا دیئے ہیں، واہ واہ واہ، کیا قافیے ہیں کیا اوجِ خیال ہے، کیا حقیقت پسندی ہے، لا جواب۔

یار لوگوں کا نہ جانے کیا حال ہے

 

[سارہ خان]

واہ نبیل بھائی روز روز آمد ۔۔ زبردست ۔۔۔

 

[ابن سعید]

یہ اتنی تیز رفتار در آمد بر آمد کہیں نئے بازار نہ کھول دے۔

 

[نبیل]

برادرم آپ نے تو اپنی شاعری سے کشتوں کے پشتے لگا دیئے ہیں، واہ واہ واہ، کیا قافیے ہیں کیا اوجِ خیال ہے، کیا حقیقت پسندی ہے، لا جواب۔

یار لوگوں کا نہ جانے کیا حال ہے

بہت شکریہ برادرم۔

واہ نبیل بھائی روز روز آمد ۔۔ زبردست ۔۔۔

شکریہ سارہ۔

 

[نبیل]

یہ اتنی تیز رفتار در آمد بر آمد کہیں نئے بازار نہ کھول دے۔

ابن سعید، ابھی پرانے بازاروں میں ہی رونق ختم نہیں ہوئی ہے۔

 

[الف عین]

واقعی کیا آمد ہے۔ لگتا ہے بانسوں کو جرمنی سے بریلی در آمد کر رہے ہیں۔۔
فاتح آوؤ اس کو بحر میں کر کے دکھاؤکہ نبیل کیا دکھانا چاہتے ہیں۔

 

[عمار ابن ضیا]

واہ نبیل بھیا۔ لگتا ہے، غزہ پر بمباری کا ٹھیک ٹھاک جواب دیا جارہا ہے۔

 

[نبیل]

واہ نبیل بھیا۔ لگتا ہے، غزہ پر بمباری کا ٹھیک ٹھاک جواب دیا جارہا ہے۔

ہاں عمار، ذرا اس کی نوک پلک درست ہونے دو، پھر اسے اپنے بلاگ پر لگاتا ہوں۔ پھر دیکھنا کیسے دھماکے ہوتے ہیں۔

 

[تعبیر]

واہ واہ
مکرر مکرر

سنا ہے کہ جب کوئی چوٹ لگتی ہے ٹھاہ کر کے تو تب ایک شاعر پیدا ہوتا ہے آپ کی طرف تو سب خیریت ہے نا نبیل

 

[ابن سعید]

جی اپیا نبیل بھائی کے ساتھ آج کل معاملہ یہ ہے کہ

گالیاں سن کے بے مزہ نہ ہوا

 

[نبیل]

واہ واہ
مکرر مکرر

سنا ہے کہ جب کوئی چوٹ لگتی ہے ٹھاہ کر کے تو تب ایک شاعر پیدا ہوتا ہے آپ کی طرف تو سب خیریت ہے نا نبیل

جی تعبیر، بالکل خیریت ہے۔ الحمداللہ۔

جی اپیا نبیل بھائی کے ساتھ آج کل معاملہ یہ ہے کہ

گالیاں سن کے بے مزہ نہ ہوا

ابن سعید، یہ سلسلہ تو کئی سال سے جاری ہے۔ ہر چھ مہینے میں کوئی نہ کوئی قضیہ کھڑا ہو جاتا ہے۔ اب تو ڈھیٹ ہڈی ہو گئے ہیں ہم۔

 

[جہانزیب]

ان سب غزلوں‌ یا نظموں‌ کی آمد کے بعد ایک بات ثابت ہوتی ہے کہ شاعری کروانے کے لئے نبیل پر الزامات لگانا ضروری ہیں‌

 

[نبیل]

جہانزیب، الزامات کی بوچھاڑ تو جاری ہی رہتی ہے۔ اب کس کس کی پرواہ کریں۔
اور یہ شاعری تھوڑا ہی ہے، محض تک بندی ہے۔

 

[ابن سعید]

اب تو اس بار جشن محفل میں تک بندوں کا ایوارڈ پکا سمجھو

 

[arifkarim]

لگتا ہے نبیل بھائی محفل کے نئے شاعر کا ایوارد جیت کر ہی رہیں گے

 

[فاتح]

واہ جی واہ۔ چھا گئے ہیں آپ تو۔
اپنے بلاگ کے علاوہ 'دوسروں' کے بلاگ پر بطور کمنٹس بھی ڈال سکتے ہیں۔ کیا خبر جب تک وہ اسے حذف کریں تب تک گوگل آپ کے کمنٹس کو آرکائیو بھی کر چکا ہو اور تاریخ مرتب ہو جائے۔ ہاہاہاہا

قبلہ نبیل صاحب، آپ سے کہا تھا نا کہ آپ میں شاعری کے جراثیم پائے جاتے ہیں لیکن اب تو لگتا ہے کالونیوں‌کی کالونیاں کھلی ہوئی ہیں۔

 

[نبیل]

واہ جی واہ۔ چھا گئے ہیں آپ تو۔
اپنے بلاگ کے علاوہ 'دوسروں' کے بلاگ پر بطور کمنٹس بھی ڈال سکتے ہیں۔ کیا خبر جب تک وہ اسے حذف کریں تب تک گوگل آپ کے کمنٹس کو آرکائیو بھی کر چکا ہو اور تاریخ مرتب ہو جائے۔ ہاہاہاہا

قبلہ نبیل صاحب، آپ سے کہا تھا نا کہ آپ میں شاعری کے جراثیم پائے جاتے ہیں لیکن اب تو لگتا ہے کالونیوں‌کی کالونیاں کھلی ہوئی ہیں۔

جی فاتح، مجھے بھی لگ رہا ہے کہ جراثیم کافی ہو گئے ہیں، ویکسینیشن کرانے کا سوچ رہا ہوں۔

 

[محمد وارث]

اور ویکسینیشن بھی کسی 'شاعر' سے ہونی چاہیئے

 

[نبیل]

قبلہ شاعروں سے ہی تو یہ انفیکشن لگی ہے۔