ناصر رانا
محفلین
محفل کے تمام اراکین و غیر اراکین حاضریں و صرف حاضرین کو آداب!
مجھ نکمے نالائق و نابکار کا نام ناصر رانا ہے اور پیشے کے لحاظ سے الیکٹریکل انجینئر ہوں۔ رہنے والا کراچی کا ہوں اور اتفاق سے پیدا بھی اسی روشنیوں کے شہر میں ہوا تھا۔ عمر کے لحاظ سے زندگی کی تیس بہاریں دیکھ چکا ہوں مگر ابھی بھی خود کو جوان محسوس کرتا ہوں(اور ہوں بھی)۔ شاعری سے کچھ خاص شغف نہیں ہے مگر کبھی کبھی کسی شعر پر پھڑک بھی جاتا ہوں۔ ویسے تو لگ بھگ پورا دن ہی آن لائن ہوتا ہوں مگر فیلڈ انجینئر ہونے کی وجہ سے اکثر اوقات سفر (اردو والا بھی اور انگلش والا بھی) میں ہوتا ہوں جس کی وجہ سے ہمہ وقت نیٹ دستیاب نہیں ہوتا۔
اپنی شان میں گستاخی اسلئے کی کہ اتنی پیاری اور اچھی محفل کو اتنی دیر میں کیوں کھوجا اور اس پر مستزاد کہ کھوجنے کے باوجود شرکت نہیں کی۔
اردو محفل میں آمد کی وجہ تسمیہ یہ بنی کہ ایک ہستی کو شاعری سے کچھ شغف ہے اور اسی کی خاطر ادھر ادھر سے اوٹ پٹانگ شاعری ڈھونڈ ا کرتا تھا۔ ایک دن اسی طرح کچرا چنتے چنتے اچانک جیسے ہزار کا نوٹ مل گیا ہو گویا (یعنی اردو محفل کا لنک ملا) جب سے ہی اچھے اور معیاری کلام کی تلاش میں ادھر آنا معمول تو بن گیا مگر یہاں ایک سے ایک گوہر نایاب دیکھ کر اتنی جرات نہیں پائی کہ باقاعدہ ممبر بنوں (سچ پوچھیں تو احساس کمتری محسوس ہوتا تھا)۔ پھر اسی ہستی کی فرمائش پر اچھی اور معیاری فورم کی تلاش میں سرگرداں ہوا اور آج یہاں اپنا تعارف پیش کر رہا ہوں۔
مجھ نکمے نالائق و نابکار کا نام ناصر رانا ہے اور پیشے کے لحاظ سے الیکٹریکل انجینئر ہوں۔ رہنے والا کراچی کا ہوں اور اتفاق سے پیدا بھی اسی روشنیوں کے شہر میں ہوا تھا۔ عمر کے لحاظ سے زندگی کی تیس بہاریں دیکھ چکا ہوں مگر ابھی بھی خود کو جوان محسوس کرتا ہوں(اور ہوں بھی)۔ شاعری سے کچھ خاص شغف نہیں ہے مگر کبھی کبھی کسی شعر پر پھڑک بھی جاتا ہوں۔ ویسے تو لگ بھگ پورا دن ہی آن لائن ہوتا ہوں مگر فیلڈ انجینئر ہونے کی وجہ سے اکثر اوقات سفر (اردو والا بھی اور انگلش والا بھی) میں ہوتا ہوں جس کی وجہ سے ہمہ وقت نیٹ دستیاب نہیں ہوتا۔
اپنی شان میں گستاخی اسلئے کی کہ اتنی پیاری اور اچھی محفل کو اتنی دیر میں کیوں کھوجا اور اس پر مستزاد کہ کھوجنے کے باوجود شرکت نہیں کی۔
اردو محفل میں آمد کی وجہ تسمیہ یہ بنی کہ ایک ہستی کو شاعری سے کچھ شغف ہے اور اسی کی خاطر ادھر ادھر سے اوٹ پٹانگ شاعری ڈھونڈ ا کرتا تھا۔ ایک دن اسی طرح کچرا چنتے چنتے اچانک جیسے ہزار کا نوٹ مل گیا ہو گویا (یعنی اردو محفل کا لنک ملا) جب سے ہی اچھے اور معیاری کلام کی تلاش میں ادھر آنا معمول تو بن گیا مگر یہاں ایک سے ایک گوہر نایاب دیکھ کر اتنی جرات نہیں پائی کہ باقاعدہ ممبر بنوں (سچ پوچھیں تو احساس کمتری محسوس ہوتا تھا)۔ پھر اسی ہستی کی فرمائش پر اچھی اور معیاری فورم کی تلاش میں سرگرداں ہوا اور آج یہاں اپنا تعارف پیش کر رہا ہوں۔
