اونٹنی کا پیشاب اور جدید میڈیکل سائنس
- صاحب لڑی محمد جاوید اختر
- تاریخ ابتداء
S. H. Naqvi
محفلین
میں تصیح کرنے لگا تھا کیوں کہ سارا دن ہم، کمزور دل، دل دینے والوں، دل لینے والوں اور دل کی مرمت کرنے، کروانے والوں میں ہی گزارتے ہیں
میر انیس
لائبریرین
اس حدیث کے بارے میں میں شک کا اظہار تو میں نہیں کرسکتا کیوں کہ یہ تو کوئی علم رجال کا ماہر ہی بتاسکتا ہے لیکن صرف اتنا تو سوچ سکتا ہوں کہ گو کہ حلال گوشت جانور کا پیشاب عین نجس نہیں ہوتا لیکن وہ حرام تو ہے نا اور یہ مسئلہ تو ہم سب جانتے ہیں کہ جب تک حلال اشیاء سے علاج ممکن ہو تو اسوقت تک آپ حرام اشیاء دوا کے طور پر بھی استعمال نہیں کرسکتے یہ الگ بات ہے کہ اگر اسکے علاوہ علاج ممکن ہی نہیں تو جان بچانا واجب ہے پھر آپ حرام یا حلال نہیں دیکھیں گے ممکن ہے جب سرکارِ دو عالم (ص) نے یہ علاج تجویز کیا ہو اسوقت اس سے بہتر علاج یا تو موجود نہ ہو یا پھر ان صحابی کی دسترس میں نہ ہو۔
دوسری بات جو ذہن میں آتی ہے وہ یہ ہے کہ اگر ہم آزادانہ طور پر ہر حرام چیز کو دوا کے طور پر استعمال کرنا جائز مان لیں تو پھر مغرب کی جن دواؤں میں سؤر کی چربی وغیرہ استعمال ہوتی ہے تو اس پر اتنا اعتراض کیوں ہوتا ہے کہ آپ مختلف مذہبی جماعتوں کے پاس سے اکثر ایک لسٹ لے کر آتے ہیں جن میں ایسی اشیاء یا دوائیں( خاص کر جن دواؤں میں ایک خامرہ پیپسین موجود ہوتا ہے جو سؤر کی چربی سے حاصل کیا جاتا ہے) شامل ہوتی ہیں اور کہا جاتا ہے ایسی کوئی بھی پروڈکٹ استعمال نہ کریں باوجود اسکے کو وہ کافی جلدی اثر دکھاتی ہیں۔
تیسری بات وہی جو کامل صاحب نے کہی کہ جب اونٹنی کے حلال ہونے کی وجہ سے ہم اسکے پیشاب کو دودھ میں ملا کر پینے میں کوئی قباحت نہیں سمجھتے اور قران مجید میں بھی اسکی ممانعت نہیں ہے تو گائے بھی تو حلال جانور ہے قران میں اسکے بارے میں بھی کہیں منع نہیں آیاتو ہندوؤں کا پیشاب پینا ہمیں اتنا برا کیوں لگتا ہے وہ بھی اسکو اسی لئے پیتے ہیں کہ وہ یہ سمجھتے ہیں اس سے بیماریاں دور ہوتی ہیں ۔
دوسری بات جو ذہن میں آتی ہے وہ یہ ہے کہ اگر ہم آزادانہ طور پر ہر حرام چیز کو دوا کے طور پر استعمال کرنا جائز مان لیں تو پھر مغرب کی جن دواؤں میں سؤر کی چربی وغیرہ استعمال ہوتی ہے تو اس پر اتنا اعتراض کیوں ہوتا ہے کہ آپ مختلف مذہبی جماعتوں کے پاس سے اکثر ایک لسٹ لے کر آتے ہیں جن میں ایسی اشیاء یا دوائیں( خاص کر جن دواؤں میں ایک خامرہ پیپسین موجود ہوتا ہے جو سؤر کی چربی سے حاصل کیا جاتا ہے) شامل ہوتی ہیں اور کہا جاتا ہے ایسی کوئی بھی پروڈکٹ استعمال نہ کریں باوجود اسکے کو وہ کافی جلدی اثر دکھاتی ہیں۔
تیسری بات وہی جو کامل صاحب نے کہی کہ جب اونٹنی کے حلال ہونے کی وجہ سے ہم اسکے پیشاب کو دودھ میں ملا کر پینے میں کوئی قباحت نہیں سمجھتے اور قران مجید میں بھی اسکی ممانعت نہیں ہے تو گائے بھی تو حلال جانور ہے قران میں اسکے بارے میں بھی کہیں منع نہیں آیاتو ہندوؤں کا پیشاب پینا ہمیں اتنا برا کیوں لگتا ہے وہ بھی اسکو اسی لئے پیتے ہیں کہ وہ یہ سمجھتے ہیں اس سے بیماریاں دور ہوتی ہیں ۔
یوسف-2
محفلین
اس احقر نے صاف صاف لکھا تھا کہ ۔۔۔۔۔” اسلام کی کوئی بھی بات کسی بھی مستند سائنسی علم (سائنسی نظریہ نہیں) کے خلاف نہیں ہے“۔ یا تو آپ کو سائنسی علم (سائنسی کلیہ، قانون) اور سائنسی نظریہ کا فرق معلوم نہیں یا جانتے
بوجھتے محض اختلاف برائے اختلاف فرمارہے ہیں
یوسف-2
محفلین
ایلو پیتھک جدید ترین طریقہ علم ہے۔ جبکہ قدیم طب صدیوں سے ”قدرتی طریقہ علاج“ پر عمل کر رہی ہے۔ آپ کی بات درست ہے کہ جب ایلوپیتھک والے اس پر تحقیقی کریں گے تو ایسا ہی کریں گے
یوسف-2
محفلین
بالکل درست فرمایا بھائی آپ نے۔ ہم جیسے عام لوگ کسی حدیث بالخصوص صحیح بخاری میں موجود کسی حدیث پر شک و شبہ کا اظہار کرکے اپنے ایمان کو خراب کرنے کا رسک نہیں لے سکتے
- لیکن صرف اتنا تو سوچ سکتا ہوں کہ گو کہ حلال گوشت جانور کا پیشاب عین نجس نہیں ہوتا لیکن وہ حرام تو ہے نا اور یہ مسئلہ تو ہم سب جانتے ہیں کہ جب تک حلال اشیاء سے علاج ممکن ہو تو اسوقت تک آپ حرام اشیاء دوا کے طور پر بھی استعمال نہیں کرسکتے یہ الگ بات ہے کہ اگر اسکے علاوہ علاج ممکن ہی نہیں تو جان بچانا واجب ہے پھر آپ حرام یا حلال نہیں دیکھیں گے ممکن ہے جب سرکارِ دو عالم (ص) نے یہ علاج تجویز کیا ہو اسوقت اس سے بہتر علاج یا تو موجود نہ ہو یا پھر ان صحابی کی دسترس میں نہ ہو۔
(×) آپ کی سوچ ”شرعاً غلط“ ہے بھائی۔ آپ خصوص کو عموم سے نہیں ملا سکتے۔ عموم یہی ہے کہ حرام اور حلال دونوں جانوروں کا بول و براز نجس ہے۔ لیکن اونٹ کے پیشاب کا ایک مخصوص بیماری کے علاج کے لئے صحیح حدیث میں خصوصاً ذکر آیا ہے لہٰذا آپ اونٹ کے پیشاب کے اس ”خصوصی استعمال“ پر اپنی عقل شریف کا مقابلہ عقل پیغمبر( صلی اللہ علیہ وسلم) سے نہیں کرسکتے۔ واضح رہے کہ ایسا کرنا فرض واجب یا مستحب نہیں ہے۔ یہ صرف صحیح حدیث سے ثابت ہے کہ ایسا کیا جاسکتا ہے اور ایسا کرنے والے کی تضحیک در اصل نبی ( صلی اللہ علیہ وسلم) کے عمل کی تضحیک ہے
واللہ اعلم بالصواب
(جاری)
احمد علی
محفلین
میرا خیال ہےکہ اسکا بھی شراب جیسا معاملہ ہو گا۔۔۔۔ شراب بھی اک عرصہ بعد حرام ہوئی تھی۔۔۔ اس سے پہلےصحابہ پیتے تھے۔۔۔۔
یوسف-2
محفلین
قرآن میں جن جرائم کی سزا مذکور ہے، انہیں ’حدود‘ (واحد ’حد‘)کہتے ہیں، جیسے قتل، شراب نوشی، زنا وغیرہ۔قتل کی اسلامی سزا قصاص یعنی قتل کے بدلہ قتل ہے۔لیکن چونکہ اس واقعہ میں ایسا نہیں کیا گیا بلکہ قاتل کے ہاتھ پاؤں کاٹ کر ان کی آنکھوں پر سلائی پھیر دی گئی تھی، لہذا یہ بات یقینی ہے کہ قتل کی اسلامی سزا (حدود) اس وقت تک نازل نہ ہوئی ہوں گی۔ اور نبی صلی اللہ علیہ وسلم نے بطور قاضی اپنی طرف سے مجرموں کو یہ سزائیں دیں تھیں۔ آج ایسا نہیں کیا جاسکتا کیونکہ قتل کی سزا قرآن میں نازل ہوچکی ہے
مندرجہ بالا صفحہ آن لائن صحیح بخاری سے کاپی کیا گیا ہے۔
میں یہ جاننا چاہ رہا ہوں کہ آخر میں "قتادہ نے بیان کیا کہ مجھ سے محمد بن سیرین نے بیان کیا کہ یہ " حدود کے نازل ہونے سے پہلے کا واقعہ ہے""۔ اس سے کیا مراد ہے ؟؟
رہنمائی فرمائیں ۔۔۔ شکریہ ۔۔
واللہ اعلم بالصواب
یوسف-2
محفلین
بھائی ایسا کس نے اور کب مانا ہے؟؟؟ کیا اس حدیث کے ”اقرار“ کا یہی مطلب ہے کہ ہر حرام چیز کو دوا کے طور پر استعمال کرنا جائز مان لیا گیا ہے؟ یا ایک مخصوص بیماری کے علاج کے لئے اونٹنی کے دووھ میں اونٹنی کے پیشاب کو ملا کر پینے کو ”فائدہ مند اور جائز“ قرار دیا گیا ہے؟ آپ ذرا اپنے بیان کو دوبارہ پڑھ کر غور کریں تو خود آپ کو معلوم ہوجائے گا کہ اس حدیث کی جو ”تشریح آپ کے ذہن“ میں ہے، وہ سراسر غلط ہے جبھی تو آپ اسی غلط سوچ کی بنیاد پر ایک صحیح حدیث کا ”انکار“ کر رہے ہیں۔
- تیسری بات وہی جو کامل صاحب نے کہی کہ جب اونٹنی کے حلال ہونے کی وجہ سے ہم اسکے پیشاب کو دودھ میں ملا کر پینے میں کوئی قباحت نہیں سمجھتے اور قران مجید میں بھی اسکی ممانعت نہیں ہے تو گائے بھی تو حلال جانور ہے قرآن میں اسکے بارے میں بھی کہیں منع نہیں آیاتو ہندوؤں کا پیشاب پینا ہمیں اتنا برا کیوں لگتا ہے وہ بھی اسکو اسی لئے پیتے ہیں کہ وہ یہ سمجھتے ہیں اس سے بیماریاں دور ہوتی ہیں ۔
(×) یہ بھی آپ کا ذاتی تصور ہے، جو غلط ہے۔ اونٹنی کے پیشاب کو دودھ میں ملا کر پینے میں کوئی قباحت نہ ہونی کی وجہ، اونٹ کا حلال ہونا نہیں ہے بلکہ اس کی اصل وجہ یہ ہے کہ نبی کریم صلی اللہ علیہ وسلم نے ایسا کیا اور بعد میں کبھی آپ صلی اللہ علیہ وسلم نے ” اس عمل“ کو نہ کرنے کی ہدایت نہیں کی۔ جیسے پہلے بعض صحابہ کرام رضی اللہ تعالیٰ عنہما شراب پیا کرتے تھے اور آپ صلی اللہ علیہ وسلم اُنہیں ایسا کرنے سے منع نہیں کرتے تھے۔ لیکن بعد میں شراب پینے اور خرید و فروخت سے منع کردیا گیا۔ کیا کبھی آپ صلی اللہ علیہ وسلم نے اس طریقہ علاج سے منع کیا؟؟؟
پہلے آپ نے ایک غلط تصور قائم کیااور پھر اس غلط خیال کی بنیاد پر ایک غلط مثال پیش کی۔ ہم مسلمان بنیادی طور پر اللہ اور رسول اللہ صلی اللہ علیہ وسلم کے حکم کے غلام ہیں، عقل کے نہیں۔ جیسے اسلام میں طہارت اور صفائی کی بڑی اہمیت ہے حتیٰ کہ طہارت کو نصف ایمان قرار دیا گیا ہے۔ دن میں کم از کم پانچ مرتبہ ”نصف غسل“ یعنی وضو اور ہفتہ میں کم از کم ایک دن یعنی جمعہ کو مکمل غسل کرنے کو کہا گیا ہے۔ اب ظاہر ہے کہ یہ دونوں باتیں ہماری عقل شریف میں بھی آتی ہیں کہ وضو اور غسل کے بے شمار فائدے ہیں۔ انسان تازگی محسوس کرتا ہے۔ بیماریوں سے دور رہتا ہے وغیرہ وغیرہ۔ لیکن جب غسل یا وضو کے لئے پانی دستیاب نہ ہو اور ہم ”گندے“ بھی ہوں تو حکم ہے کہ ”پاکی کے حصول“ کے لئے ہم زمین کی مٹی کو ہاتھ اور منہ پر مَل لیں (تیمم کر لیں)۔ اب اگر ہم اپنی ”عقل“ کو استعمال کریں تو پہلے ہی ناپاکی اور ”گندگی“ کی حالت میں ہاتھوں اور منہ پر خاک مَلنے کا کیا مطلب ہوگا؟ لیکن جب اللہ اور اس کے رسول صلی اللہ علیہ وسلم کا واضح حکم آ جائے تو پھر اللہ اور اس کے رسول صلی اللہ علیہ وسلم پر ایمان کا تقاضہ یہ ہے کہ ہم ایسی ہر بات بے چون و چرا خوش دلی سے مان لیں۔ ہم نے اگر ایسا نہ کیا تو یقیناً ہم اپنے ایمان کو نقصان پہنچانے کا سبب بنیں گے
واللہ اعلم بالصواب
شاکرالقادری
لائبریرین
اصل بات وہیں کہیں کھو گئی ۔۔۔۔ کیا علم جدید کے نمائندہ کوئی ایسے صاحب ہیں یہاں پر جو ایک ذرا اس کا کیمیائی تجزیہ اور لیبارٹری ٹیسٹ کے بعد اس کی افادیت اور اس میں پائے جانے والے اجزا پر بات کرے
عمر سیف
محفلین
جزاک اللہ خیرا ۔۔۔
میرے ایک دوست کا سوال ہے کہ کیا حدود کی وجہ سے پیشاب کا استعمال بند ختم تو نہیں کر دیا گیا تھا، یعنی یہ صرف اسی وقت اور اسی قبیلہ کے لیے دوا تجویز کی گئی تھی۔ بعد میں اس پہ حد تو نہیں لگائی گئی ؟؟
رہنمائی فرمائیں ۔۔۔
یوسف-2
محفلین
شاکر بھائی! یہ ایک عمومی فورم ہے، کوئی تحقیقاتی تجربہ گاہ نہیں۔ اور ابھی تک یہاں کسی محفلین نے اپنے بارے میں یہ نہیں بتلایا کہ وہ کسی کیمیکل ریسرچ لیب میں بطور سائنسدان کام کرتا ہے
یہ اتنا آسان کام نہیں۔ اس پر طویل تحقیق کی ضرورت ہے اور (مسلم یا غیر مسلم)محقق کے لئے ضروری ہے کہ وہ اس قسم کی احادیث نبوی صلی اللہ علیہ وسلم سے ”بغض“ نہ رکھتا ہو اور آزاد انہ تحقیق کی شہرت رکھتا ہو۔
یوسف-2
محفلین
آپ کا سوال غیر واضح ہے یا کم از کم میری ناقص سمجھ سے بالا تر ہے۔
حدود کا اونٹنی کے پیشاب کے استعمال سے کیالنک ہے بھلا؟1۔ ایسی کوئی حدیث موجود نہیں ہے (یا کم از کم مجھےاس کا علم نہیں) جس میں یہ ذکر ہو کہ نبی کریم صلی اللہ علیہ وسلم نے آئندہ کے لئے اس طریقہ علاج کو منع کردیا گیا تھا۔ اگر ایسی کوئی صحیح حدیث کسی کے علم میں ہو تو وہ یہاں ضرور شیئر کرے۔
2۔ اس حدیث میں یہ بھی ذکر نہیں کہ یہ طریقہ علاج صرف اسی وقت کے لئے یا صرف اسی قبیلہ کے لئے ہے۔ نبی صلی اللہ علیہ وسلم کا ہر عمل تا قیامت پیروی کے لئے ہے۔ الا یہ کہ کسی خاص عمل کے لئے کوئی خاص وضاحت کردی گئی ہو۔
شاکرالقادری
لائبریرین
دراضل آپ کے دوست کو یہ غلط فہمی ہوگئی ہے کہ شاید کسی چیز کے حرام یا حلال ہونے کا تعلق حدود سے ہوتا ہے ۔۔۔ یہ بات نہیں میرے بھائی بلکہ حدود کا تعلق اسلامی سزاؤں سے ہے ۔۔۔ اوپر جو حدیث نقل کی گئی ہے اس میں بیان شدہ واقعات کے مطابق ۔ جن لوگوں کو چرواہے کے پاس بھیجا گیا تھا کہ وہ دودھ اور پیشاب کو وہاں سے حاصل کر کے بطور دوا استعمال کریں انہی لوگوں نے صحت یاب ہونے کے بعد
- چرواہے کو قتل کر دیا
- اونٹوں کو ہانک کر لے گئے
اس لیے آنحضور ضلی اللہ علیہ وسلم نے انہیں یہ سزا دی کہ:
- انکے ہاتھ پاؤں کاٹ دیے گئے
- ان کی آنکھوں میں سلائی پھروا دی گئی
اسی لیے شارح نے وضاحت کر دی کہ یہ واقعہ اس وقت ہوا تھا جب حدود متعین نہیں ہوئیں تھیں
میر انیس
لائبریرین
میں نے آپ سے پہلے ہی گذارش کی تھی کہ کسی حدیث کو جانچنے کا حق صرف علمِ رجال کے ماہروں کا ہے ۔ کیا آپ ایک حدیث کو صرف اس وجہ سے صحیح مان سکتے ہیں کہ وہ صحیح بخاری میں آئی ہے؟ اگر ایسا ہے تو پھر میں آپ کو بہت سی ایسی احادیث سنا سکتا ہوں جو صحیح بخاری میں موجود تو ہیں پر اس پر علماء کی اکثریت تحفظ کا اظہار بھی کرتی ہے۔
ہمارے ہاں جس طرح ہر شعبہ کا ایک ماہر یا اسپیشلسٹ ہوتا ہے اسی طرح قران کو سمجھنے والے عالم احادیث کو سمجھنے والے عالم اور فقہ کو سمجھنے والے عالم ہوتے ہیں اور اس سے آپ یقیناََ اتفاق بھی کریں گے ۔ ہم ایک محدث یا فقیہ یا مفتی کا کام اسوقت نہیں کرسکتے جب تک ہم اس شعبہ میں ماہر نہ ہوجائیں۔ میری گذارش صرف اتنی ہے کہ بھائی جو جس کا کام ہے اسکو کرنے دیں۔ ہم تو صرف چند احادیث پڑھ کر کوئی نتیجہ نکالنے سے رہے جب کہ رجال کے ایک عالم کا کام ہوتا ہے حدیث کو پرکھنا ہم کو نہیں معلوم کونسی حدیث کس موقع پر فرمائی گئی راوی ثقہ ہے یا نہیں حدیث قوی ہے یا ضعیف صرف چند افراد کو حکم دیا گیا یا پوری امت کو یہ سب ہم کو جاننے کیلئے بہت وقت لگانا ہوگا جب کہ وہ لوگ تو دن رات اسی تک و دوہ میںلگے رہتے ہیں ۔ ایسا نہ ہو ہم کسی ایسی ہی حدیث کو صحیح مان کر اس پرکسی کو عمل کرنے کو کہیں اور بعد میں کوئی عالم یا مفتی کہے کہ یہ تو صرف اسوقت کیلئے تھا جب تک طب نے اتنی ترقی نہیں کی تھی کہ اسکے متبادل دوائیں مل سکتیں۔
اول بات تو یہ ہے کہ ایک بات آپ کر رہے ہیں قران کی یعنی شراب کی حرمت تو قران میں بیان ہوئی ہے جس سے انکار ممکن نہیں پر دوسری بات آپ حدیث کی کر رہے ہیں حدیث بلاشبہ اگر یہ ثابت ہوجائے کہ صحیح ہے تو وہ قران کا ہی درجہ رکھتی ہے لیکن ایک فرق تو بہر حال یہ ہے نہ کہ حدیث کے بارے میں صحیح اور موضوع کے الفاظ استعمال کئے جاتے ہیں جو قران کی کسی آیت کیلئے استعمال نہیں ہوسکتے۔ دوسرا آپ نے کہا کہ یہ عمل آنحضرت (ص)نے کیا تو حدیث سے بھی یہ ثابت کہیں بھی نہیں ہے کہ آپ نے ایسا عمل خود کیا ۔ حالانکہ شراب پہلے حلال تھی پر چونکہ اسکو حرام قرار دیا جانا تھا اسلئے نہ صرف آپ (ص) نے بلکہ آپ کے اہلِ بیت میں سے بھی کسی نے کبھی شراب نہیں پی ۔ دوسرے انبیاء نے تو ترک اولٰی کیا پر ہمارے نبی سے تو وہ بھی کبھی سرزرد نہیں ہوا۔ دوسرے جب ایک عمل ثابت ہی نہیں کہ آپ(ص) نے کیا ہو یا اسکو کرنے کا حکم دیا ہو تو اس سے منع کرنا چہ معنی۔
اسکا تو یہ مطلب ہوا کہ ہمارا اللہ اور رسول اللہ(ص) کچھ اور کہتے ہیں اور عقل کچھ اور۔ آپ کی اس بات کا فائدہ اٹھا کر اگر کوئی یہ کہ دے کہ مسلمانوںکا تو عقیدہ ہی عقل سے دور ہے تو ہم سب کو آگ لگ جائے گی۔ ارے بھائی اسلام دینِ فطرت ہے ہم نے عقل سے ہی اللہ کو پہچانا ہے ورنہ جسکے پاس عقل نہیں ہے وہ ہی اس دین سے دور ہے۔ یہی وجہ ہے کہ ہمارا عقیدہ ہے کہ نبی کو کبھی ہزیان نہیں ہوسکتا کوئی بھی نبی نعوذو باللہ دیوانہ نہیں ہوسکتا اسکو دماغ کی بیماری نہیں ہوسکتی اور وہ کبھی بھی ماورائے عقل کوئی بات نہیں کرسکتا
آپ نے مٹی سے تیمم کی جو بات کی تو پہلے یہ توجہ فرمائیں کہ مٹی بھی ان اشیاء میں شامل ہے جن سے کوئی ناپاک شہ پاک ہوسکتی ہے یعنی پانی سورج یعنی دھوپ استحالہ اور مٹی وغیرہ ، مٹی عینِ نجاست یعنی بول و براز کو جسم سے دور کرتی ہے ۔ ان سب باتوں کیلئے بہت ہی تحقیق کی ضرورت ہے۔ہم اگر صحابہ کے دور میں ہوتے تو یقیناِِ ہر بات کو بغیر چوں چرا تسلیم کرلیتے کیوں کہ اسطرح ہم براہراست آنحضرت (ص) کی بات خوش دلی سے تسلیم کر رہے ہوتے پر جہاں غیر معصوم کی آمیزش ہوگئی تو غلطی کا امکان تو پیدا ہوگیا نا تو اب اس پر تحقیق ضروری ہے ۔
یوسف-2
محفلین
برادرم میر انیس ! میں نے موضوع سے متعلق اپنی بات مکمل کرلی ہے اور آپ نے بھی بہت تفصیل سے ”اپنا مؤقف“ بیان کردیا ہے۔ ہمارا مقصد ایک دوسرے کو ”قائل“ کرنا ہرگز نہ تھا اور نہ یہ ممکن ہے۔ ہم نے تو بس قارئین کے سامنے اپنی اپنی رائے رکھ دی ہے۔سدا خوش رہئے۔
جہاں تک بخاری شریف کی ”بعض احادیث“ کو نہ ماننے کا تعلق ہے تو یہ بھی ”اپنا اپنا نظریہ“ ہے۔ جبکہ امت مسلمہ کی بھاری اکثریت قرآن مجیدکے بعد بخاری شریف کو دوسری مستند ترین کتاب مانتی ہے ۔ ویسےنہ ماننے کو تو ”مسلمانوں“ میں ایسے لوگ بھی ہیں جو موجودہ قرآن کو بھی ”نامکمل قرآن“ کہتے ہیں ۔مشرف دور کے ایک وفاقی وزیر ”آن ریکارڈ“ قرآن کے چالیس پاروں کا ذکر کر چکے ہیں۔ اسی طرح مسلمان ہونے کے دعویدار کچھ لوگ حضرت محمد صلی اللہ علیہ وسلم کو آخری نبی نہیں مانتے۔ لہٰذا ”نہ ماننے“ کی بات صرف بخاری شریف تک ”محدود“ نہیں ہے۔
جہاں تک بخاری شریف کی ”بعض احادیث“ کو نہ ماننے کا تعلق ہے تو یہ بھی ”اپنا اپنا نظریہ“ ہے۔ جبکہ امت مسلمہ کی بھاری اکثریت قرآن مجیدکے بعد بخاری شریف کو دوسری مستند ترین کتاب مانتی ہے ۔ ویسےنہ ماننے کو تو ”مسلمانوں“ میں ایسے لوگ بھی ہیں جو موجودہ قرآن کو بھی ”نامکمل قرآن“ کہتے ہیں ۔مشرف دور کے ایک وفاقی وزیر ”آن ریکارڈ“ قرآن کے چالیس پاروں کا ذکر کر چکے ہیں۔ اسی طرح مسلمان ہونے کے دعویدار کچھ لوگ حضرت محمد صلی اللہ علیہ وسلم کو آخری نبی نہیں مانتے۔ لہٰذا ”نہ ماننے“ کی بات صرف بخاری شریف تک ”محدود“ نہیں ہے۔
عمر سیف
محفلین
جزاک اللہ خیرا ۔۔آپ کا سوال غیر واضح ہے یا کم از کم میری ناقص سمجھ سے بالا تر ہے۔
1۔ ایسی کوئی حدیث موجود نہیں ہے (یا کم از کم مجھےاس کا علم نہیں) جس میں یہ ذکر ہو کہ نبی کریم صلی اللہ علیہ وسلم نے آئندہ کے لئے اس طریقہ علاج کو منع کردیا گیا تھا۔ اگر ایسی کوئی صحیح حدیث کسی کے علم میں ہو تو وہ یہاں ضرور شیئر کرے۔
2۔ اس حدیث میں یہ بھی ذکر نہیں کہ یہ طریقہ علاج صرف اسی وقت کے لئے یا صرف اسی قبیلہ کے لئے ہے۔ نبی صلی اللہ علیہ وسلم کا ہر عمل تا قیامت پیروی کے لئے ہے۔ الا یہ کہ کسی خاص عمل کے لئے کوئی خاص وضاحت کردی گئی ہو۔
عمر سیف
محفلین
جزاک اللہ خیرا ۔۔۔۔۔۔
ایم اے راجا
محفلین
اس پوسٹ کو دیکهہ کر ایک واقع یاد آگیا غالبا 96 یا 97 کی بات ہے میرا ایک افسر تها جس کے پیٹ میں پانی بهر گیا تها عمر 55 یا کچهہ زائد ہو گی بہت حالت خراب تهی وہ ایک بزرگ و حکیم کے پاس گئے انہوں نے انہیں اونٹنی کا دوده صبح نہار منہ ایک گلاس اور شام کو خالی پیٹ ایک گلاس پینے کا کہا میرے دیکهتے ہی دیکهتے وہ کچهہ عرصے میں بالکل تندرست و توانا ہو گئے بلکہ یو لگتا تها کہ وہ جوان ہو گئے ہیں اور کیا ہی سرخ و سپید رنگت اور نکهار آگیا تها اسکے بعد وہ 3 یا 4 سال وہیں رہے پهر ریٹائر ہوئے اسکے بعد بهی میری ان سے ایک یا دو بار ملاقات ہوئی وہ بالکل تندرست تهے۔ انکے لیئے کئی بار میں بهی اونٹنی کا دوده لایا تها، بحرحال پیشاب کا مجهے پتہ نہیں۔ مگر اگر یہ حدیث مستند ہے تو پهر ہمارے ایمان کا جز ہے اور سو فیصد درست بهی ہے، مگر میں نے کہیں پڑها ہیکہ کئی طب نبوی کے نسخے اس وقت اور جگہ و علاقہ اور مخصوص آب و ہوا کے مطابق ہوتے تهے بلا تحقیق استعمال سے شاید افاقہ نہ بهی ہو۔