اپنی پسند دا پنجابی زبان دا اک شعر

[خالد محمود چوہدری]

اِٹ کھڑکّے، دُکڑ وجے، تّتا ہووے چُلھا
آن فقیر تے کھا کھا جاون ، راضی ہووے بُلّھا

 

[عبدالقیوم چوہدری]

دَس ایس ہجر دی حد مینوں
تُوں فیر ملیں گا کَد مینوں

مُک جان حیاتی دے دُکھڑے
آ کول میرے یا سَد مینوں

 

[عبدالقیوم چوہدری]

شرع آکھے، اساں شاہ منصور نوں سولی اُتے چاڑھیا
عشق آکھے، تُسی چنگا کیتا ۔۔۔۔بُوہے یار دے واڑیا

 

[عبدالقیوم چوہدری]

روز محشر حساب ہوسن
تے سوہنڑے چہرے خراب ہوسن

بے وفاواں دی منڈی لگسی
تے پہلی صف وچ 'جناب' ہوسن

کنِھوں ٹیگ کراں؟

 

[لاريب اخلاص]

غلام فریدہ شالا وسن جھوکاں
ساڈے ہسدے نین روائے نیں

 

[سید توصیف حیدر زیدی]

اَج دی رات میں کلّا وَاں،
کوئی نئیں میرے کول،

اَج دی رات تے میریا ربّا،
نیڑے ھو کے بول،

طارق عزیز

 

[سید شہزاد ناصر]

ساڈے عشق دے چمکدے لیکھاں تے ڈاہڈے غم دیاں سیاہیاں ڈھل گئیاں
جیہڑیاں حسن تے چمکائیاں سان،اوہ چاننیاں راتاں رُل گئیاں
ایس عشق نمانڑے دے دھاگے دیاں کج ایڈی اولڑیاں گنجلاں سان
کجھ کھولدے کھولدے ہور پیاں،کجھ پیندیاں پیندیاں کھل گئیاں

صوفی تبسم

 

[رباب واسطی]

سخت زباناں رکھن والے دیندے نئیں نقصان
بلھیا ڈر انہاں توں جہڑے جھک جھک کرن سلام

 

[سید شہزاد ناصر]

اسیں روندے وکھرے بہہ کے
ساڈی سب توں وکھری گل

ساڈی ساڈے نال نہ بن دی
اسیں آپ نئیں اپنے ول

اسیں بجھیاں سب بجھارتاں
سانوں ہور نہ ایویں چھل

ساڈا خون ہجر نچوڑدا
ساڈے مسلے دا نئیں حل

ساڈے اندروں گونج نہ جاندی
ساڈی رگ رگ وجدے ٹل

اسیں عشق نبھاون ٹُر پئے
ساڈی جیوندیاں لئے گئی کھل

ساڈے پَیر نے لہو لہان
سانوں یار پیا آکھے چل

پُنن لے سسی دی سار
شالا وسّے تیرا تھل

ساڈی منزل اوکھی بیلیا
توں ساڈے نال نہ رل

 

[زیرک]

واہ سید شہزاد ناصر شادو بھائی سچل کلام ونڈیا جے، جیؤندے رہوو۔
اینی ناں مجبوری پا
سہجے سہجے دوری پا
دونویں مہکن لگ جاں گے
ساہواں دی کستوری پا
کنے سفنے ویکھاں میں
بوہجھے وچ مزدوری پا
وچ شریکاں بیٹھا واں
ربا! میری پوری پا
کل نوں اوکھا ہوویں گا
اپنے آپ نوں گھوری پا

گوہر وریاہ

 

[احمد محمد]

یک لخت وچھوڑا اوکھا اے
چن میری من کجھ قسطاں کر

ہاہاہا۔۔۔ بہت ای اعلٰی

 

[جاسمن]

میں چِٹیاں فجراں لبھدی آں
مینوں گھپ اندھیرے لبھدے نیں
مینوں دل دا محرم نہیں لبھدا
مینوں یار بتھیرے لبھدے نیں

 

[سید شہزاد ناصر]

میں چِٹیاں فجراں لبھدی آں
مینوں گھپ اندھیرے لبھدے نیں
مینوں دل دا محرم نہیں لبھدا
مینوں یار بتھیرے لبھدے نیں

زبردست انتخاب
سلامت رہیں

 

[زیرک]

میری بیڑی تار وے سائیاں
مَن گئی ہاں ہُنڑ ہار وے سائیاں
لوک پُھلاں دی سیج سجاونڑ
ساڈے پیریں خار وے سائیاں​

 

[سید شہزاد ناصر]

میری بیڑی تار وے سائیاں
مَن گئی ہاں ہُنڑ ہار وے سائیاں
لوک پُھلاں دی سیج سجاونڑ
ساڈے پیریں خار وے سائیاں​

واہ
بہت خوب انتخاب
سلامت رہیں

 

[زیرک]

واہ
بہت خوب انتخاب
سلامت رہیں

کجھ تے بھُکھ دا بھرم وی رہنا چاہیدے
ہانڈی اُتے ڈھکن، تے وِچ ڈوئی رکھ

افضل احسن

 

[عبدالقیوم چوہدری]

‎تینوں اپنے دھیان اِچ رکھ کے
‎ویکھاں تیر کمان اِچ رکھ کے

‎گھر دا ماتم ویکھن آیاں
‎پِنڈا قبرستان اِچ رکھ کے
۔۔۔۔
محمد صابر

 

[فلک شیر]

لفظاں دا میں محل اساراں
تاں جے اوہدی چپ براجے

 

[سید عاطف علی]

دُکڑ وجے

اس دکڑ سے کیا مراد ہے ؟

 

[افنان ظفر]

میوزیم وچ اک خیال

گوتم میرے نال دھڑ وٹا لے
سنیا اے تینوں بکھ نہیں لگدی