اپنی پسند دا پنجابی زبان دا اک شعر

[عبدالقیوم چوہدری]

دِل وِچ ھووے، آس کِسے دے آون دی
اودوں کالے کاں وی، سوھنے لگدے نیں
۔۔۔
ارشاد سندھو

 

[انیس جان]

„دانشمند نوں سپ نئیں لڑدا، اک ،کُھڈوں دو واری
„او ہی مڑمڑ دھوکہ کھاندے مت جناں دی ماری„

میاں محمد بخش رح

 

[انیس جان]

سمندروں پار اے خانہ کعبہ اتھے جانا سوکھا
نفس دا نالہ ٹپ کے سائیں دل تک جانا اوکھا

 

[عبدالقیوم چوہدری]

اَنِھی پرھیا ہتھیں کانی سوٹی اے
تاں ماڑے دی وڈی گل وی چھوٹی اے

گول گھتِیرا واہ کے ماسٹر پُچھیا تے
بُھکیاں بالاں اُٹھ کے آکھیا روٹی اے
۔۔۔
انجم رانا

 

[رباب واسطی]

دِیوے بَالیاں رات نہیں ٹل دی
تے اکھاں میٹیاں ڈر نیں جاندے
بابا بلھے شاہ ؒ

 

[رباب واسطی]

وس وِچ کرکے ،،،،،،،، آکھن لگا
کُجھ نئیں میرے وس، لے دس

 

[عبدالقیوم چوہدری]

وس وِچ کرکے ،،،،،،،، آکھن لگا
کُجھ نئیں میرے وس، لے دس

ہالوئے۔۔۔۔۔۔۔۔

 

[عبدالقیوم چوہدری]

اوہ نہ رَجدے ساونی
اکھیں جہناں دے بُھکھ

شاہ چڑھاوے ماڑیاں (محل)
خلقت لبھے ٹُک (روٹی)
۔۔۔
راول راٹھ

 

[رباب واسطی]

نہ درداں دے نہ فرضاں دے
سب رشتے ناطے غرضاں دے

 

[عبدالقیوم چوہدری]

میلہ میلہ ہر کوئی آکھے، میں وی آکھاں میلہ
جس میلے وچ میل نہ ہووے، اوہ کاہداں جے میلہ

میاں محمد بخش رحمتہ اللہ علیہ

 

[رباب واسطی]

ہجر تیرا جے پانی منگے تے میں کھوہ نیناں دے گیڑاں
جی کردا تینوں کول بٹھا کے ،، اج درد پُرانے چھیڑاں
(میاں محمد بخشؒ)

 

[رباب واسطی]

سچ تے سجناں کوڑا ہوندا
سہہ نہ ھجر وچھوڑا ہوندا
نال دیاں دی خبر جے ہوندی
رزق کدی نہ تھوڑا ہوندا؟
دو ساواں دی مار اے بندہ
ایویں تھاں تھاں چوڑا ہوندا

 

[عبدالقیوم چوہدری]

سبھ توں مِٹھے اکھر ساڈے سبھ توں مِٹھے بول، بول پنجابی بول
ساڈی مِٹھی بولی ورگی، بولی کِس دے کول، بول پنجابی بول

جِس دھرتی دے پُتر ہوون، جگے، دُلے، بھگت سنگھ تے احمد کھرل
ماں بولی دے ویری اگے کِسراں جاون ڈول، بول پنجابی بول
۔۔۔
ارشاد سندھو

 

[عبدالقیوم چوہدری]

بھانویں کُج وی کول نی ہُندا
ہتھاں وِچ کشکول نی ہُندا

لکھاں ٹُھُڈے کھانڑیں پیندے
وٹّا ایویں گول نی ہُندا

 

[رباب واسطی]

رونق میلے ، گلاں باتاں ، درشن شام سویرے
یاراں نال بہاراں نیں تے یاراں باجھ ہنیرے

 

[عبدالقیوم چوہدری]

مینوں میں دے گھیرے وچوں
کڈھے کیہڑا نھیرے وچوں

 

[عبدالقیوم چوہدری]

زُلفاں چھنڈ کے سُٹن دا
پورا وَلّ سُو لُٹن دا

 

[عبدالصمدچیمہ]

مینوں کِنج ہلا سکدے نیں، جھکّھڑ تے طوفان
کھڑا واں، سَت زمیناں ڈھا کے، چُک کے سَت اَسمان
(بابانجمی)

پسندیدہ

 

[عبدالقیوم چوہدری]

‏جَد تک سینیوں ساہ نہیں مُکنے
لیکھاں والے پَھاہ نہیں مُکنے

تینوں بھاویں لوڑ نہیں ساڈی
سانوں تیرے چاہ نہیں مُکنے
۔۔۔۔
ابرار ندیم