اپنی پسند کا ایک شعر۔۔ ۔ ۔ ۔ ۔

[koolliver]

میں ِاس سے بڑھ کر ضبط کی مثال اور کیا دیتا
وہ ُمجھ سے ِلپٹ کے رو رہی تھی کسی اور کے لیے۔۔

 

[شمشاد]

koolliver اردو محفل میں خوش آمدید

اپنا تعارف تو دیں۔

 

[راجہ صاحب]

مجھ کو کہنے دو کہ میں آج بھی جی سکتاہوں
عشق ناکام سہی، زندگی ناکام نہیں
ان کو اپنانے کی خواہش انہیں پانے کی طلب
شوقِ بے کار سہی، سعئ غم انجام نہیں

ساحر لدھیانوی

 

[شمشاد]

ابھی تو خشک ہے موسم، بارش ہو تو سوچیں گے
کہ ہم نے اپنے ارمانوں کو کس مٹی میں بونا ہے

 

[عثمان رضا]

خوش آمدید اردو محفل پر

محسن کرم کی لے بھی ہو جس میں خلوص بھی
مجھ کو غضب کا ہے پیار اس دشمنی کے ساتھ

 

[شمشاد]

جس کے ہمراہ چلا تھا سارا زمانہ یارو
کسے اُمید تھی وہ شخص بھی تنہا ہو گا

 

[راجہ صاحب]

دائم آباد رہے گی دنیا
ہم نہ ہوں گے کوئی ہم سا ہو گا

 

[شمشاد]

بنجارے ہیں رشتوں کی تجارت نہیں کرتے
ہم لوگ دکھاوے کی محبت نہیں کرتے

کیوں بوجھ لیے بیٹھے ہو تم ذہن پہ اپنے
ہم لوگ تو دشمن سے بھی نفرت نہیں کرتے

 

[جٹ صاحب]

میری آنکھوں میں انتظار کے لمحات سونپ کر
میری نیند بھی لے گیا کوئی اپنے سفر کے ساتھ

 

[شمشاد]

جلتے ہوئے آنچل کو کچھ اور ہوا دیجیے
اب راکھ بنا دیجیے سب کچھ ہی جلا دیجیے
(لبنٰی صفدر)

 

[راجہ صاحب]

نہ ڈگمگائے کبھی ہم وفا کے رستے میں
چراغ ہم نے جلائے ہوا کے رستے میں

کسے لگائے گلے اور کہاں کہاں ٹھہرے
ہزار غنچہ و گُل ہیں صبا کے رستے میں

 

[عثمان رضا]

یہ مانا بھیج دے گا ہم کو محشر سے جہنم میں
مگر جو دل پہ گذرے گی، وہ دل ہی جانتا ہوگا
جگر مراد آبادی

 

[نوید صادق]

مجھ کو رونے سے نفرت شہرت
کیا کروں، درد بہت ہوتا ہے

(شہرت بخاری)

 

[فرحان دانش]

دی ہمیں آزادی کہ دنیا ہوئی حیران
اے قائد اعظم تیرا احسان ہے احسان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اے قائد تیری عظمت کو ساری قوم کا سلام

 

[مغزل]

پیاس بچے کی طرح ہے اسے بہلانا ہے
کوئی تصویر بہتے ہوئے پانی کی
توقیر اسد، جھنگ

 

[نوید صادق]

وجہِ بے گانگی نہیں معلوم
تم جہاں کے ہو، واں کے ہم بھی ہیں


شاعر: میر تقی میر

 

[مغزل]

امیرزادوں‌سے دلی کے مت ملا کر میر ؔ
کہ ہم غریب ہوئے ہیں انہیں‌کی دولت سے
خدائے سخن میرتقی میر

 

[فرذوق احمد]

نہ خوابوں کی طرح نہ خیالوں کی طرح‌
وہ شخض ریاضی کے سوالوں کی طرح

اُلجھا ہوا ایسا کے کبھی کُھل نہیں پاتا
سُلجھا ہوا ایسا کہ مشالوں کی طرح

شاعر:

 

[ناعمہ عزیز]

یہ بھی کیا کم ہے کہ ہم تیری تمنا میں جئیں غالب۔
لطفِ منزل نہ سہی حسرتِ منزل ہی سہی۔۔۔۔

 

[ایمان فاطمہ]

میں ِاس سے بڑھ کر ضبط کی مثال اور کیا دیتا
وہ ُمجھ سے ِلپٹ کے رو رہی تھی کسی اور کے لیے۔۔

معذرت چاہتی ہوں میں نے یہ شعر کسی اور طرح سے سنا ہے۔