اپنے ہر درد کا درمان بنائے رکھا

[ظہیراحمدظہیر]

حسبِ وعدہ ایک غزل احبابِ محفل کے ذوقِ سخن کی نذر ہے ۔ شاید ایک دو اشعار آپ کو پسند آئیں ۔ گر قبول افتد زہے عز و شرف!

٭٭٭

اپنے ہر درد کا درمان بنائے رکھا
غم اک ایسا تھا کہ سینے سے لگائے رکھا

پاسِ ناموسِ مسیحا تھا مجھے درپردہ
زخمِ جاں سوز کو مرہم سے بچائے رکھا

ایک اندیشۂ ناقدریِ عالَم نے مجھے
عمر بھر چشمِ زمانہ سے چھپائے رکھا

کبھی جانے نہ دیا گھر کا اندھیرا باہر
اک دیا میں نے دریچے میں جلائے رکھا

دیکھ کر برہنہ پا راہ کے کانٹوں نے مجھے
رشکِ گلشن مرے رستے کو بنائے رکھا

اصل کردار تماشے کے وہی لوگ تو تھے
وقت نے جن کو تماشائی بنائے رکھا

دیکھ سکتا تھا بہت دور تک آگے میں ظہیرؔ
جب تک اِن شانوں پہ بچوں کو اٹھائے رکھا

٭٭٭

ظہیر ؔ احمد ۔۔۔۔ (۲۰۱۹ )

​

 

[مقبول]

کبھی جانے نہ دیا گھر کا اندھیرا باہر
اک دیا میں نے دریچے میں جلائے رکھا

بہت خوب، جناب

 

[محمد خلیل الرحمٰن]

خوبصورت خوبصورت! بہت خوب۔

پاسِ ناموسِ مسیحا تھا مجھے درپردہ
زخمِ جاں سوز کو مرہم سے بچائے رکھا

کیا بات ہے صاحب۔ بہت داد قبول فرمائیے۔

 

[محمد عبدالرؤوف]

بہت خوب، لاجواب

 

[الف عین]

خوب۔اچھی غزل ہے ماشاء اللہ

 

[محمد تابش صدیقی]

حسبِ وعدہ ایک غزل احبابِ محفل کے ذوقِ سخن کی نذر ہے ۔ شاید ایک دو اشعار آپ کو پسند آئیں ۔ گر قبول افتد زہے عز و شرف!

٭٭٭

اپنے ہر درد کا درمان بنائے رکھا
غم اک ایسا تھا کہ سینے سے لگائے رکھا

پاسِ ناموسِ مسیحا تھا مجھے درپردہ
زخمِ جاں سوز کو مرہم سے بچائے رکھا

ایک اندیشۂ ناقدریِ عالَم نے مجھے
عمر بھر چشمِ زمانہ سے چھپائے رکھا

کبھی جانے نہ دیا گھر کا اندھیرا باہر
اک دیا میں نے دریچے میں جلائے رکھا

دیکھ کر برہنہ پا راہ کے کانٹوں نے مجھے
رشکِ گلشن مرے رستے کو بنائے رکھا

اصل کردار تماشے کے وہی لوگ تو تھے
وقت نے جن کو تماشائی بنائے رکھا

دیکھ سکتا تھا بہت دور تک آگے میں ظہیرؔ
جب تک اِن شانوں پہ بچوں کو اٹھائے رکھا

٭٭٭

ظہیر ؔ احمد ۔۔۔۔ (۲۰۱۹ )

​

لاجواب غزل۔
ایک ایک شعر گویا موتی پرو دیے ہوں۔
کیا کہنے ظہیر بھائی۔

 

[احمد محمد]

ماشاءاللہ۔۔ واہ۔۔۔۔ بہت عمدہ اور شاندار کلام فرمایا آپ نے۔ شاد و آباد رہیں۔

اور ایفائے عہد پر ہم آپ کے تہہ دل سے شکر گزار ہیں۔ صبح سے میں کچھ کام کے سلسلہ میں نکلا ہوا تھا اور میں نے سوچا ہوا تھا کہ گھر جا کر آپ کو یاد کرواؤں گا کہ دوسرا ویک اینڈ آگیا ہے تو کدھر ہے غزل مگر آپ نے پہلے ہی پوسٹ فرما دی۔۔

 

[احمد محمد]

شاید ایک دو اشعار آپ کو پسند آئیں

یہ آپکی عاجزی ہے وگرنہ مطلع تا مقطع کیا کمال فرمایا آپ نے۔

 

[جاسمن]

واہ واہ! کیا خوب کلام ہے! کیا چنے ہوئے اشعار ہیں ماشاءاللہ!
بہت خوب! ایک سے بڑھ کے ایک شعر۔
خوبصووووووووورت غزل۔

 

[لاريب اخلاص]

بہت خوب صورت!

 

[محمد احسن سمیع راحلؔ]

ایک اندیشۂ ناقدریِ عالَم نے مجھے
عمر بھر چشمِ زمانہ سے چھپائے رکھا

حسبِ حال لگتا ہے ظہیر بھائی
بہت خوب، زبردست

 

[ظہیراحمدظہیر]

بہت خوب، جناب

بہت شکریہ ، بہت نوازش! اللہ خوش رکھے ! ممنون ہوں ۔

 

[ظہیراحمدظہیر]

خوبصورت خوبصورت! بہت خوب۔
کیا بات ہے صاحب۔ بہت داد قبول فرمائیے۔

آداب ،آداب ! نوازش ہے ۔ ذرہ نوازی ہے ، خلیل بھائی ! سپاس گزار ہوں ۔

 

[ظہیراحمدظہیر]

بہت خوب، لاجواب

بہت شکریہ ، کرم نوازی ہے جناب عبدالرؤف صاحب! اللہ خوش رکھے ۔

سرگوشی

بھائی اس سے پہلے کہ میں آپ کو عبدالرؤف چھ سو بیس کہہ کر مخاطب کروں آپ اپنا نام اردو میں لکھوالیجئے ۔

 

[ظہیراحمدظہیر]

خوب۔اچھی غزل ہے ماشاء اللہ

آداب ، اعجاز بھائی ۔ آپ کی تحسین میرے لئے سند ہے اور باعثِ افتخار ہے ۔ اللہ کریم آپ کا سایا سلامت رکھے !

 

[ظہیراحمدظہیر]

لاجواب غزل۔
ایک ایک شعر گویا موتی پرو دیے ہوں۔
کیا کہنے ظہیر بھائی۔

نوازش ! بہت شکریہ تابش بھائی ! آپ ہمیشہ قدر افزائی کرتے ہیں ۔ اللہ آپ کو خوش رکھے ۔ سلامت رکھے !

 

[ظہیراحمدظہیر]

ماشاءاللہ۔۔ واہ۔۔۔۔ بہت عمدہ اور شاندار کلام فرمایا آپ نے۔ شاد و آباد رہیں۔

اور ایفائے عہد پر ہم آپ کے تہہ دل سے شکر گزار ہیں۔ صبح سے میں کچھ کام کے سلسلہ میں نکلا ہوا تھا اور میں نے سوچا ہوا تھا کہ گھر جا کر آپ کو یاد کرواؤں گا کہ دوسرا ویک اینڈ آگیا ہے تو کدھر ہے غزل مگر آپ نے پہلے ہی پوسٹ فرما دی۔۔

بہت شکریہ ! بڑی نوازش ، احمد محمد بھائی ! اللہ آپ کو خوش رکھے ۔ پذیرائی کے لئے ممنون ہوں ۔
مجھے وعدہ یاد ہے ۔ ان شاءاللہ ایک تازہ بتازہ غزل اگلے ہفتے احبابِ محفل کی خدمت میں اور پیش کروں گا ۔ ایک دس بارہ سال پرانی نظم بھی نکل آئی ہے وہ بھی لگانے کا ارادہ ہے ۔

یہ آپکی عاجزی ہے وگرنہ مطلع تا مقطع کیا کمال فرمایا آپ نے۔

آپ احباب کی محبت اور قدر افزائی ہے ورنہ من آنم کہ من دانم ۔ آپ احباب کی پذیرائی پر دل سے ممنون ہوں ۔

 

[محمد خلیل الرحمٰن]

ایک دس بارہ سال پرانی نظم بھی نکل آئی ہے وہ بھی لگانے کا ارادہ ہے ۔

اتنی خوبصورت غزلوں کے شاعر کی نظم بھی کیا چیز ہوگی!

 

[ظہیراحمدظہیر]

واہ واہ! کیا خوب کلام ہے! کیا چنے ہوئے اشعار ہیں ماشاءاللہ!
بہت خوب! ایک سے بڑھ کے ایک شعر۔
خوبصووووووووورت غزل۔

بہت شکریہ ،خواہرم جاسمن ! بڑی نوازش ہے ۔ آپ جیسے اہلِ ذوق کی طرف سے داد و تحسین اور پذیرائی ہی قلم کو تحریک دیتی ہے ورنہ طبیعت تو اب بجھتی ہی جارہی ہے ۔ اللہ آپ کو خوش رکھے ، ذوق سلامت رکھے ۔ آمین ۔

 

[ظہیراحمدظہیر]

بہت خوب صورت!

بہت بہت شکریہ لاریب بٹیا ! اللہ کریم آپ کو خوش رکھے ، دین و دنیا کی فلاح نصیب فرمائے ۔ نعمتوں کو بے زوال رکھے! آمین ۔