اگر اسے کج بحثی پر محمول نہ کیا جائے تو میں اب بھی یہ کہوں گا کہ "قرع انبیق" بھی کچھ ایسا مشکل نہیں ہے ۔۔۔ لیکن اگر متبادل کے طور پر دے دیا جائے انگریزی اصطلاح کے ساتھ تو اس میں آخر حرج ہی کیا ہے؟ ۔۔۔ یہ حکومتی سطح کا کام ہے ویسے ۔۔۔ ظاہری بات ہے کہ اگر حکومت نے اس سلسلے میں جلد توجہ نہ دی تو نسبتاََ معقول متبادل اصطلاعات بھی "ضربِ چلیپائی" بن جائیں گی ۔۔۔
برادر محترم ، میں جذباتی طور پر آپ سے متفق ہوں لیکن حقائق اس کے بر عکس ہیں۔ ہمارے اندر اپنی زبان کے حوالے سے ایک احساس کمتری موجود ہے جو عوامی اور سرکاری سطح پر ہر جگہ دیکھا جا سکتا ہے۔ جب کسی دفتر میں آپ کا کام پھنس جائے تو رشوت کی جگہ کبھی کبھار انگریزی بولنے سے بھی کام نکل آتا ہے۔ یعنی آپ اس باؤ کے اپنی قومی و مقامی زبان میں ترلے کر لیں وہ نہیں مانے گا لیکن انگریزی اس کے دل کا تزکیہ کر دیتی ہے۔ میں نے خود کئی بار دوران سفر انگریزی کے بل پر ریلوے ٹرین میں ٹانگیں پسارے ضدی مسافروں سے سیٹ خالی کروا کر انگریز کے درجات بلند کئے ہیں
۔ ایسے میں اپنی زبان کو سائنس کی نزاکتوں سے ہم آہنگ کرنے کے لئے بہت کام اور اس سے بھی زیادہ سرکاری سر پرستی کی ضرورت ہے جس کی امید فی الحال تونہیں ہے۔جی میں منتظر ہوں۔ اگر ہم غیر متعصب ہو کر مسئلے کا حل ڈھونڈنے کی کوشش کریں تو یقینا کامیابی ملے گی۔
یہ احساس کم تری اسی وقت ختم ہوگا جب حکم راں طبقہ قومی زبان کو استعمال کرنے میں اپنی توہین نہ سمجھے اور تمام کاروبارِ سرکار اردو ہی میں ہو تو کوئی انگریزی کو پوچھے گا بھی نہیں۔ کوئی بھی اچھائی یا برائی ہمیشہ اوپر سے شروع ہوتی ہے۔ عوام اس کی پیروی کرتے ہیں۔ جب ہندوستان میں سرکاری زبان فارسی تھی تو عوام کے لیے فارسی نامانوس زبان نہ تھی۔برادر محترم ، میں جذباتی طور پر آپ سے متفق ہوں لیکن حقائق اس کے بر عکس ہیں۔ ہمارے اندر اپنی زبان کے حوالے سے ایک احساس کمتری موجود ہے جو عوامی اور سرکاری سطح پر ہر جگہ دیکھا جا سکتا ہے۔ جب کسی دفتر میں آپ کا کام پھنس جائے تو رشوت کی جگہ کبھی کبھار انگریزی بولنے سے بھی کام نکل آتا ہے۔ یعنی آپ اس باؤ کے اپنی قومی و مقامی زبان میں ترلے کر لیں وہ نہیں مانے گا لیکن انگریزی اس کے دل کا تزکیہ کر دیتی ہے۔ میں نے خود کئی بار دوران سفر انگریزی کے بل پر ریلوے ٹرین میں ٹانگیں پسارے ضدی مسافروں سے سیٹ خالی کروا کر انگریز کے درجات بلند کئے ہیں
ابھی تو اردو کا وہ تناسب بھی نہیں ہے جو ہمارے زمانہ طالبعلمی میں تھا ۔ اس میں بڑی تیزی سے مزید گراوٹ آ رہی ہے۔ پہلے ہم اسے عوامی سطح پر فروغ دیں گے تو یہ کتابی سطح کے مدارج طے کرے گی۔
