میں آپ کے الفاظ آپ ہی کو لوٹاتا ہوں اس اضافے کے ساتھ کہ نام نہاد محب وطنی اور رومانیت پسندی سے باہر حقیقت پسندی اور تجزیہ بھی کوئی چیز ہے۔
میں ادھر ہائر ایجوکیشن کمیشن کی رپورٹ اور قائد اعظم یونیورسٹی کے پروفیسر پرویز ہود بھائی کے لنک لگانا چا رہا تھاتاہم آپ کا استدلال اب افراد کی رینکنگ تک پہنچ گیا ہے۔ کہ فلاں بندہ فلاں جگہ سے وہاں تک پہنچ گیا تو بس وہ مقام اعلیٰ ہے۔
آپ کے ساتھ تبادلہ خیال کا لطف آیا۔ تاہم اب شائد یہ اپنے اختتام کو ہے۔
اجازت دیجیے۔
سائنسی ترقی کے حوالے سے یہ کہوں گا کہ 'بہتر سے بہترین کی جستجو میں' وہ قومیں آگے نکلیں۔ انہوں نے تقلید کی بجائے اختراع کے نئے گوشوں تک رسائی کی کوشش جاری رکھی۔ ہماری طرح زبان وبیان کے چکر میں پڑنے کی بجائے دستیاب علوم و فنون میں اس قدر دستِ رس حاصل کیا کہ ایجادات کی بدولت اسماء و اصطلاحات خود بخود ان کی زبان میں ڈھل گئیں۔
میرا مقصد ان کے ذریعہ تعلیم کو اور اس میں انگریزی نٍفوذ پذیری کو معلوم کرنا تھا کہ آیا یہ قومیں بھی انگریزی ہی کو ذریعہ تعلیم بنا کر وقت کو دوڑ میں آگے نکلیں یا انھوں نے علوم کو اپنی زبانوں میں منتقل کر کے ان سے فائدہ اٹھایا۔
میں نے صرف سائنسی علوم کے حوالے سے بات کہی تھی۔ زبان و بیان کے چکر میں نہ پڑنے کا مطلب یہ نہیں کہ انہوں نے بدیسی زبانوں کو اپنا لیا بلکہ اس طرح سے زبان کو مسئلہ نہیں بنایا جیسا کہ ہمارے ہاں اسے بنا لیا گیا ہے بلکہ انہوں نے دستیاب علوم کو اپنی زبانوں میں بھی ڈھالا لیکن یہ تب ہی ممکن ہوا جب انہوں نے اپنی نسل کو اپنی زبان سے جوڑے رکھا اور اس کی ترقی کے لئے ہمیشہ کوشاں رہے۔ یہ ایک لمبی بحث ہے کہ انہوں نے کیسے اپنی زبان کو بین الاقوامی علوم سے جوڑا اور اس کے لئے اپنا تعلیمی بجٹ کتنا رکھا۔ جبکہ ہمارے ہاں انگریزی بولنا اور سمجھنا عام طور پر فخر خیال کیا جاتاہے وہاں ہم سائنسی علوم کو اردو میں پڑھنے پڑھانے کا کیوں کر سوچتے ہیں؟۔اگر یہ کام کرنا ہے تو ہمیں پہلے اس سوچ کو بدلنا ہو گا جو انگریزی زبان کے حوالے سے ہمارا المیہ بن گئی ہے کہ انگریزی پڑھے گا تو باؤ بنے گا ورنہ نہیں۔
آپ نے سوچ کا ایک در کھول دیا ہے۔ اس پر غور کرنا چاہئے۔ انشا ء اللہ کچھ تحقیق کرنے بعد اس پر بات ہو گی۔
موجودہ کن ترقی یافتہ قوموں نے اس فن کو استعمال کیا کسی قوم کی مثال پیش کریں(بشمول حوالہ جات) تو اس حوالے سے مزید حوصلہ افزائی کا باعث ہو گا۔
کون سا فن؟۔
محب علوی ، اس بات کو تھوڑا وسیع پیمانے پر دیکھیں تو ہم نے علوم کو زبانوں سے نتھی کر کے خود کو بہت نقصان پہنچایا ہے۔ اچھی انگریزی بولتا ہے تو اچھا مہندس اور اچھی عربی بولتا ہے تو اچھا عالم۔ حالانکہ مہارتوں کا تعلق فی نفسہ ان کے قواعد و ضوابط کو سمجھنے سے ہوتا ہے۔ یہی فکر ہمیں تعلیمی میدان میں پیچھے رکھ رہی ہے۔
