جہانزیب برادر،
آپ کو واقعی حق بنتا ہے کہ اگر ایران طالبان کو اسلحہ فراہم کر رہا ہے تو اس پر تنقید کریں۔
مگر باقی جو طالبان کے حامی ہیں، اُنکی طرف سے طالبان کو اسلحہ فراہم کیے جانے پر تنقید کا مطلب یہ ہے کہ وہ صرف دشمنی برائے دشمنی کر رہے ہیں۔
////////////////////////////////
بار دیگر، عرض یہ ہے کہ اگر ایران نے طالبان کو اسلحہ فراہم کیا ہے تو بہت غلط کیا اور اسکے خلاف احتجاج میں میں آپکے مکمل ساتھ ہوں۔
لیکن اگر ایران نے ایسا نہیں کیا، اور یہ خبر جھوٹی ہے اور اس میں سازش کی بو آتی ہے تو مجھے امید ہے کہ اللہ کے نام پر پھر آپ ایران کے ساتھ انصاف کر رہے ہوں گے۔ انشاء اللہ۔
صورتحال یہ ہے کہ:
1۔ پاکستانی میڈیا کا معیار کچھ قابل فخر نہیں ہے۔
2۔ پاکستانی میڈیا میں بہت سی جھوٹی خبریں صحافی اپنا نام لیکر تک شائع کر دیتے ہیں، اور چونکہ زیادہ تر یہ جھوٹی خبریں عوام کی اکثریت کے مزاج کے مطابق بنائی جاتی ہیں، اس لیے عوام میں انہیں بغیر تحقیق کے پذیرائی بھی بہت ملتی ہے۔ [دوسرے الفاظ میں ان جھوٹے خبریں پھیلانے والوں کو عوام کو الو بنانے میں زیادہ مشکل نہیں ہوتی کیونکہ عوام خود الو بننے پر تیار بیٹھی ہوتی ہے۔]
3۔ مثال کے طور پر ایران سے تعلقات خراب کرنے کے لیے ایک بات یہ مشہور ہے کہ بلوچستان میں بہت سارا تیل نکل آیا تھا مگر ایران نے دباو ڈلوا کر تیل نکالنا بند کروا دیا اور اب ایران خود بلوچستان کا سارا تیل اپنے علاقے سے کھینچ رہا ہے۔
یہ خبر پاکستان میں ایسی پھیلائی گئی کہ بچے بچے کی زبان پر ہے۔ یہی کچھ پاک ڈیفنس فورم میں ہو رہا تھا۔ اس پر ایک ایرانی برادر نے ایران کے تیل کے تمام تر کنووءں کا پورا نقشہ پیش کر دیا جس کے مطابق تیل کے یہ تمام کنویں ایران کی مغربی سرحد [عرب ممالک کے ساتھ خلیج فارس کی طرف] ہیں، جبکہ مغربی سرحد [پاکستان و افغانستان] میں اگلے کئی سو کلومیٹر تک ایک بھی تیل کا کنواں نہیں ہے۔
شرم کی بات ہے۔ کم از کم میں نے پاک ڈیفنس پر یہی دیکھا کہ اس ثبوت کے بعد اراکین کی اکثریت اس بات پر نالاں تھی کہ پاکستان میں ایسی افواہیں ایسی آسانی سے کیسے پھیل جاتی ہیں۔ [نوٹ: کچھ اراکین ایسے بھی تھے تو اس ثبوت کے بعد بھی ماننے کے لیے تیار نہیں تھے۔ اور جب جوابا انہیں اپنا ثبوت لانے کو کہا گیا تو بات ماموں جان نے کہا یا چچا جان نے کہا سے آگے نہ بڑھ سکی۔
4۔ اگلی مثال دیکھئیے کہ جب نام لیکر روزنامہ جنگ کے صحافی جاوید رشید صاحب یہ خبر اڑا رہے ہیں کہ انڈیا اپنی ڈیڑھ لاکھ فوج افغانستان میں تعینات کر رہا ہے۔
پورا تھریڈ یہاں پڑھئیے
5۔ اگلی مثال پاکستانی اخبارات میں چھپنے والی یہ خبر تھی افغانستان نے [یونیفارم میں] اپنی چھ ہزار فوجیوں کو پاکستان میں خفیہ کاروائی کے لیے بھیج دیا۔
یہ ایسا بڑا جھوٹ تھا کہ سہا نہ گیا اور اس خبر کو بھی ہٹا لیا گیا۔ [لنک چاہیے تو بتائیے گا اور میں نے تمام ثبوت اسی فورم میں ایک تھریڈ میں پیش کیے ہوئے ہیں]
6۔ اور پھر حامد میر جیسے صحافی، جنہوں نے واہ کینٹ کی حملے میں محسود و ملا عمر کی طالبان کو صرف اپنے مفروضوں کے بل بوتے پر مکمل فرشتہ ثابت کر دیا، جبکہ ملا عمر خود ٹی وی پر آ کر خود کش حملے پر فخر کر رہا ہے۔
حامد میر اس سے قبل ایران پر بھی صرف اپنے مفروضوں کی بنیادوں پر ایسے الزامات لگا چکا ہے اور ہماری قوم کا ایک طبقہ بنا اس شخص کی تحریر پر غور کیے اور اسے انصاف کے تقاضوں پر پرکھے اھلا و سھلا کہہ رہا ہوتا ہے۔
////////////////////////////////////////
اب بی بی سی کی اس خبر پر بذات خود نظر دوڑاتے ہیں۔
اس کہانی کے موجد کا نام ہے :
" کیٹ کلارک"
مجھے علم نہیں کہ یہ کیٹ کلارک صاحب یا صاحبہ کس حد تک اس قسم کی خبروں کا مستند ماخذ ہیں۔
بہرحال، صورتحال یہ ہے کہ جب عراق جنگ کرنی تھی تو امریکی اور برطانوی اخبارات کیمیائی بموں والی خبروں کو اچھالتے تھے۔
پھر میں نے یہ دیکھا کہ امریکی صدر تا پریس عراق میں القاعدہ اور خود کش بمباروں کی مدد کا الزام ایران پر لگا رہا ہے۔
پھر یہی چیز افغانستان میں ہوئی۔ اور یہ آج کی بات نہیں، بلکہ ماضی میں بھی امریکی حکومت اور پریس والے یہ خبریں اڑاتے رہیں ہیں کہ افغانستان میں ایران طالبان کو اسلحہ فراہم کر رہا ہے۔
بہرحال، امریکی حکومت اور پریس کے بالکل برعکس، عراق کی اپنی جمہوری حکومت، اور افغانستان کی اپنی جمہوری حکومت دونوں امریکی حکومت اور پریس کے ایران پر الزامات کی تردید کر رہے ہیں۔ مجھے علم ہے کہ بہت سے لوگ افغانستان اور عراق کی حکومتوں کو امریکہ کی پٹھو حکومتیں کہتے ہیں، مگر سوچیں کہ کیوں پھر ایسا ہے کہ اسکے باوجود بھی یہ امریکہ کی بات کی تردید کر رہے ہیں [یقینا لوگ اسکے بھی ہزار بہانے بنا لیں گے اور الزامات لگانے سے باز نہیں آئیں گے]
بہرحال، یہ کیٹ کلارک صاحب/صاحبہ اپنے مضمون کی شروعات اس سے کر رہے ہیں
"۔۔۔ قابل اعتماد شواہد سے معلوم ہوا ہے۔۔۔۔"
بھائی جی آپ انصاف کی کرسی پر بیٹھے ہیں اور اللہ ہم سب کے اعمال و افعال پر گواہ ہے۔۔۔۔۔ اپنے دل سے پوچھئے کہ کیا واقعی ان الفاظ سے شروع کی گئی اس عبارت پر یقین کرنا چاہیے یا نہیں؟ یا پھر یہ دشمن کی چال ہے کہ آپس میں نفرتیں پھیلائی جائیں
اسکے بعد کیٹ کلارک صاحب/صاحبہ نے آگے اور کوئی ثبوت نہیں دیا ہے، سوائے اسکے طالبان کے پاس ایرانی کلاشنکوف اور ایرانی بارودی سرنگ موجود ہیں، جو ان صاحب/صاحبہ کی اپنی زبانی سمگلروں اور غیر قانونی اسلحہ ڈیلروں تک کے پاس موجود ہیں۔
///////////////////////////////////
اس پہلو سے بھی غور کریں کہ جب ایران نے حزب اللہ کی اسلحے سے مدد کی تھی تو حزب اللہ اس قابل تھی کہ وہ اسرائیل کو چند ہی دنوں کی جنگ میں بھرپور نقصان پہنچائے۔ جبکہ حزب اللہ کے چار پانچ ہزار رضاکاروں کے مقابلے میں طالبان کے کئی لاکھ افراد ہیں، مگر وہ ان تمام سالوں میں ابھی تک دو سو امریکی فوجی ہی مار پائے ہیں۔ اگر ایران طالبان کی پیچھے ہوتا تو پھر یہ نقصان کئی گنا بڑے پیمانے پر ہوا ہوتا۔
ان تمام باتوں کے باوجود اگر آپ کو "کیٹ کلارک" صاحب کے ان نام نہاد مستند ذرائع پر اعتبار ہے تو یہ آپکی رائے ہے کہ جس کا میں احترام تو کر سکتی ہوں مگر اس سے اختلاف ضرور رکھتی ہوں۔
والسلام۔
