ایسے اشعار جن میں کوئی ایک حرف بکثرت آیا ہو

[MD MUBARAK ANSARI]

نظرنے نظر کو نظر بھر کے دیکھا
نظر کو نظر کی نظر لگ گئی ہے

 

[فیصل عظیم فیصل]

چچا جو چیچہ وطنی کے چبارہ چوک میں چڑھتے
پہاڑی پار سے پہلے، پیارے پوچھ کر پڑھتے
خواہش آپ کی ، احرف تعدد خوب ہوجائے
لہک لاہور سے لاکرلڑائی کس طرح لڑتے

فیصل عظیم فیصل

 

[سیما علی]

بس مجھے یوں ہی اک خیال آیا
سوچتی ہو ، تو سوچتی ہو کیا
جون ایلیا

 

[سیما علی]

جان دی، دی ہوئی اسی کی تھی
حق تو یہ ہے کہ حق ادا نہ ہوا

 

[سیما علی]

ابھی کچھ دن لگیں گے دید کی تکمیل ہونے میں
بنے گا چاند پورا ماہتاب آہستہ آہستہ
عدیم آہستہ آہستہ جوانی سب پر آتی ہے
مگر جاتا نہیں عہدِ شباب آہستہ آہستہ
عدیم ہاشمی

 

[سیما علی]

ﮨﺎﺋﮯ ﮐﻮﺋﯽ ﺩﻭﺍ ﮐﺮﻭ ﮨﺎﺋﮯ ﮐﻮﺋﯽ ﺩُﻋﺎ ﮐﺮﻭ
ﮨﺎﺋﮯ ﺟﮕﺮ ﻣﯿﮟ ﺩﺭﺩ ہے ﮨﺎﺋﮯ ﺟﮕﺮ ﮐﻮﮐﯿﺎ ﮐﺮﻭﮞ
حفیظ جالندھری

 

[سیما علی]

جو نظر بچا کے گزر گئے مرے سامنے سے ابھی ابھی
یہ مرے ہی شہر کے لوگ تھے مرے گھر سے گھر ہے ملا ہوا
اقبال عظیم

 

[سیما علی]

عشق سے طبیعت نے زیست کا مزا یاپا
درد کی دوا پائی، دردِ لا دوا پایا
مرزا غالب

 

[صاد الف]

شعر غیرسنجیدہ ہے لیکن حروف/الفاظ کی تکرار ہے:

کھَڑک سنگھ کے کھَڑکنے سے کھَڑکتی ہیں کھِڑکِیاں
کھِڑکِیوں کے کھَڑکنے سے کھَڑکتا ہے کھَڑک سنگھ

 

[صریر]

چاہا تھا ہم نے جو بھی، وہ بس چاہتے رہے
چاہت بس اب یہی ہے، کہ کچھ بھی نہ چاہئے
صریر

 

[سیما علی]

چاہا تھا ہم نے جو بھی، وہ بس چاہتے رہے
چاہت بس اب یہی ہے، کہ کچھ بھی نہ چاہئے
صریر

بہت خوب

 

[سیما علی]

غم مجھے دیتے ہو اوروں کی خوشی کے واسطے
کیوں برے بنتے ہو تم ناحق کسی کے واسطے
ریاضؔ خیر آبادی

 

[سیما علی]

کہانیاں ہی سہی سب مبالغے ہی سہی
اگر وہ خواب ہے تعبیر کر کے دیکھتے ہیں

اب اس کے شہر میں ٹھہریں کہ کوچ کر جائیں
فرازؔ آؤ ستارے سفر کے دیکھتے ہیں

 

[سیما علی]

عشق تھا اور عقیدت سے ملا کرتے تھے
پہلے ہم لوگ محبت سے ملا کرتے تھے

روز ہی سائے بلاتے تھے ہمیں اپنی طرف
روز ہم دھوپ کی شدت سے ملاکرتے تھے

 

[سیما علی]

بے تکلّف بھی تِرا حُسنِ خُود آرا تھا کبھی
اِک ادا اور بھی تھی حُسنِ ادا سے پہلے
فراق گورکھپوری

 

[سیما علی]

روش روش پہ ہیں نکہت فشاں گُلاب کے پھول
حسیں گلاب کے پھول، ارغواں گُلاب کے پھول
مجید امجد